Isaya 55:2 - Bhiblia Yo Sawuleka

² Mi xakelela txani male ka sile i singako sakudya kani? Ni mihando ya mthumo wanu, ka sile si si khurisiko kani? Ni engiseni kha kwati, mi nadya so tshamba, ni mihefemulo yanu yi na tsaka ngu so nona.

Isaya 55:2 Referans Kwoze

Jeremiya 2:13

Nguko vathu vangu va mahile kubiha kumbidi: Va ni lekile ani txisima txa mati ma hanyako, ve ti akela mathange ma ku ni tifa, ma si sikotiko kuxayisa mati.

Masalmo 36:8

Ha tsaka ngutu ngu kupfa kukhura ngu sakudya so tala sa nyumbani kwako; awe wa hi ninga kusela mati a mnamboni ka wunene wako,

Masalmo 22:26

Sisiwana si na dya kala si khura; avale va lavako Mkoma va na m'dhumisa. Va na hanye ta tinene kala kupinduka!

Vahebheru 13:9

Mi nga tumeleni kukanganyiswa ngu tigondo to mbi zivaneka. Nguko, ti ni lisima ngako mbilu yi txi tsaniswa ngu kateko kupinda sakudya, asi si si vhuniko txilo ka vale va namarelako ka sona.

Jeremiya 31:14

Ni na khurisa mimoya ya vaphaxeli ngu mafura, sekoko vathu vangu va na khura ngu silo sa sinene sangu, kuwomba Mkoma.

Habhakuki 2:13

Wonani taku, kha ti ti ngu ka Mkoma wa Mabutho a Tiyimbi taku, matiko me thumela kuhiswa ngu mndilo, ni ti to vathu ve karala ngu ta kwa mbi nyawula.

Hoseya 8:7

Nguko va phayile mimoya, se va na funyela singulu, kha ku na thembwe; fulaho kha yi na mbi veleka mafaka; kambe ngako yi txi veleka mafaka, ona ma na dyiwa ngu vamatiko.

Isaya 51:7

Ni engiseni anu mi zivako wululamo, anu vathunu mlayo wangu wu ku timbiluni kwanu; mi nga thaveni kutseketselwa ngu vathu, hambi kukarateka ngu siruko sawe.

Marku 7:14

Ngu msana a to engeta a txi ramba dibutho da vathu a txi va gela a txi khene: “Ni engiseni motshenu, mi txi engisisa.

Matewu 22:4

A to engeta e ruma simwani sithumi, a txi si leleta a txi khene: ‘Gelani avale va nga rambwa, mi txi khanu: Sakudya si lulamile; ni date tihomu tangu ni sifuyo sangu sa kunona, sotshe si lulamisetwe. Ngonani m'busoni!’ ”

Isaya 51:1

Ni engiseni anu mi londetako wululamo, anu mi lavako Mkoma; wonani ka dirigwi di mi nga huma ka dona, ni ka phako ya txisima txi mi nga humiswa ka txona.

Masalmo 63:5

Moya wangu wu na maneka wu txi tsaka; nga ni to dya sakudya so tshamba. Txisofu txangu txi na kudhumisa ngu kutsaka.

Varoma 9:31

Kasi Vaisrayeli va va nga ti khutalela kutatisa mlayo wa Txizimu, va wu tandi.

Matewu 15:9

Va ni khizamela walo, nguko tigondo ti va gondisako nzileleto sa vathu dwe.’ ”

Isaya 51:4

Ni engiseni anu vathu vangu, ni ditiko dangu! Riyani tinzeve kwangu, nguko mlayo wu na huma ngu kwangu, ni kululama kwangu ku na maneka i ti liwoningo la vathu.

Isaya 1:19

Ngako mi txi tumela kuengisa, mi na dya so tshamba ha mafuni hawa.

Mavingu 9:5

Ngonani hi ta dya sakudya hotshethu, ni kusela vhinya yile ni nga yi lulamisela.

Masalmo 34:11

Vanangu, ngonani, mi ta ni engisa: Ni na mi gondisa kuthava Mkoma.

Varoma 10:17

Kha ditshuri, kukholwa kuta ngu kuengisa ti ti txhumayelwako, kutxhumayela ngu kuzivisa dipswi da Kristu.

Luka 15:23

Wuyisani dirole da kuena, di dayeni hi txi dya, hi maha msaho,

Hoseya 12:1

Efrayime a ti dyisa ngu moya, kambe a londeta moya wa wutxani: Ditshiku dotshe a andisa makuhu ni kuhoxota, a maha txitumelelano ni Asiriya, se mtona wa kona wu yiswa Egipta.

