Isaya 53:5 - Bhiblia Yo Sawuleka

⁵ Aniko ene a pekilwe ngu sihambunyeto sathu, e xaniswa ngu mhaka ya wubihi wathu; txitsayiso txi txi hi tiselako kudikha, txi ti ti txitimwi kwakwe, se hi hanyisilwe ngu mikhwimbiriti yakwe.

Isaya 53:5 Referans Kwoze

1 Pedro 3:18

Kha ditshuri, Kristu nene a fite ka kumweko ngu mhaka ya sionho sanu, ene i ku wo lulama, a txi fela vale vo mbi lulama, kasi ku mi yisa ka Txizimu. A fite ngu ka mmidi, aniko a hanyisilwe ngu ka moya.

Matewu 20:28

Nga toneto, Mwanana wa M'thu nene, kha tela ku ta thumelwa, aniko a tete ku ta thumela, ni kuningela wutomi wakwe, kasi kutirula vavangi.”

2 Vakorinto 5:21

Kristu kha ziva txionho, kambe Txizimu txi mmahile txionho ngu kota yathu, kasiku athu hi txi maha volulama masoni ka Txizimu ngu kota yakwe.

Vahebheru 10:14

Kha ditshuri, ngu mhamba yimweyo dwe, ene a va ningile kusawuleka ko hetiseka, vona vathu vava a va sawulekisako.

Varoma 4:25

ene wu a nga ningelwa ngu kuonha kwathu, e wuswa ka vafi, kasi ku hi txi mana kumahwa valulami.

Vahebheru 10:10

Se ngu kona kuranda kuwa, athu hi basisilwe ngu kuningelwa ka mmidi wa Jesu Kristu, awu wu nga ningelwa kumweko dwe, wu txi maha mhamba yo mbi na magwito.

1 Vakorinto 15:3

Nguko kukhata, ni mi gondisile tiya nani ni nga gondiswa: Ti ta ku Kristu a fite ngu mhaka ya sionho sathu, nga tiya yi wombisako tona Mibhalo.

Vahebheru 9:28

ngu toneto, Kristu a ti ningete kumweko basi, kufela kufuvisa sionho sa vathu vavangi. A na woneka da wumbidi, i si nga ngu mhaka ya txionho, aniko ngu mhaka ya ku ta hanyisa avale va m'verelako.

Vaefesu 5:2

Se tsimbilani ngu lirando, kufana ni Kristu, na nanu vanani ni lirando, nguko Ene a mi randile. Ene a ti ningete apune ngu kota yathu, a txi ti maha gandelo ni mhamba yo bhumula ya kutsakisa Txizimu.

Dhaniyeli 9:24

Mtxhanu wa magumi ni mambidi a mavhiki ma emisetwe txitimwi ka vathu vako ni txitimwi ka didhoropa dako do sawuleka, kasi kufuvisa wuhambunyeti ni kuheta sionho, ni kubasisa wubihi, ni kutisa kululama ko mbi na magwito, ni kutsanisa txiwoniso ni txiprofeto, ni kutota Msawuleki wa vasawuleki.

Genesisi 3:15

Se ni na veka livengo hagari kwako ni wamsikati, hagari ka liveleko lako ni liveleko lakwe; aliya li no ku ganyata msungo, se awe u txi li luma txizenende.”

Zakariya 13:7

Awe ditxhari khukha u lwa ni m'dyisi, lwana ni wamwamna wule i ku mngana wangu, kuwomba Mkoma wa Mabutho a Tiyimbi; peka m'dyisi, se ti na hangalaka tinvuta; aniko ni na nawuluta dianza dangu, ni peka vale vavadotho.

Vahebheru 5:8

Ene, hambiko i ku Mwanana wa Txizimu, ka sixaniso sakwe, a gondile nzila ya kuengisisa.

Dhewuteronome 11:2

Se nyamsi mi na tiziva tito, kha ni wombawombi ni vanana vanu, ava va si tiziviko, ni va va nga mbi ti wona, ati a nga gondisa Mkoma, Txizimu txanu, wuhombe wakwe, dianza dakwe do tsana, ni diwoko dakwe da mtamo;

Masalmo 30:2

Mkoma, Txizimu txangu, ni ku kombete txivhuno, se awe u ni hanyisile.

Mavingu 20:30

Mikhwimbiriti ya silonda yi sawulekisa vo biha, kumweko ni kupandisa kule ku wulelako mndani.

Isaya 6:7

Se ngu dona di to gwesa txisofu txangu, di txi kha dona: Wona, dikala diya di gwesile txisofu txako; se wubihi wako wu thavisilwe, ni kuonha kwako ku divaletwe.

Isaya 40:2

Wombawombani ngu wumbilu ka Jerusalema, kambe kwangulani mi m'zivisa ti to wukhumbi wakwe wu gumile, ti to sionho sakwe si divaletwe, ni ti to ka sotshe sionho sakwe a amukete hakhelo kumbidi ngu ka dianza da Mkoma.

Isaya 57:18

Ani na ti wona tinzila tawe, hambi keto ni na va hanyisa; kambe ni na va thangela ni tshumela ni va thavelela, ni vale va dilako navo.

Jobe 33:24

sekoko yi na tsetsa m'thu, yi txi kha yona ka Txizimu: Mtxhatxhe, a nga relele diphalani; se ni mani txo mtekisa ngu txona.