Isaya 53:2 - Bhiblia Yo Sawuleka

² Nguko a humile masoni ka Mkoma nga txiluva, e fana ni m'twi ka mafu a kuoma; asi nga ni wuwono ni kutshura ka hombe; se mbimo yi athu hi nga muwona, kha ha wona kutshura ni kakumweko, kasi ku hi txi mnavela.

Isaya 53:2 Referans Kwoze

Isaya 52:14

Vathu votala mbimo yi va nga wona va to xamala, nguko khohe yakwe yi ti ti bihile ngutu, kupinda tikhohe ta vamwani, ni txiwumbeko txakwe txi ti ti pinda txa vamwani anana va vathu.

Isaya 11:1

Nguko ku na mila dikhukhu ditshinani ka Jese, ni ka mitwi yakwe ku na mila didhavi di veleka mihando.

Marku 6:3

Ina hi nga ene wuwa m'vati, mwanana wa Mariya, mwanawe Jakobe, ni Josi, ni Judha, ni Simoni, kani? Ina tindiyakwe kha ti nga ho hagari kwathu kani?” Se ve khuveka ngu ngene.

Jeremiya 23:5

Se mata masiku, kuwomba Mkoma, aawa ni no wusela ka ona Dhavhidha dikhukhu do lulama. A nava mfumeli wa txitshurwa, a na humelela, ene a na lamula ngu mlayo ni wululamo, ha ditikoni.

Marku 9:12

A to va angula a txi khene: “Kha ditshuri Elija a nata kuthanga, a ta wuseta sotshe; kambe ti bhalisilwe kutxani ngu mhaka ya Mwanana wa M'thu, ti ta ku a fanete kuxaniseka ngutu ni kunyenywa kani?

Varoma 8:3

Nguko ati mlayo wu nga ti tanda ngu mhaka ya dikhodho da mmidi, Txizimu txi ti mahile, ngu kurumela Mwanana wa txona, a di ni txiemo txa wuthu wa txionho, kasi ku ta xula txionho, ni ku txi abanisa kona mmidini;

1 Pedro 2:14

ni ka vafumeli va va nga ningwa ngu ngene, mtamo wo tsayisa vabihi ni kudhumisa avale va mahako ta tinene.

Johani 19:5

Sekoko, a to huma Jesu, a di ni m'bhoti wa mipa ni nguwo ya disilika. Pilato a to va gela a txi khene: “Ndiyo m'thu!”

Johani 18:40

Sekoko vona va to kwangula, va txi kha vona: “U nga thuse eyo, thusa Bharabhasi!” Kasi Bharabhasi wuwa i ti ti dikhamba.

Luka 9:58

Jesu a to mu xamula a txi khene “Vanyapwe va na ni mibhala, sinyana ni sona si na ni sisaka; aniko Mwanana wa M'thu kha nga ni ko khigetela kona msungo.”

Zakariya 6:12

Se m'gele, u txi khawe: Mkoma wa Mabutho a Tiyimbi, a khene: Ndiyo m'thu wu ditina dakwe i ku Kuthunga; Ene a na mila ka wukhalo wakwe, kambe a na aka dithepele da Mkoma.

Luka 2:7

se e amukela Mwanana wa matiwula. A to mu phutela ngu tinguwo, e mu otelisa mkawuni, nguko wu ti si nga ho wukhalo wa kudingana vona ka nyumba ya vapfhumba.

Isaya 4:2

Ka ditshiku dile, Dikhukhu da Mkoma di na tala ngu wudhumo ni kutshura; se mihando ya mafu nja, Vaisrayeli vale va nga sala.

Isaya 9:6

Nguko hi veleketwe mfana, hi ningilwe mwanana wa mfana; se wukoma wu txitimwi ka makata akwe; ditina dakwe a na dhanwa ku Didhota do Xamalisa, Txizimu txa Mtamo, Tate wa Mbimo Yotshe, Mkoma wa Kudikha.

Zakariya 3:8

Engisa koko, awe Joxuwa, mphaxeli wa hombe, awe ni vangana vako, vale va nga khalahatsha masoni kwako, nguko mbavamna va mapimo amanene; wona taku ni na tisa txithumi txangu, atxi i ku kuthunga.