Isaya 53:12 - Bhiblia Yo Sawuleka

¹² Ngu kumaha keto, ni na mninga txyavelo txa votala, se a nga abana sile so handwa kumweko ni va va mtamo ngutu; nguko a tshakunutile muhefemulo wakwe kufani, se e balwa kumweko ni sindaka-milayo; aniko ene a ti rwekile sionho sa votala, kambe a kombelete sindaka-milayo.

Isaya 53:12 Referans Kwoze

Luka 22:37

Nguko ani na mi gela ti to khani, di fanela kutatiseka kwangu dipswi di di nga bhalwa daku: ‘A batwe kumweko ni sindaka-milayo.’ Nguko ati ti nga bhalelwa ani, ti fanete kutatiseka.”

Vahebheru 9:28

ngu toneto, Kristu a ti ningete kumweko basi, kufela kufuvisa sionho sa vathu vavangi. A na woneka da wumbidi, i si nga ngu mhaka ya txionho, aniko ngu mhaka ya ku ta hanyisa avale va m'verelako.

1 Johani 2:12

Ni bhalela anu, sivananananu nguko, sionho sanu si divaletwe ngu ditina da Kristu.

Marku 15:27

Kumweko nayo si bethetwe sigevenga simbidi, tximwetxo ngu didhawa da txinene, tximwani ngu didhawa da txibhabha kwakwe.

Vahebheru 9:26

Idiku a to mahisa toneto Kristu a ndi na fanekela kuxaniseka sikhati sasingi kukhukhela makhatoni ka kuvangwa ditiko; aniko a humelete kumweko dwe, kuhetisekani ka timbimo, a ta fuvisa txionho ngu mhamba ya mmidi wakwe wupune.

Varoma 8:34

Se i mani a nota va abanisa kani? Kristu, a nga fa, awu kambe a nga wuka a txi ya zumba txineneni ka Txizimu, ene ngene a hi kombelelako.

Isaya 53:6

Athu hotshethu hi ti ti hangalakile kufana ni tinvuta; mmweyo ni mmweyo a ti ti tsimbila ngu nzila yakwe, aniko Mkoma a mrwekile wubihi wathu hotshethu.

Titosi 2:14

Ene a ti ningete ngu mhaka yathu, kufela ku hi tirula ka wotshe wubihi, kasiku ene e ti basisela ngamu yi yi no va i di yakwe, ayi yi khutalako amu ka mithumo ya yinene.

1 Johani 2:1

Sivananananu sangu, ni mi bhalela timhaka tiya kasi ku mi si onhi; se ngako mmweyo wanu a txi onha, hi na ni Mthaveleli masoni ka Tata, Ene Jesu Kristu, M'lulami.

Vahebheru 12:2

Na hi txi wonetela Jesu, m'vangi ni muhetisekisi wa likholo lathu, awu a nga leka litsako li a nga velekwa ka lona, a txi langa sixaniso sa kurwala txihambano, asi khatali ngu kurukwa. Se konkuwa, a maneka a di khalahatshile txineneni ka txikhalo txa wukoma txa Txizimu.

Vahebheru 9:24

Se, Kristu kha wulela ka wukhalo wo sawuleka wo mahwa ngu manza a m'thu, txifananiso txa wukhalo wo sawuleka wa ditshuri. Aniko a wulete nzumani kupune, kasi ku a txi ya hi emela konkuwa masoni ka Txizimu.

Vakolosa 2:15

Kristu a fuvisile mtamo wa mimoya ya wunduna ni wukoma, e yi xowokisa masoni ka vathu, e yi xula ko gwitisa ngu txihambano.

Isaya 53:8

A thavisilwe ngu kutsindavetwa ni kulamulwa; se i mani a no xawutela ta kuhanya wakwe kani? Nguko a wilisilwe mafuni ka va va hanyako, kambe a manetwe ngu wuhambunyeti wa vathu vangu.

