Isaya 50:2 - Bhiblia Yo Sawuleka

² Ngu kutxani ni ngata ni si ta mana m'thu kani? Ngu kutxani ni nga mi dhana, ku si oroveli ni wammweyo kani? Ina dianza dangu di to khwanyela, niza ni si sikoti kutirula kani? Ni ku mwendo kha ni ngadi ni mtamo kasi kutxhatxhisa kani? Wonani taku, ngu kukawuka kwangu na omisa linene, ni maha ti to minambo yi hunduluka yiva siwula, kala kuza sihaka sa kona si nunga, nguko kha ku nga ni mati, se sa fa ngu ditora.

Isaya 50:2 Referans Kwoze

Isaya 59:1

Wonani taku dianza da Mkoma kha da khwanyela, a ti to di si sikoti kuhanyisa; hambi nzeve yakwe, kha ya tsiveka, ko naza yi tandeka kuengisa.

Mitengo 11:23

“Kambe Mkoma a to khene ka Mosi: Ina diwoko da Mkoma di komile kani? Awe verela, konkuwa, u na wona ti to dipswi dangu, di na maheka mwendo kha di na mbi maheka.”

Isaya 66:4

Kambe ani ni va maha ve kanganyiseka, ni na tisa kuthava txitimwi kwawe, nguko ni dhani, aniko kha ka xamula ni wammweyo, ni wombawombile, aniko kha va engisa, kambe va mahile to biha masoni kwangu, se ve sawula ti ani ti nga si ni tsakisi.

Joxuwa 3:16

ma to ema mati ale ma nga txi relela ngu txitimwi; me maha mmumbu, kule ngutu ni didhoropa da Adhani, di ku ngu didhawa ka Saretani; se ale ma nga ti ti relela ma txi ya Mikovani ka linene, i ku Linene la Mnyu, ma to wika, ma txi ema otshe; sekoko vathu va to txhatuka ngu masoni ka Jeriko.

Genesisi 18:14

Ina txi ho txo tandeka ka Mkoma kani? Ka dilembe di di tako, ngu yona yiya mbimo, ni na wuya kambe kwako, se Sara a na va a di ni mwanana wa dizambi.

Hoseya 11:7

Nguko vathu vangu va wekelela ku ni leka, hambiko va dhanako Nyatxitimwi, kha ngaho kwawe a m'guletako.

Mavingu 1:24

Ani ni mi dhani, aniko anu mi lambile; nguko ni nawulutile diwoko dangu, aniko kha ka maneka wo pfisisa;

Johani 1:11

Ene i ku Dipswi a tile ka va ka kwawe, kambe va ka kwawe kha va mu amukela.

Nahume 1:4

Mkoma wa tolovela kukawuka linene, a txi li omisa, kambe wa phwisa yotshe minambo; wa tsivata Bhasani ni Karmeli, se txiluva txa Libhanoni wa txi wunisa.

Hoseya 11:2

Kambe ngako ni txi va dhana vona va ti nitshuralela; va ti ti phaxela ka va ka bhahali, ve hisela dibaselo sithombe so vatwa.

Dhaniyeli 3:29

Ani koko na veka mthetho, awu votshe vathu, matiko, tidimi, va no womba wubihi ngu Txizimu txa Xadreke, ni Mixake, ni Abhedhi-Nego, va na gangelwe, ni tinyumba takwe ti na mahwe matala; nguko kha ku na tximwani txizimu txi sikotako kuhulukisa kufana ni txiya.

Dhaniyeli 3:15

Se konkuwa koko, mi txi lava kuhuluka, mbimo yi mi no pfa diguwa da mpundu, ni sitende ni tingoma ni makhombela ni titshodi, ni wa totshe tixaka ta sivetaveta, khizamani mi khozela txithombe txile ni nga txi maha, mi na va mi txi maha kwati; aniko ngako mi si txi khozeli, mi na rinzwa ka mbimo yoneyo, mndani ka txikho txa mndilo wu wu turako ngutu; se ngu txihi Txizimu txi nga sikotako ku mi txhatxhisa manzani kwangu kani?

