Isaya 50:10 - Bhiblia Yo Sawuleka

¹⁰ I mani hagari kwanu a thavako Mkoma, kambe a engisako dipswi da txithumi txakwe kani? Ngako a txi tsimbila txidemani, ko pwata ni kuwonekela, a na thembe ditina da Mkoma, kambe a na tsane ka Txizimu txakwe.

Isaya 50:10 Referans Kwoze

Johani 12:46

Ani ni liwoningo, ni tile ha mafuni, kasiku wuhi ni wuhi a kholwako kwangu, asi thuki e zumba txidemani.

Johani 8:12

Jesu a to tshumela a txi womba-womba ni vathu, a txi va gela ku khene: “Ani ni liwoningo la ditiko. Awu a ni londisako, kha tsimbili txidemani, kambe a na va ni kuwonekela ka wutomi.”

Masalmo 23:4

Hambi ni txo tsimbila mkovani ka mtsudi wa lifo, nga ni si thavi txilo, nguko awe, Mkoma, u ni nani. Nguko ndonga yako ni mtxheketelo wako, sa ni tsanisa.

Vahebheru 5:9

Msana ka kuva a di tatisile tifanelo takwe, a mahile txisima txa wutomi wo mbi guma ka votshelele vale va mu engisako.

Isaya 9:2

Vathu va va nga ti tsimbila txidemani, va woni liwoningo la hombe; ni ka va va nga ti zumbile ditikoni ka mtsudi wa lifo, ku humelete liwoningo txitimwi kwawe.

Masalmo 25:14

Mkoma a dhunda vale va mthavako ene wa va ninga kuziva Txitumelelano txakwe.

1 Pedro 5:7

Vekani ka Txizimu kotshe kukarateka kwanu, nguko txona txa mi khatalela.

Masalmo 42:11

Moya wangu, u thelwa dikhodho ngu txani, kambe u xanisekela txani mndani kwangu kani? Themba Txizimu, ani ni ngadi ni txi na txi dhumisa. Txona i ku Txizimu txangu ni Muhanyisi wangu!

Masalmo 28:7

Mkoma ngene m'vhikeli wangu wa mtamo; ni themba ene ekha, ene a ni vhuni, ngu toneto mbilu yangu yi tsakile, se ni na dhumisa ngu kuembelela tindando.

Malakiya 3:16

Sekoko avale va thavako Mkoma, mmwani ni mmwani wa womba-womba ni mkwawe; se Mkoma wa riya nzeve a txi engisela; mwendo kubhatwe dibhuku da syalakanyiso masoni kwakwe, di lumbako vale va thavako Mkoma, ni vale va alakanyako ditina dakwe.

Isaya 53:11

A na wona mthumo wa muhefemulo wakwe, e tsaka; ngu wuzivi wakwe, txithumi txangu, mlulami, txi na emela votala, nguko wubihi wawe a na wu rwala.

Isaya 50:4

Mkoma Txizimu a ni ningile lidimi lo gondisa, kasi ku ni ziva kuwomba ngu mbimo ya kona, dipswi da dinene ka wule wo karala. Ene wa ni wusa mixo ni mixo, wa ti tula tinzeve kasi ku ni engisa, kufana ni vale va gondako.

Masalmo 25:12

M'thu wule a thavako Mkoma ene wa m'gondisa nzila yi a fanelako kutsimbila ngu yona;

Jobe 29:3

Mbimo yile txi nga ti ti phatimisa dilambu da txona ha msungo kwangu, se ani, ngu liwoningo la txona, ni ti ti tsimbila mtemani;

Masalmo 128:1

A katekile awule a thavako Mkoma awu a londetako tinzila takwe.

Masalmo 111:10

Wuzivi wa ditshuri ngu kuthava Txizimu; avale va txi khozelako va na ni mapimo. Txi na dhumiswe Txizimu kala kupinduka!

Masalmo 62:8

Votshe va na themba txona Txizimu yotshe mbimo va txi txi dhumisa ngu yotshe mbilu! Txizimu mbuthavelo wathu!

Masalmo 145:21

Txisofu txangu txi na embelela wudhumo wa Mkoma! Ni votshe vathu va na dhumisa ditina dakwe do sawuleka kala kupinduka!

2 Makronika 20:20

Se magwanani ka kona, va to wuka ni mixo veya txiwulani ka Tekowa; Mbimo yi va nga ti ti tsula, Josafati a to va ngela ku khene: Ni engiseni anu va ka Judha, ni nanu vazumbi va Jerusalema: Thembani Mkoma Txizimu txanu kasi ku mi na tsana; thembani vaprofeti vakwe mi na xula.

