Isaya 5:8 - Bhiblia Yo Sawuleka

⁸ Dikhombo ka vale va ku ni tinyumba ni tinyumba, va ku ni tithomba ni tithomba, kuza ku si maneki ni wukhalo, va txi zumbisa ku nga ova vona vokha ha mafuni!

Isaya 5:8 Referans Kwoze

Mika 2:2

Se va navela tithembwe ni tinyumba ve ti honyola; ngu kumaha keto va lwisa wamwamna ni mwaya wakwe, ni m'thu kumweko ni thomba yakwe.

Matewu 23:13

“Mi na ni dikhombo, anu vabhali ni nanu Vafarisi, vaxengeteli! Nguko ma tsivela vathu kuwulela Mfumoni ka nzumani, kha mi wuleli anu, kambe kha mi tuleli vale va lavako kuwulela.

Ezekhiyele 33:24

Awe mwanana wa m'thu, ava va zumbako ka makhalo awa a siwula, va womba-womba va txi kha vona: “Abrahamu i ti ti ene ekha nyamne wa mafu awa; kambe athu hi vangi; hi ningilwe ditiko diya ku va thomba yathu.”

Ezekhiyele 11:15

Awe mwanana wa m'thu, vananu, vananu vapune, vavamna va wuxakani kwako, ni yotshe nyumba ya ka Israyeli, votshe evo ngu vale va nga wombwa ngu vazumbi va Jerusalema, va txi kha vona: Tsulani kule ni Mkoma; ditiko diya hi ningilwe ku di txi hi lumba.

Jobe 15:28

Se a to ya zumba ka madhoropa o xaselwa, ka tinyumba tile ni wammweyo a nga si zumbi ka tona, ti zile ti maha marumbi.

Amosi 1:13

Mkoma a womba tiya: Ngu kuhambunyeta kuraru ka vanana va ka Amoni ni ka wumune, kha ni na mbi thavisa txitsayiso, nguko va dolete sirumbu sa Gileyadhi, kasi kuve engetela mihingano yawe.

Jobe 20:21

Kha na mbi salelwa ngu txilo txo dya; ati tiku thomba yakwe kha yi na mbi va ya mbimo yo lapha.

Mavingu 15:27

Wule a ku ni wunavenave, a xanisa m'ti wakwe, aniko awule a nyenyako kupfhuhwa, a na hanya kha kwati.

Mika 2:1

Dikhombo ka vale va ku va di otete ve pimisa to hambana, ni kuluka makungo o biha; ve ti maha ngu kugwimba ka wuronga, nguko si mtamoni ka manza awe!

Habhakuki 2:6

Ina koko kha va na mbi mu wukela votshe vava, ngu likaringani ni wombelo yo mnemetisela, va txi kha vona: Dikhombo ka wule a andisako asi i singako sakwe (kala yihi mbimo!) Ni wule a ti rwekako sikweneti apune.