Jeremiya 35:15

Se ni mi rumete sithumi, i ku vaprofeti, va txi phindula, ve rumela va txi kha vona: Hundulukani, konakuwa, mmweyo ni mmweyo nzilani kwakwe ko biha, mi txi txhukwatisa mithumo yanu ya yinene, kambe mi nga londeteleni simwani sizimu; kasi ku si thumela; se ngu kumaha keto, mi na zumba ka ditiko di ni nga mi ninga, anu ni vatate vanu; aniko kha ma riya tinzeve, hambi ku ni engisa ani.

Isaya 65:12

kambe ni na mi ningela ka ditxhari, motshenu mi na nama mi dayelwa, nguko ni mi dhani, aniko kha ma xamula; ni wombawombile, kambe kha ma engisa, aniko mi mahile ti i ku to biha masoni kwangu, mi sawute sile ani ni nga si si tsakeli.

Isaya 59:16

Se a to wona ti to, kha ku nga ni wammweyo, se e tsaka nguko ku si nga ni muemeli; se diwoko dakwe dipune di mtisete kuhuluka, ni kululama kwakwe kupune ku mxayisile.

Isaya 43:16

Mkoma, a womba tiya, awu a nga dhoda nzila lineneni, ni lisoko amu ka mati a hombe;

Isaya 42:15

Mimango ni simangwana si na va txiwula, wotshe mwasi wa kona ni na wu omisa, minambo ni na yi maha sitondolo, se ni omisa maziva.

Eksodha 14:21

Sekoko Mosi a to nawuluta dianza dakwe txitimwi ka linene, se Mkoma a to abanisa mati ka wotshe wusiku wule, ngu moya wa mtamo, wa kuta ngu wutxani; se linene li txi maneka li di omile.

Eksodha 7:21

Sihaka sa mnamboni si to fa. Mnambo wu to nunga, Vaegipta va si sikoti kusela mati a mnamboni. Mnoha wu to maneka ditikoni kotshe ka Egipta.

Eksodha 7:18

Sihaka sa mnamboni si na fa, mnambo wu na nunga, ni Vaegipta va na xamuka va si naveli kusela mati a mnamboni.”

Johani 3:19

Txigelo txa kuabaniswa ngu txiya: Kuwonekela kutile ha mafuni, aniko vathu va randile ngutu txidema kupinda kuwonekela, nguko mithumo yawe i ti yo biha.

Marku 4:39

Se ene a to wuka e dhusa diphuho, a txi khene ka digova: “Malala, u txi dwe!” Se diphuho di renga, se ku va ni kudikha ka hombe.

Dhaniyeli 6:20

A di hokile diphalani, a to dhana Dhaniyeli ngu dipswi da kuxaniseka, a txi khene: Dhaniyeli, awe txithumi txa Txizimu txi txi hanyako! Ina Txizimu txako txi u txi thumelako masiku otshe, txi sikoti ku kuhulukisa ka tingonyamo, kani?

Jeremiya 5:1

“Horolokelani ka magondo a Jerusalema; mi xolisisa mi wona amuwa sidingeni; ngako mi txi sikota kumana m'thu, hambi ni wammweyo wu a mahako wululamo, ni kuthembeka, ani ni na divalela dotshe didhoropa.”

Isaya 63:13

Awule a nga va tsimbitisa mazivani, kufana ni dihantxhi txiwulani, kasi ku va si humbwi kani?

Isaya 51:10

Ina hi ngawe u nga omisa linene, i ku mati a kuhokoma ka hombe kani? Kambe u nga dola nzila kutshimani ka linene, kasi kuve tshawunyeta vale va nga tirulwa kani?

Isaya 41:28

Se mbimo yile ni nga wona, ku si nga ni m'thu; hambi hagari ka madhota, ku si nga ni wa ku muwotisa, mwendo wa ku ni xamula dipswi.

Isaya 36:20

Ngu sihi hagari ka sotshe sizimu sa matiko, si nga nga txhatxhisa ditiko da sona manzani kwangu, ka ku naza Mkoma e txhatxhisa Jerusalema, manzani kwangu kani?

Isaya 19:5

Se ma na phwa mati a linene, ni mnambo wu na phwa wu oma.

