Isaya 51:9 - Bhiblia Yo Sawuleka

⁹ Vhumuka, vhumuka, ti ambeke mtamo, awe diwoko da Mkoma; vhumuka kufana ni masiku ale ma nga pinda, kufana ni ka tiveleko ta kale; ina hi ngawe u nga wilela Rahabhi ngu sitxuwu, ni kudaya mwamilambo kani?

Isaya 51:9 Referans Kwoze

Isaya 52:1

Wuka, wuka, ambala mtamo wako, awe Siyoni; ambala syambalo sako so tshura ngutu, awe Jerusalema, didhoropa do sawuleka; nguko kwako kha ku na mbi thuka ku txi wulela awu a nga mbi ya wukwerani, hambi wa kwa mbi basa.

Isaya 27:1

Ka ditshiku dile, Mkoma ngu ditxhari dakwe do banga, da hombe, da mtamo, a tsayisa Levhiyatani, i ku mnyoka wa livilo, Levhiyatani, mnyoka wo gombonyeka, kambe a na daya dragoni a ku lineneni.

Masalmo 89:10

U ganyatete Rahabhi txingongongo txa lineneni, u txi daya; ngu mtamo wako wa hombe u hangalasile valala vako.

Isaya 30:7

Nguko Egipta a na va vhuna walo, se va si hoki ka magwito a txilo, ngu toneto, ni dite ngu mhaka yiya: Kumalalani kwawe, ku nava ni mtamo wawe.

Ezekhiyele 29:3

Womba u txi khawe: Mkoma a khene: Wona taku na kuwukela awe Faro, mfumeli wa Egipta, mwamilambo wa hombe, u khandamako hagari ka minambo yako, kambe u khawe: Mnambo wangu mbwangu, ngani ni nga ti mahela wona.

Isaya 51:17

Wuka, Wuka, khukha awe Jerusalema, u nga sela ka dianza da Mkoma, digombe da txiviti txakwe, u sete ni kupswonga nzambwa ka digombe di di levisako, u sete nzambwa ya digombe da kuthidhela.

Masalmo 44:1

Txizimu, athu hipune hi ti engisile va txi xawuta atile hi nga gelwa ngu vakale vathu sidiwukiso si u nga si maha ka masiku a kuhanya kwawe.

Jobe 26:12

Txa bhanda linnene ngu mtamo wa txona, kambe ngu wutxhari wa txona, txa wisa kutikulisa ka lona.

Masalmo 7:6

Khukha u txi ema, ngu kuhenya kwako, Mkoma, u txi ni vhikela ka tshofu ya valala vangu. Wuka, Txizimu txangu, u txi womba awu a ku ni mnandu.

Habhakuki 3:13

Awe u humile kuya hulukisa vathu vako, kuya hulukisa msawuleki wako; awe u gangile msungo wa nyumba ya wo biha, u fumbula makhato a nyumba kala magwito. (Selahi)

Isaya 62:8

Mkoma a xambanyile ngu dianza dakwe da txinene, ni diwoko dakwe da mtamo, a txi khene: Kha ni na mbiswa kambe ni ningela fulaho yako ka valala vako, hambi va mamwani matiko kha va na mbi sela vhinya yako, yile u nga ti thumela.

Masalmo 93:1

Mkoma wa fuma; a ambate wuhombe; e kombisa wotshe mtamo wakwe. Ngu toneto, mafu ma tsani, kha ma na kudekadekiswa.

Masalmo 87:4

“Hagari ka mifumo yi yi ni zivako ni na bala Egipta ni Bhabhilona; vathu va Filisitiya ni va Tiro ni va Etiyopiya va na wombwa ku va veleketwe Jerusalema.”

Masalmo 44:23

Vhumuka! Ngu kutxani u otelako kani Mkoma? Wuka! U nga hi leke kala kupinduka!

Mtuletelo 12:9

Ngu konaho a to vinzwa hahatshi mwamilambo wa hombe, mnyoka wa kale, awule wu dhanwako ku i Dhiyabhulosi mwendo Sathani, mxengeteli wa dotshe ditiko; a vinzilwe ha mafuni, ene ni tingelozi takwe.

Mtuletelo 11:17

“Athu ha ku bonga, Mkoma Txizimu txa mtamo wotshe, awe u ku awule a kuho, ni awule a nga ti ho, nguko u amukete mtamo wako wa hombe, u khata kufuma.

Luka 1:51

A thumile ta hombe ngu diwoko dakwe, a hangalasile ava va nga txi ti kukumukisa ka mialakanyo ya timbilu tawe.

