Isaya 5:7 - Bhiblia Yo Sawuleka

⁷ Nguko m'vhinya wa Mkoma wa Mabutho a Tiyimbi ngu nyumba ya ka Israyeli, ni vathu va ka Judha, mndonga wa kona wo tsakisa; a ti ti verete kuve maha wululamo, ku to maneka kukhinyavezwa; wukhaloni ka wululamo, ku to maneka tihuwa.

Isaya 5:7 Referans Kwoze

Jakobe 5:4

Wonani, male yi mi nga lamba kuholela sithumi si si nga elula tithembweni kwanu ya kwangula, se tihuwa ta vaeluli ti hokile tinzeveni ka Mkoma wa Mabutho.

Johani 15:2

Didhavi dihi ni dihi di ku kwangu, adiya di si velekiko mihando, wa di wila, se adiya di vekako mihando, wa di sanda, kasiku di txi thela mihando yo tala.

Luka 18:7

Ina Txizimu txi nga tandeka kulamulela vasawuleki va txona, ni kutimisela ngu vona ava va dilako masoni ka txona, wusiku ni mitshikari, kani?

Matewu 23:23

“Mi na ni dikhombo, anu vabhali ni nanu Vafarisi, vaxengeteli, nguko ma dihela sa wugumi ka nyatximbowane ni ka dianetha ni ka dikumina, kambe kha mi khatali ngu ditshina da Mlayo, i ku kululama, wumbilu ni kuthembeka. Mi ti ni fanelo ya kumaha tiya, mi si leki ni tona tile.

Zefaniya 3:17

Mkoma, Txizimu txako, aho hagari kwako, ana ni mtamo ngutu kasi ku kuhanyisa; ene a na tala ngu ku kutsakela; a na malala ngu lirando lakwe, a na kutsakela ngu kuembelela.

Mika 6:8

Ene a kuzivisile, awe m'thu, a ti i ku ta tinene; ni ti Mkoma a ti kombelako kwako, kuva u maha kululama, u randa tinene, u tsimbila ngu kutinamisa ni Txizimu txako.

Jeremiya 12:10

Vadyisi votala vo onhetela txivhina txangu, va kandile thembweni kwangu; thembwe yangu yo tshura va yi mahile txiwula.

Isaya 62:5

Nguko nga kule dijaha di tekanako ni muhorana, ngu toneto ni vona vanana vako, va na tekana ni nawe; kufana ni muwuti a tsakako ni txiwutwa, ngu toneto Txizimu txako txi na tsaka ni nawe.

Isaya 5:2

Se a to dima e thavisela marigwi, e phaya mivhinya ya yinene ngutu; e aka txitezi hagari ka thembwe, a txi kelela dipipa do kamela ka dona mihando, a txi verela ku yi veka mihando ya yinene; aniko yi to veka mihando yo bava.

Isaya 3:17

Ngu toneto, Mkoma a na peka misungo ya mahorana a Siyoni, Mkoma a na vhunungula wumbwuri wa ona.

Isaya 3:14

Mkoma a thethisa madhota a vathu vakwe kumweko ni vathangeli vawe; nganu mi nga onha thembwe yiya ya m'vhinya; asi mi nga honyola ka sisiwana si maneka tinyumbani kwanu.

Isaya 1:6

Kukhukhela hahatshi ka mkondo kala ha msungo, kha ku na txilo txi txi hanyako kha kwati; mmidi wotshe wu tate ngu silonda ni kusimba, ni mazuku a silonda so sina so mbi kuwulwa, hambi kusungelelwa; ni ku nakaniswa ngu mafura.

Ndando ya Tindando 7:6

U tshurile ngutu, kambe wa navetisa, awe txirandwa, ngu kutsakisa!

Mavingu 21:13

Awule a tsivako nzeve yakwe ka huwa ya txisiwana, nene a na dila kambe kha na mbi engiswa.

Masalmo 149:4

Mkoma a tsakiswa ngu vathu vakwe; wa guleta sisiwana ngu ku si ninga kuxula valala!

Masalmo 147:11

Mkoma a dhunda avale va m'thavako, avale va thembako lirando lakwe.

Masalmo 80:15

Xayisa m'vhinya wuwa u nga wu phaya, tximilwa txi u nga txi kulisa.

Jobe 34:28

kasi ku kudila ka txisiwana, ku txi hoka ka Txizimu, txi engisa kudila ka vanana vo xomuleka.