Masalmo 107:33

Mkoma wa txitxa minambo yi maha txiwula ni milonga yi maha txigwangwa;

2 Makronika 32:15

Konkuwa koko mi nga xengetelweni ngu Ezekhiya, hambi ku mi kujetele ngu mamahelo eyo, kambe mi nga mthembeni nguko kha ku na txizimu txa ditiko ni da dimwedo, hambi txa mfumo ni wawumwewo txi nga txhatxhisako vathu va txona manzani kwangu, hambi manzani ka vatate vangu, Txizimu txanu txi nga sikotisa kutxani ku mi hulukisa manzani kwangu.

Eksodha 14:29

Ti di ngeto, va ka Israyeli va to pinda ngu hagari ka Linene la kuoma; mati ma ti mahile diguma ngu txinene ni txibhabha.

Jeremiya 8:6

Ni riyile nzeve, ni engisela, aniko kha va wombi ditshuri; kha ngaho a hundulukako kubihani kwakwe, a txi khene: Intxani ni nga txi maha kani? Votshe va tutuma nga mahantxhi ma kuluvetelako kulwani.

Masalmo 106:9

Txizimu txi kawukile Linene lo Bhilivila, se linene li txi phwa. Txi va txhatukisile ngu ha kuetani ka linene, va txi nga vo tsimbila txiwulani.

Dhaniyeli 6:27

Txizimu txa hanyisa ni kuhulukisa, txa maha sikombiso ni si xamaliso nzumani ni ha mafuni; Ngu txona txi nga hulukisa Dhaniyeli ka mtamo wa tingonyamo.

Jeremiya 7:13

Kona kuwa koko, mi di mahile totshe tiya, kuwomba Mkoma, ni wombile kwanu i di ngadi mixo, ni mi gela, aniko kha ma engisa; ni to mi dhana, kambe kha ma xamula.

Isaya 11:15

Se Mkoma a na khundumusa do gwita diwoko da Linene la Egipta, a na guleta dianza dakwe e wukela mnambo ngu mtamo wa moya wakwe, e wu peka wu maha mtxhanu wa minambo ni yimbidi, ti to ni wuhi e txhatuka a di ni tikathula.

Isaya 23:11

A nawulutile dianza txitimwi ka linene, kambe a vhinganyisile mifumo; Mkoma a rumile kuwukela Kanana, ati to ku txi khundumuswa mikhokhola yakwe.

Isaya 44:27

ni ku khani ka kutshima: Phwana! Se ani ni na phywisa minambo yako;

Isaya 54:6

Nguko Mkoma a kudhani kufana ni wamsikati wo lekwa, wo xaniseka moyani; kufana ni kulekwa ka wamsikati wa dihorana, kuwomba Txizimu txako.

Jeremiya 7:27

Ngu konaho u na va gela totshe timhaka tiya, kambe kha va na mbi engisa; u na va dhana, va si ku xamuli.

Jeremiya 14:9

Ngu kutxani u txi nga u m'thu wo dhukiswa, nga ndena yile yi si sikotiko kuhanyisa kani? Kuve awe waho hagari kwathu, awe Mkoma, hi dhanwa ngu ditina dako; u nga hi leke!

Jeremiya 35:14

Timhaka ta Jonadhabhe, mwana Rekabhi, ati a nga laya vanana vakwe ti to va si seli vhinya, va ti xayisile; kha va sela kala ni nyamsi kuwa; nguko va engisile mlayo wa tate wawe; ani koko nitako ni txi womba kwanu, ni phindula ni mi gela, aniko anu, kha ma ni engisa.

Habhakuki 3:8

Ina Mkoma u ngava u txi henyela minambo kani? Ina mwendo u henyete sinambwana, ni ku mwendo u henyete linene, ka kuza u tsimbila u di gadhile mahantxhi ako, u kwela sikotxikani sako so hulukisa kani?

Isaya 64:6

Kambe athu hotshethu hi fana ni m'thu wa kwa mbi basa, kotshe kululama kwathu kufana ni txigwanda txa nzambwa; se athu hotshethu ha mora kufana ni mazokoro, ni minandu yathu ya hi handa kufana ni moya.