Isaya 46:6

Va xakela nzalama amu ka tithavangu, ve pima silivhela ngu sikalo; va hakela mtshuli, se ene e maha txizimu, masoni ka txona va nama ve khizama.

Isaya 25:6

Se Mkoma wa Mabutho a Tiyimbi a na ninga ka mmango wuwa ka votshe vathu, m'buso ngu sihari so nona, m'buso wa vhinya ya yinene, kudya sakudya sa mafura, kuselwa ni vhinya ya yinene, yo surutetwa kha kwati.

Ekleziyaste 6:2

M'thu wule Txizimu txi nga mninga tithomba, mipeto, ni wudhumo, aha ko asi pwati txilo ka sotshe sile mbilu yakwe yi si navelako, kambe Txizimu kha txi mningi mtamo wa kusidya; aniko si dyiwa ngu mmwani; eto ni tona mbukanganyisi, kambe mbulwati wo karata.

Mavingu 8:32

Kona kuwa koko, vanangu, ni engiseni, nguko va na kateka vale va no veketa tinzila tangu.

Dhewuteronome 11:13

Se ku na maheka taku, ngako ngu ditshuri mi txi vekisa sirumo siya nyamsi ni mi leletako, mi txi randa Mkoma, Txizimu txanu, ni ku mkhozela, ngu yotshe mbilu yanu, ni wotshe moya wanu,

Eksodha 15:26

Se a txi khene: “Ngako u txi engisisa kha kwati dipswi da Mkoma, Txizimu txako, ni kumaha ti i ku to lulama masoni kwakwe, kambe u txi dingeta nzeve yako ka sirumo sakwe, ni kuvekisa sotshe sileleto sakwe, kha ni na mbi rumela malwati ni a mamwewo txitimwi kwako, ale ni nga ma veka txitimwi ka Vaegipta; nguko ani ngani Mkoma, ni ku kalamukisako.”

Isaya 44:20

Adya dikhuma; mbilu yakwe ya wukanganyisi yi m'hambukisile, aha ko kha na kuhulukisa wutomi wakwe, hambi kuwomba ku khene: Ina kha ku nga ni makuhu ka dianza dangu da txinene kani?

Mavingu 7:23

eza e fulwa txivindi ngu lingove, kufana ni txinyana txi tutumelako mlawuni, na txi si ti zivi taku wu riyela wutomi wa txona.

Mavingu 1:33

Aniko awule a no ni engisa a na hanya ngu kutsana, kambe a na humula mu ko thava kubiha.

Matewu 5:6

Va katekile ava va ku ni nzala ni ditora da wululami, nguko va na khuriswa!

Johani 6:27

Mi nga karatekeni ngu kuthumela sakudya si si pindako, aniko thumelani asi si no va si diho kala kuhoka ka wutomi wo mbi guma, asiya Mwanana wa M'thu a no mi ninga, nguko Ene wu, ngene a nga vekelwa txixambanyo ngu Txizimu Tate.”

Isaya 10:27

Se ti na maheka ka dona ditshiku dile taku, mrwalo wanu wu thaviswa makatani kwako, ni dikange dako ha thamoni kwako; se dikange di na funyeletelwa ngu mhaka ya kutotwa.

Isaya 62:8

Mkoma a xambanyile ngu dianza dakwe da txinene, ni diwoko dakwe da mtamo, a txi khene: Kha ni na mbiswa kambe ni ningela fulaho yako ka valala vako, hambi va mamwani matiko kha va na mbi sela vhinya yako, yile u nga ti thumela.

Isaya 62:9

Aniko avale va no sengeletela, va nadya kambe va na dhumisa Mkoma; ni vale va no elula va na sela mithandani ka wukhalo wangu wo sawulekani.

Isaya 65:23

Kha va na mbi thuma, hambi kuveleka vanana kasi ku va xanisa, nguko liveleko la va vo katekiswa ngu Mkoma, kumweko ni lixaka vawe.

Jeremiya 12:13

Va phayile fulaho, va funyete mipa; va ti karatile walo. Mi na va ni tingana ngu mhaka ya kufunyela kwawe. Ni kuhisa ka txiviti txa Mkoma.

Jeremiya 17:24

Ngako koko, mi txi ni engisa, kuwomba Mkoma, mi si wuleti mirwalo sidingeni ka didhoropa diya ngu ditshiku da Sabbata, kambe mi sawulekisa ditshiku da Sabbata, mi nga thumeni mthumo ngu dona;