Dhewuteronome 15:9

Ti wonele ti to ku si maneki mipimiso yo biha mbiluni kwako, u txi khata kuwomba u txi khawe: Da hoka dilembe da wutxhanu ni mambidi, dilembe da kudivalela sikweneti, se u txi wona mwanana wa txisiwana ngu maso o biha, u si mningi txilo; ene a na dila ka Mkoma ngu ngawe, se awe u na va ni txionho.

Eksodha 3:7

Se Mkoma a to khene: “Ni woni kuxupheka ka ngamu yangu, ayi yi ku ditikoni ka Egipta, ni engisile kudila kwawe ngu mhaka ya vaxuphi vawe; nguko ani na ziva kupandiseka kwawe.

Genesisi 4:10

Se Txizimu txi to kha txona: “Njitxani u nga maha kani? Dipswi da mnoha wa mwananu, da pfala ha mafuni, kala tinzeveni kwangu.

2 Samuwele 7:10

Ni longisile wukhalo wa vathu vangu, va ka Israyeli, se ni na va simeka, kasiku ve zumba ka wukhalo wawe, va si ngadi ve thaviswa kambe, vanana va wubihi kha va na mbi ngadi kambe ve va xanisa kufana ni kale,

Ekleziyaste 4:1

Msana keto, ni to engeta ni wona sotshe sixaniso si si mahekako hahatshi ka ditambo; se ni to wona mirongo ya vale va xaniswako, ni ya vale va pwatako mthaveleli; kambe mtamo wu ti ti ka didhawa da vaxanisi vawe; aniko vona va si nga ni mthaveleli ni wammweyo.

Isaya 3:15

Ngu kutxani mi xanisa vathu vangu, ni kutshinda tikhohe ta sisiwana kani? Kuwomba Mkoma, Txizimu txa Mabutho a Tiyimbi.

Isaya 27:2

Ka ditshiku dile, ku nava ni thembwe ya vhinya ya mxowo wo bhilivhila; yi embeleteni.

Isaya 30:12

Ngu mhaka yeto, Msawuleki wa Israyeli a khene: Ta woneka taku ma lamba dipswi diya, se mi themba kutsindaveta ni kuweketa, ngu mhaka yeto, ma ti khweketa

Isaya 59:4

Ku walo ni wammweyo a pfalisako kululama, hambi ni wammweyo wo maneka kulamulani ka ditshuri; va themba manyala, ni kutsimbila ve womba-womba makuhu; va khura sirumbu sa mithumo, aniko ve veleka wubihi.

Isaya 59:13

hi nga hambukisa kutxani, hi hembela Mkoma, hi khukha ka Txizimu txathu, ni kuwombawomba to xanisa vamwani hi hundulukela kwako, makungo athu ni tile hi ti wombako, makuhu dwe.

Isaya 59:14

Ngu kumaha keto, kulamulwa ku tshumelete msana, ni kululama ku ti vekile kule; nguko ditshuri di gutilwe tiruwani, se kululama kha ku sikoti kuwulela.

Jeremiya 24:2

Txirundu tximwetxo txi di ni maxanvu o tshura ngutu, o fana ni maxanvu awa o thangelela kuvitwa; tximwani txirundu txi di ni maxanvu o biha ngutu, ti si kotekiko ku ma txi dyiwa, nguko ma ti bihile ngutu.

Jeremiya 50:46

Ka diguwa da kutekwa ka Bhabhilona, ma dhudhumete mafu; se huwa yi pfate matikoni.

Ezekhiyele 22:29

Va tsindaveta ngutu vathu ditikoni, va txi pa, va txi lwisa wo xaniseka ni wa kupwata, va txi khozisa mluveli ku si nga ni fanelo.

Mika 6:12

Nguko vanyatithombe kona va tate ngu kulwisa, kambe vahanyi va kona va womba-womba makuhu; se lidimi lawe la kanganyisa mkanani kwawe.

Isaya 1:21

Eto di nga wekelisa tona didhoropa do thembeka! Adi di nga ti tate ngu wululamo! Wululamo wu ti akile ka dona, aniko konkuwa, didhoropa da wudayi.

Isaya 46:12

Ni engiseni anu vo banga timbilu, anu mi ku kule ni wululamo.

Hoseya 10:1

Israyeli m'vhinya wo txhuma ngutu; u veleka mihando ya wona; madingano ni kutala ka mihando ya wona, kufana ni toneto andisile siluvelo sakwe; mdingano ni kunona ka mafu, va mahile sifananiso sa sinene so wumbwa.

Habhakuki 1:3

Ngu kutxani u ni wonisako to biha kani? U ni wonisako tingana kani? Nguko kuhoxota ni kuxanisa si masoni kwangu; kambe ku ni wule a wusako dizunga ni mnandu.