Isaya 50:1 - Bhiblia Yo Sawuleka

¹ Mkoma a womba tiya: Di hani dipapilo da kulekwa ka mame wanu, adi ni nga mtovela ngu dona kani? Mwendo i mani mxavi wangu, awu ni nga mi xavisa kwakwe kani? Wonani taku mi xavisilwe ngu mhaka ya wubihi wanu, ni mame wanu a tovetwe, ngu mhaka ya kuwekela kwanu.

Isaya 50:1 Referans Kwoze

Dhewuteronome 32:30

Ti nga kotekisa kutxani ti to m'thu wammweyo e tutumisa 1.000 wa vathu, ni vathu vambidi va nga sikotisa kutxani kuhinga 10.000 wa vathu, i si nga Mkoma, Dirigwi dawe, a nga va xavisa, kambe i si nga Mkoma a nga va ningela kani?

Jeremiya 3:8

Ni to wona ti taku, hambiko ni nga tovela Israyeli, ni mninga dipasi da kuhambana ngu mhaka ya wugango wakwe, Judha ndiya yakwe yo mbi thembeka, kha thava, aniko nene a to tsula eya maha wona wugangowo.

Matewu 18:25

Se ngako a di pwati so dihela ngu sona, nyamne wakwe a to rumela ku e xaviswa ene ni msikati wakwe ni vanana vakwe ni sotshe si a nga ti naso, kufela ku na dihela mnandu wule.

Nehemiya 5:5

Konkuwa koko, nyama yathu yi fana ni nyama ya vanathu, ni vanana vathu va fana ni vanana vawe; se wonani ti to hi tekile vanana vathu va mazambi ni vanana vathu vamahorana hi va maha tikhumbi, hambi vamwani va vanana vathu vamahorana va tekilwe ve yiswa wukhumbini, kha ku na txi hi nga txi mahako, nguko tithembwe tathu ni mivhinya yathu si manzani ka vamwani.

2 Vafumeli 4:1

Se mmweyo hagari ka vasikati va vanana va vaprofeti, a to peka huwa ka Elixa a txi khene: Mwamna wangu, i ku txithumi txako, a fite. Kambe awe wa tiziva ti to txithumi txako, txi ti ti ni txithavo ka Mkoma, se awule a ngadi ni mnandu kwakwe a ti ta teka vanana vangu vavambidi, kuya va maha tikhumbi takwe.

Isaya 52:3

Nguko Mkoma a to khene ka vathu vakwe: Kha ma xaviswa ngu txilo; kambe mi na tirulwa, na i si nga ngu male.

Jeremiya 4:18

Mahanyelo ako ni mithumo yako si ku wusete silo siya, ngu wona m'hando wa kubiha kwako. Kha ditshuri wa bava, ka panda ni mbiluni.”

Jeremiya 3:1

Vona va kha vona: Ngako wamwamna a txi tovela msikati wakwe, eyo wamsikati e ti tsulela, eya tekwa ngu mmwani wa wamwamna, ina mwamna wakwe wo khata a nga mtshumelela kambe kani? Ditiko edo kha di na mbi bihiswa ngu kumaha eto kani? Aniko awe, u nga hungala ni sigango so tala, ina u na tshumelela kwangu, kuwomba Mkoma.

Masalmo 44:12

U xavisile vathu vako ngu sa kwa mbi nyawula, kambe khwa engetela mtengo wo xavisa ngu wona thomba.

2 Vafumeli 17:17

Kambe va to phindisa ngu ha ka mndilo vanana vawe vavafana ni vamahorana, ve ti ningetetela amu ko xaxuva, ni kudhunda wuñanga, va txi ti xavisa, ngu kumaha tile i ku to biha masoni ka Mkoma, kasi ku mu wusela txiviti.

Esteri 7:4

Nguko hi xavisilwe, ani ni va ka kwathu, kasi kuve hi lovisa, ve hi dayela ni ku hi maha hi luzekelwa; I ti ku va to hi xavisa kasi ku hive tikhumbi ta txiwamna ni ta txisikati, ni di na malala, hambi ku mxanisi a no tandeka kutshumetela kuluzekelwa ka mfumeli.

1 Vafumeli 21:25

Kha kuzivi kumaneka ni wammweyo wa ku ti xavisa nga Akabe, eza e maha to biha masoni ka Mkoma, nguko msikati wa kona Jezabheli, ngene a nga mkujetela.

Eksodha 21:7

Se ngako m'thu wokari a txi xavisa mwanana wakwe wa dihorana, ngu wukhumbi, ene kha na mbi txhatxheka ku nga khumbi ya wamwamna.

Levhi 25:39

Ngako m'thu wa ka kwanu a txi wa amu ka wukulungu, a txi ta kwako, e ta ti xavisa, u nga mthumise mthumo wa wukhumbi.

Isaya 1:28

Aniko sindaka-milayo ni votshe vaonhi; va na khundumuselwa; ni vale va nga leka Mkoma va na tshokomiswa.

Isaya 27:8

Ngu mpimo u lwite nayo mbimo yile u nga mlamba; ene a mthavisile ngu moya wakwe wa hombe, ngu mbimo ya moya wa wutxani.

Isaya 43:27

Tate wako wo khata a onhile, ni vatxhamuseli vako va ni onhete.

Isaya 46:8

Alakanyani eto, se mi tsana; mi ti vekisa timbiluni kwanu, anu vahambunyeti.

Isaya 54:6

Nguko Mkoma a kudhani kufana ni wamsikati wo lekwa, wo xaniseka moyani; kufana ni kulekwa ka wamsikati wa dihorana, kuwomba Txizimu txako.

Isaya 54:7

Ngu mbimo yayidotho ni ku lekile, kambe ni tshumete ni ku wuyisa ngu wumbilu wa hombe;

Isaya 58:1

Huwelela ngu dipswi do guleka, u nga malale, guleta dipswi kufana ni mpundu; kambe zivisa vathu vangu wuhambunyeti wawe, ni va nyumba ya ka Jakobe sionho sawe.

Isaya 64:6

Kambe athu hotshethu hi fana ni m'thu wa kwa mbi basa, kotshe kululama kwathu kufana ni txigwanda txa nzambwa; se athu hotshethu ha mora kufana ni mazokoro, ni minandu yathu ya hi handa kufana ni moya.

Hoseya 4:5

Ngu konaho, u nawa ni mitshikari, ni mprofeti a nawa ni wusiku kumweko ni nawe; kambe ni na lovisa mame wako.