Isaya 51:11 - Bhiblia Yo Sawuleka

¹¹ Ngu kumaha keto, va na wuya vale va nga tirulwa ngu Mkoma, kambe va na tshumelela Siyoni ngu kutsaka ka hombe, ni kutsaka ka kwa mbi gwita ku nava txitimwi ka misungo yawe; va na mana kuzumbiseka ni litsako, kupandiseka ni kuketa si na tutuma.

Isaya 51:11 Referans Kwoze

Isaya 25:8

A na fuvisa lifo ngu ha ku si gwitiko, ngu kumaha keto, Mkoma Txizimu, a na bahula mirongo ka totshe tikhohe, kambe a na thavisa tingana ta vathu vakwe kotshe ha mafuni, nguko Mkoma a wombile.

Mtuletelo 21:4

Se Txizimu txi na bahulela yotshe mirongo tikhoheni kwawe; kha ku na mbi swa ku txi maneka kambe lifo, hambi kudila, hambi tihuwa, hambi kupandiseka, nguko so khata si pindile.”

Mtuletelo 7:17

Nguko Txinvutana txi txi ku ha txikhaloni ka wukoma txi na va dyisa, txi va kombisa nzila ya kuya ka sisima sa mati a wutomi. Se Txizimu txi na va bahulela mirongo yotshe ka maso awe.”

Isaya 35:10

Se ava va nga tirulwa va Mkoma, va na tshumela veya Siyoni ngu kutsaka; kambe kutsaka ko mbi gwita ku nava txitimwi ka misungo yawe; va na mana mathomo ni litsako, kambe kupandiseka kwawe ni miketo si na tutuma.

2 Vatesalonika 2:16

Mkoma wathu Jesu Kristu, ngu wutumbu wakwe, ni Txizimu Tate wathu, txi nga hi randa, txi txi hi ninga, ngu kateko ya txona, thavelelo yo mbina magwito, ni txithembo txa txinene,

Isaya 61:7

Ngu mhaka ya tingana tanu to wuyetwa kumbidi ni kuxaniseka kwanu, va na tsaka ngu txyavelo txawe; ngu kumaha keto, ditikoni kwawe, va na mana ngu kuwuyetwa kumbidi, kambe va na va ni kutsaka ko mbi guma.

Jeremiya 33:11

Ku na pfala dipswi da mkulungwani ni da litsako, dipswi da mteki ni da mtekiwa, ni dipswi da va va ku kha vona: Dhumisani Mkoma wa Mabutho a Tiyimbi, nguko mnene, nguko wumbilu wakwe mbwa kala kupinduka; ni mapswi a va va nehako miningelo ya kubonga Nyumbani ka Mkoma. Nguko ni wuyisa ava va nga ñolwa ka wuwa wukhalo, va na nga mbimoni ka kale, kuwomba Mkoma.

Mtuletelo 22:3

Kuruketela kha ku na mbi vaho kambe. Ka dona didhoropa diya ku nava ni txikhalo txa wukoma txa Txizimu ni txa Txinvutana, se sithumi sa Txizimu si na txi khozela;

Judha 1:24

Ka txona Txizimu txi ku ni mtamo wo mi xayisa kasi ku mi si khuvekiswi, ni ku mi heleketa txi mi hokisa mi di tsakile, na mi si nga ni txionho masoni ka wudhumo wa txona,

Isaya 65:19

Se ni na tsaka kona Jerusalema, ni pfalisa vathu vangu; kha ku na mbi ngadi kambe kupfala wakwe dipswi da kudil, hambi dipswi da huwa.

Isaya 44:23

Embelelani ngu kutsaka anu tinzuma, nguko Mkoma a mahile eto; guletani anu makhalo a hahatshi ngutu ka mafu; anu mimango embelelani ngu kutsaka; se nanu sitinga ni mindonga yotshe yi yiku kwanu; nguko Mkoma a tirute Jakobe, kambe a dhumisilwe kona Israyeli.

Isaya 49:13

Giya awe nzuma, se tsaka nawe mafu, kambe anu mimango kulungelani ngu kutsaka ka hombe, nguko Mkoma a thavelete vathu vakwe, a na pfela wusiwana vaxaniseki vakwe.

Isaya 48:20

Humani amu Bhabhilona, tutumela kule ni Vakaldheya. Kambe zivisani ngu dipswi da kutsaka ka hombe, ti maheni ti pfiwa eto, mi ti hokisa magwito ka mafu; i nda ni khanu: Mkoma a tirute txithumi txakwe Jakobe.

Mtuletelo 21:1

Konako ni to wona nzuma ya yiphya ni mafu a maphya, nguko nzuma yo khata ni mafu o khata si ti fuvile ni linene li si swi li diho.

Masalmo 126:5

Avale va phayako va txi dila mirongo va na elula ngu kutsaka.

Isaya 11:15

Se Mkoma a na khundumusa do gwita diwoko da Linene la Egipta, a na guleta dianza dakwe e wukela mnambo ngu mtamo wa moya wakwe, e wu peka wu maha mtxhanu wa minambo ni yimbidi, ti to ni wuhi e txhatuka a di ni tikathula.

Isaya 55:12

Nguko mi na huma mi di tsakile, mi tsimbitiswa ngu kuthutha; mimango ni simangwana si na kwangula ngu kutsaka masoni kwanu, se yotshe mindonga ya txitinga yi na peka manza.

Isaya 65:14

wonani taku sithumi sangu si na embelela ngu kutsaka ka timbilu ta sona, aniko anu mi na peka tihuwa ngu kupandiseka ka timbilu, mi na yowe, ngu kuxaniseka ka moya;

Jeremiya 31:13

Sekoko mahorana ma na ti zilimukisa ngu kusinya, majaha ni sikosana ma na tsaka kumweko; nguko ni na phemberusa kudila kwawe kuva litsako ni na va tangalisa ni txi va tsakisa mu kuxanisekani kwawe.

Masalmo 126:2

Txisofu txathu txi to tala ngu maseko! Tidimi tathu ti thula tindando ta kutsaka; vamatiko va ti ti xamala va txi kha vona: “Mkoma a va mahete sidiwukiso sa hombe!”