Isaya 51:12 - Bhiblia Yo Sawuleka

¹² Ani, ani ngani awule ni mi thavelelako; wo va mani awe koko, wa ku naza u thava m'thu wu afako, mwendo mwanana wa m'thu, wu a no hinduka e maha mwasi kani?

Isaya 51:12 Referans Kwoze

Masalmo 118:6

Mkoma a ni nani, kha ni thavi txilo; m'thu a nga ni maha txani kani?

1 Pedro 1:24

Nguko, m'thu wuhi ni wuhi a fana ni mwasi, kupfaliswa kwakwe kotshe, kufana ni txiluva txa mwasi, mwasi wa oma, se txiluva txi mora,

Isaya 2:22

Tsulani kule koko ni m'thu wu a ku ni muhefemulo tithonvuni kwakwe; nguko a nga va a txi themba txani kani?

Johani 14:18

“Kha ni na mbi mi siya wusiwanani, ni na wuya ni ta zumba ni nanu.

Isaya 66:13

Kufana ni m'thu wule a txhavelelwako ngu mwamwakwe, ngu toneto ani ni na mi thavelela, se kona Jerusalema, mi na ya thavelelwa.

Matewu 10:28

“Mi nga thaveni ava va dayako mmidi, va si sikotiko kudaya moya. Aniko thavani Txizimu txi ku ni mtamo wa kulovisa mmidi ni moya Gehena.

Isaya 51:3

Nguko Mkoma a na thavelela Siyoni, kambe a na thavelela otshe makhalo ale i ku marumbi, se txiwula txa kona a na txi maha txi fanana ni thembwe ya Edheni, ni txiwunda txa kona txi na fana ni thembwe ya Mkoma; kuzumbiseka ni litsako si na maneka ka m'ti wuwa, ni mithumo ya kubonga, kumweko ni dipswi da m'zeno.

Isaya 43:25

Ani, ani nipune, ngani ni pfhitako sihambunyeto sako, ngu kuranda kwangu, se sionho sako kha ni si alakanyi.

Mavingu 29:26

Vathu vavangi va lava khohe ya mthangeli, aniko kululama ka mmweyo ni mmweyo kuta ngu ka Mkoma.

Masalmo 146:4

Ngako wu txi huma moya wawe, va hinduka ve maha lithulu la mafu; ka donedo ditshiku makungo awe ma guma.

Masalmo 92:7

Vathu vo biha hambi va txi anda kufana ni mwasi vabihi hambi va txi engeteleka, Mkoma a na va fuvisa kala kupinduka.

Mithumo 9:31

Hambi keto, Dibanza di ti ni kuthutha ka dotshe ditiko da Judheya ni da Galileya ni da Samariya, di txi kula, di txi hanya ngu kuxonipha Mkoma, di txi anda ngu kuvhunetelwa ngu Moya wo Sawuleka.

1 Samuwele 15:24

Sekoko Sawule a to khene ka Samuwele: Ni onhile, nguko ni ndakile sileleto sa Mkoma ni mapswi akwe; nguko ni to thava vathu ni engisa dipswi dawe.

2 Vafumeli 1:15

Sekoko Ngelozi ya Mkoma yi to kha yona ka Elija: Txhika nayo wuwa, u nga thave. Se Elija a to khukha e txhika nayo ka mfumeli.

Isaya 40:1

Thavelelani, thavelelani vathu vangu, kuwomba Txizimu txanu.

Isaya 49:13

Giya awe nzuma, se tsaka nawe mafu, kambe anu mimango kulungelani ngu kutsaka ka hombe, nguko Mkoma a thavelete vathu vakwe, a na pfela wusiwana vaxaniseki vakwe.

Isaya 57:11

Se u thava mani mwendo kudhudhumela, aha koza u hemba u si ni alakanyi, mwendo ku ni veka mbiluni kwako kani? Ina hi nga mhaka ya kule ni nga malala kukhukhela kale, se u si ni thavi kani?

Jeremiya 38:19

Mfumeli Zedhekiya a to xamula Jeremiya, a txi khene: No thava Vajudha vale va nga tutumela ka Vakaldheya, a ti to ni txi ningelwa manzani kwawe, va txi ni xanisa.

Jeremiya 41:18

ngu mhaka ya Vakaldheya, nguko va ti ti va thava, ngu ku va nga ti ni Ismayeli, mwana Netaniya, awu a nga ti date Gedhaliya, mwana Ahikamu, awule a nga ti vekilwe ditikoni ngu mfumeli wa Bhabhilona.

Ezekhiyele 2:6

Kambe awe mwanana wa m'thu, u nga va thave, hambi kuthava timhaka tawe; mwendo va ti maha sitxhotxhota ni mipa kwako, se awe u zumba ni tihume, u nga thave timhaka tawe, hambi kudhukiswa ngu tikhohe tawe, ngu ku i ku nyumba yo kaneta.

1 Samuwele 17:11

Sekoko ngako Sawule ni votshe va ka Israyeli va di pfite mapswi a Mufilista, va to xamala ni kuthava ngutu.

1 Samuwele 21:13

Ngu kumaha keto, a to hundula mapimo masoni kwawe, e ti maha txiphukuphuku manzani kwawe, e nyaranyara matimba a ha txikeni, e bzwata lure li tshika ngu mu ka maletu akwe.

Isaya 8:12

Mi nge khanu njikungo, ka totshe ti vathu vava va ku kha vona njikungo; mi nga thaveni kudhukisela kwawe, hambi kukarateka ni ka kudotho.

Isaya 12:2

Wona taku, Txizimu i ku muhanyisi wangu, na txi themba, kambe kha ni na mbi thava txilo, nguko Mkoma Txizimu, ngene mtamo wangu, ni ndando yangu, se a mahile kuhanyisa kwangu.

Isaya 52:9

Kwangulani mi embelela, mi pfalisa kumweko, anu marumbi a Jerusalema! Nguko Mkoma a thavelete vathu vakwe, a tirute Jerusalema.

Isaya 61:2

ni kupeka nyiwo ya dilembe do kateka da Mkoma, ni ditshiku da kuphota ka Txizimu txathu; kuthavelela votshe vale va dilako;