Isaya 42:1

Wonani Txithumi Txangu, txi ni txi seketelako, Msawulwa wangu, awule moya wangu wu mtsakelako; Ni vekile Moya wangu txitimwi kwakwe; a na humisa kululama hagari ka vamatiko.

Ekleziyaste 12:13

Ka totshe ti u nga tipfa, magwito a tona ngu awa: Thava Txizimu, u xayisa milayo ya txona; nguko ayiya ngu yona fanelo ya votshe vathu.

Jobe 13:15

Hambi txi txi ni daya Txizimu, ni na ema ka txona; ni na emela totshe tinzila tangu masoni ka txona.

2 Makronika 20:12

Oh! Txizimu txathu, i na khu na mbi va lamula kani? Nguko athu kha hi nga ni mtamo wa kulwa ni vathu vavangi ngutu ava va telako ku ta hi xasela. Kha hi ti zivi ti hi felako ku ti maha, maso athu ma wonisela awe!

1 Makronika 5:20

Se va to vhunetelwa ku va lwisa, se va ka Hagari, kumweko ni votshe va va nga ti ti navo, va to ningelwa manzani kwawe; nguko va dite ka Txizimu mbimo yile va nga ti ti lwa, se Txizimu txi va engisa, nguko va ti ni kuthemba ka txona.

1 Samuwele 30:6

Se Dhavhidha a to henya ngutu, nguko vathu va ti ti womba-womba ngu kulava ku m'balisela ngu marigwi, nguko timbilu ta vathu votshe ti ti kuxanisekani, mmwani ni mmwani ngu mhaka ya vanana vakwe va majaha ni vamahorana; hambi keto Dhavhidha a to tsana ka Mkoma, Txizimu txakwe.

Isaya 59:9

Ngu mhaka yeto, kulamulwa ku kule ninathu, ni kululama kha ku hi hokeli; hi verela liwoningo, kambe hi mana txidema dwe; hi lava kutsimbila mu ko wonekela, kambe hi tsimbila txidemani.

Sidilo 3:2

A ni tekile e ni tsimbilisa txidemani i si nga ha liwoningoni.

Vaefesu 5:8

Kale mi ti hanyela mtemani, aniko mi hindukile mi maha liwoningo ngu ka Mkoma. Tsimbilani kha kwati, nga ti mi ku vanana va liwoningo.

Isaya 10:20

Ka ditshiku donedo, ku na maheka taku, miboti ya ka Israyeli, ni vale va nga huluka va nyumba ya ka Jakobe, kha va na mbi ngadi ve themba wule a nga va peka; va na themba Mkoma, Msawuleki wa Israyeli, ngu ditshuri.

Isaya 12:2

Wona taku, Txizimu i ku muhanyisi wangu, na txi themba, kambe kha ni na mbi thava txilo, nguko Mkoma Txizimu, ngene mtamo wangu, ni ndando yangu, se a mahile kuhanyisa kwangu.

Isaya 26:9

Ngu muhefemulo wangu ni ku lavile ni wusiku, se ngu moya wangu wu ku mndani kwangu, ni na phindula ni kulava, nguko, ku di ni wululami wako ha mafuni, vaaki va ha mafuni va gonda wululamo.

Dhaniyeli 3:28

Se Nebhukodhonosori a to womba, a txi khene: Ku na bongwe Txizimu txa Xadreke, ni Mixake, ni Abhedhi-Nego, txile txi nga rumela Ngelozi ya txona ku ta hulukisa sithumi sa txona, sile si nga themba ka txona, nguko kha va lava kulondisa dipswi da mfumeli, ve tumela kuningela mmidi yawe, kasiku va si thumeli hambi kukhozela tximwani txizimu txokari, hahanze ka Txizimu txawe.

Zefaniya 3:12

Aniko hagari kwako ni na siya vathu vo ti veka hahatshi, va sisiwana, se vona va na themba ditina da Mkoma.

Hagayi 1:12

Sekoko Zorobhabheli, mwana Salatiyeli, a to engisa, kumweko ni Joxuwa, mwana Jozadhake, mphaxeli wa hombe, ni votshe vathu vale va nga huluka, dipswi da Mkoma Txizimu txawe, ni mapswi a mprofeti Hagayi, nga tile Mkoma Txizimu txawe, a nga ti mrumisile tona; se vathu va to thava masoni ka Mkoma.

2 Samuwele 22:29

Nguko awe Mkoma u liwoningo langu; kambe Mkoma wa woninga txidema txangu.

Isaya 8:17

Se ni na themba Mkoma wu a nga sisela khohe yakwe va nyumba ya ka Jakobe, ni na verela kwakwe.

Nahume 1:7

Mkoma mnene, dikhokhola ka ditshiku da xomulo, kambe wa va ziva ava va thembako kwakwe.