Habhakuki 2:19

Dikhombo ka wule a gelako ndonga a txi khene: Wuka! Se ni ka dirigwi da txiduma a txi khene: Vhumuka! Ina toneto ti nga gondisa kani? Wona ti to txi tshuletwe ngu nzalama ni silivhela, aniko hagari ka txona kuwalo moya ni wa wudotho.

Isaya 53:1

I mani a nga kholwa ka txhumayelo yathu kani? Niku diwoko da Mkoma di wonekisilwe ka mani kani?

Isaya 51:5

Kululama kwangu ku hafuhi, ni kuhanyisa kwangu ka humelela, se mawoko angu ma na lamula vathu; sitondolo si na ni verela, kambe si na themba diwoko dangu.

Masalmo 78:65

Sekoko Mkoma a to wuka, ku nga o vhumuka ngu ha wukoheni, ku nga ndena yi nga ambuluka kulevani ka vhinya.

Masalmo 21:13

Komba mtamo wako, Mkoma, hi na embelela, hi txi dhumisa mtamo wako.

Valamuli 6:13

Gidhiyoni a to xamula a txi khene: O nyamne wangu! Ngako Mkoma a di ni nathu, tita ngu hani totshe ti ti hi humelelako kani? Si hani sotshe sidiwukiso sakwe, asiya vatate vathu va hi xawutelako, va ku kha vona: Kasi Mkoma kha hi humisa ditikoni ka Egipta kani? Kambe kona kuwa, Mkoma a hi tshotshile, aniko a hi ningete manzani ka Vamidhiyani.

Dhewuteronome 4:34

Mwendo njizimu txokari txi nga duketa kuya teka vathu hagari ka vamwani vathu, ngu mithumo ni sikombiso, ni sixamaliso, ni kulwa ngu dianza do tsana, di nga guleka ni mithumo ya hombe yo thisa ku nga totshe tile Mkoma, Txizimu txako, a nga ti maha ditikoni ka Egipta, na anu mi txi ti wona kani?

Johani 12:38

kasi kutatiseka dipswi da mprofeti Isaya, a nga khene: “Mkoma i mani a nga kholwa ka mapswi athu, kani? Diwoko da Mkoma di wonekisilwe ka mani kani?”

Masalmo 59:4

Vona va tutumela ku ni xomela, ni si nga ni mnandu. Wuka, Mkoma u txi wona u ta ni vhuna!

Eksodha 6:6

Ngu mhaka yeto, u na womba ka vanana va ka Israyeli u txi khawe: Ani ngani Mkoma, kambe ni na mi humisa ka mithumo yo nemela ya ditikoni ka Egipta, ni na mi thusa wukhumbini kwanu, kambe ni na mi tirula ngu dianza dangu da mtamo ni mthumo wa hombe wa kulamula.

Jobe 9:13

Txizimu kha txi na mbi leka kuhenya ka txona; hahatshi ka txona, va nama votshe vavhuneteli va mabava.

Masalmo 77:5

Na khumbula masiku awa ma nga pinda, na alakanya malembe a kale.

Isaya 52:10

Mkoma a thavisile diwoko dakwe do sawuleka, ti txi wonwa ngu maso a matiko otshe; se otshe magwito a mafu, ma na wona kuhanyisa ka Txizimu txathu.

Zakariya 2:13

Yothse nyama yi na malale masoni ka Mkoma, nguko ene a wukile ka wukhalo wakwe wo sawuleka.

Zakariya 10:11

Ene a na txhatuka linene ngu kukarateka, se a na peka mavimbi a linene, kambe kotshe kutshima ka minambo ku na oma, sekoko kutikulisa ka Asiriya ku na wiswa, ni ndonga ya Egipta yi na khukha.

Masalmo 44:2

Awe u tutumisile vathu va timwani tixaka u akisa ditikoni kwawe vathu vako; u tsayisile yimwani mifumo u kulisile vathu vako.

Masalmo 44:24

Ngu kutxani u sisa khohe, u divala kuxaniseka kwathu, ni kukhoziswa kwathu kani?

Masalmo 89:11

Awe u Mkoma wa nzuma ni mafu, u vangile ditiko ni sotshe si si manekako ka dona.

Mika 7:15

Ani ni na va komba sixamaliso, kufana ni masiku a kuhuma kwako ngu ditikoni ka Egipta.

Mithumo 7:7

Aniko ditiko di di nga va maha tikhumbi ni na di abanisa, kha Txizimu; se msana keto, va na huma va ta ni khozela ka wukhalo wuwa.’