Masalmo 22:14

Ni fana ni mati ma thekelako; otshe marambu angu ma nguda-nguda. Mbilu yangu yi fana ni phula, ayi yi nyivilikako mndani kwangu.

Masalmo 2:8

Ni kombele ni na kuninga mifumo yi txi va i di thomba yako mafu otshe ma na lumba awe.

Vahebheru 7:25

Ngu kota yeto, ene wa sikota kuhanyisa, ka mbimo yihi ni yihi, votshe vale va tshuketelako ngu ngene ka Txizimu, nguko ene wa hanya yotshe mbimo kufela ku va kombelela.

Mithumo 26:18

Kasi kuya tula maso awe ni ku va humisa mtemani, ve wuya livaningoni, ni ku va humisa nfumoni ka Sathani, ve wuya ka Txizimu, kasiku ve amukela divalelo ya sionho, ni kuavelwa thomba kumweko ni vasawuleki ngu kukholwa ditinani kwangu.’ ”

Luka 23:25

A to thukunyula awule a nga ti khotetwe ngu mhaka ya kuwusa yimbi ni kudaya m'thu, kota nga ti vona va nga txi vilela tona, se e va ninga Jesu, va txi ya mu maha tiya vona va nga txi lava tona.

Matewu 26:42

Ti di mahile eto, a to tsula ka wumbidi, eya khongela kambe, a txi khene: “Tata wangu, ngako ti si koteki ti to digombe diya di pinda ni sa di sela, ku na maheke kuranda kwako.”

Dhaniyeli 2:45

Nga tile u nga wonisa tona taku ngu mmangoni ku witwe dirigwi, na ku si woneki dianza, ni ku dona di balisete simbi, koporo, dibumba, silivhela ni nzalama, Txizimu txa hombe txi zivisile ka mfumeli a ti ti no maheka msana keto; se mloro wuwa wu tsani, ni txhamuselo ya wona yi thembekile.

Isaya 52:15

Ngu kumaha keto, a na xamalisa matiko o tala, ni vafumeli va na pwata ni txo ngu mhaka yakwe, nguko va na wona ni ti va sinziko kuziviswa, se ni tile va nga mbi tipfa, va na ti pima.

Isaya 52:13

“Wonani taku, txithumi txangu txi na maha ngu wunene; txi na kuliswa, ni kuguletwa, ni kuthaviseka ngutu.”

Genesisi 3:15

Se ni na veka livengo hagari kwako ni wamsikati, hagari ka liveleko lako ni liveleko lakwe; aliya li no ku ganyata msungo, se awe u txi li luma txizenende.”

Vafilipiya 2:17

Aniko, hambi idiku mnoha wangu wo theketwa ngu mphaxo wa mhamba, ni kuthumela likholo lanu, na nengela ni va ni tsaka kumweko ni nanu motshe;

Marku 15:28

[Ngu hawa ku nga tatiseka ati ti nga bhalwa taku: “A batwe kumweko ni sindaka-milayo.”]

2 Vakorinto 5:21

Kristu kha ziva txionho, kambe Txizimu txi mmahile txionho ngu kota yathu, kasiku athu hi txi maha volulama masoni ka Txizimu ngu kota yakwe.

Eksodha 15:9

Mlala a ti ti khene: “Ni na va londeta, ni na va mana, ni na va honyolela simaha sawe; ni txi va tekela sotshe si ni si lavako; wu na khura ngu sona moya wangu, ni na swomola ditxhari dangu, ni va fuvisa ngu dianza dangu!”

Jobe 30:16

Se konkuwa, moya wangu wu thekete; masiku a kuxaniseka ma ni talete.

Isaya 49:4

Aniko ani ni ti khani: Ni thumile walo, ni sakani ngu mtamo wangu, ngu so mbi vhuna txilo; hambi keto, fanelo yangu yi masoni ka Mkoma, ni hakhelo yangu yi masoni ka Txizimu txangu.