Isaya 5:6 - Bhiblia Yo Sawuleka

⁶ Thembwe yi na maha txiwula, kha yi na mbi sakatwa, hambi kudimwa; kambe ku na mila txipopo ni mipa; ni na leleta marefu ti to ma si nisi nzuma txitimwi ka yona.

Isaya 5:6 Referans Kwoze

Jeremiya 25:11

Dotshe diya ditiko di na va marumbi ni txidiwukiso; ni matiko awa, ma na thumela mfumeli wa Bhabhilona, mndani ka mtxhanu wa magumi ni magumi mambidi a malembe.

Mtuletelo 11:6

Tona ti ni mtamo wa kuseka nzuma ti to ma si wi mati ka masiku a wuprofeti wa txona. Tina ni mtamo kambe wo hindula mati otshe me maha mnoha; tina ni mtamo wo peka mafu ngu mitungu yihi ni yihi, sotshe sikhati, ngako ti txi ti lava.

Luka 21:24

Va na wa ngu kudawa ngu ditxhari, va na payulwa ve yiswa ka otshe matiko; se Jerusalema a na kandetelwa ngu vamatiko, kala kuza mbimo ya vamatiko yi va yi di tatisekile.

Amosi 4:7

Hahandze keto, ni mi vhalete nzuma, ku txi ngadi kupwateka mitxima yiraru kuhoka mbimo yo funyela; ni yi nisile ka didhoropa dimwedo ka dimwani ni ka yi nisa; ka thembwe yimweyo yi nite, aniko ka yimwani thembwe kha ya na, kuomile.

Hoseya 3:4

Nguko vanana va ka Israyeli va na zumba masiku amangi va si na mfumeli, va si na mthangeli, va si na mphaxo, va si na txithombe, va si na efodhe kumbe materafime.

Jeremiya 45:4

U na m'gela tiya: Mkoma a khene: Asi ani ni nga si aka na si khundumusa, asi ni nga phaya ni na si dula, ni na maha eto kotshe ha mafuni.

Jeremiya 14:22

ina txiho txifananiso hagari ka vamatiko txi sikotako kunisa mati kani? Mwendo nzuma yi nga sikota kunisa mati yipune kani? Ina hi ngawe kani Mkoma, Txizimu txathu kani? Ngu konaho, hi na kuverela, nguko ngawe u nga maha sotshe siya.

Jeremiya 14:1

Dipswi da Mkoma di tile Jerusalema xungetano ni nzala ngu mhaka ya txihala.

Isaya 30:23

Sekoko a na nisa mati txitimwi ka mbweu yi u no phaya mafuni; kumweko ni dipawu dadiphya da mafuni; mafu ma na nona me pfuna; ka ditshiku dile, sifuyo sako si nadya ka makhalo o anama a wudyiselo.

Isaya 24:12

Didhoropani ku to sala kukoneka dwe, ni matimba a dona ma fayetetwe.

1 Vafumeli 17:1

Sekoko Elija, wa Tisibha, mmweyo wa vaaki va Gileyadhi, a to khene ka Akabe: Ni xambanya ngu Mkoma a hanyako, Txizimu txa Israyeli, awu ni ku masoni kwakwe, ti to kha ku na mbiwa mati, hambi mwando, hahanze ka kuva ni kombela.

Dhewuteronome 29:23

se dotshe ditiko di hyite ngu txivavula ni mnyu, kha di na mbiswa di txi phawa txilo, kha di na mbiswa di txi mila txilo, hambi ni mwasi kha wu na mbiswa wu txi mila, ku nga kuloviswa ka Sodhoma ni Gomora, Adhimi ni Zebhoyimi, madhoropa ale Mkoma a nga ma lovisa ngu kuhenya kwakwe ni txiviti txakwe;”

1 Vafumeli 8:35

Ku ngako nzuma yi txi tsiveka ma siwi mati, ngu kuva va di kuonhete, se va txi khongela ka wuwa wukhalo, ve khumbuka ditina dako, ve hunduluka sionhoni kwawe, na awe u di va xanisile,

Jobe 31:40

ngu fulaho ni na velekelwe mipa ngu sevhadha ni velekelwa nyasavari. Ma gumile mapswi a Jobe.

Isaya 7:19

Totshe ti nata khandamela amu ka yotshe mikova ya siwula, ni mu ka tifa ta marigwi, amu ka mipa, ni ka sotshe sitinga.

Isaya 32:10

Nguko msana ka dilembe ni masikwanyana, mi na karatwa anu vavasikati vo ti themba; nguko kuhaphelwa ka mihando ku na gwita, hambi kufunyelwa kha ku na mbiswa ku diho.

Isaya 49:19

Nguko siwulani kwako, ni marumbini kwako, ka ditiko dako do hoxotwa, u na ti wona, konkuwa u di kamilwe ngu vaaki, ni vale va nga ku kakatxula va na ya kule ni nawe.

Isaya 55:13

Ka wukhalo wa mipa, ku na mila faya, se ka wukhalo wa txipopo, ku na mila mirta; si na va ditina da Mkoma, i ku txikombiso txi na kwa mbi pfhitwai.

Hoseya 9:6

Nguko wona taku vona va tsute ngu mhaka yo hoxotwa, kambe Egipta a na va amukela, Menfisi a na va tshotsha; kunavela ka silivhela yawe ku na fenengetwa ngu maxexwe, ni mipa yi na mila matendani kwawe.

Joyeli 1:7

Di mahile m'vhinya wangu wu fuviswa, se di kwamute mabanzi a mkuwu wangu, se di kwamulete otshe, di txi ma tshotsha hahatshi; madhavi a wona di ma kwalalisile.

Mavingu 24:31

wona taku yotshe thembwe yi ti ti tate ngu mipa, yi ti tshuletwe ngu mimwasi, madhawani ku ti wite diguma da marigwi.

Sidilo 2:6

Ngu mtamo wa hombe a guatile m'dhuti wakwe, nga msakulo; a hasamute msengeletano wa kona. Mkoma a divatisile mibuso ni Sabbata kona Siyoni. Ha kupandisekani kwakwe, a tsukute ngu txieyiso vafumeli ni vaphaxeli.