Isaya 5:24 - Bhiblia Yo Sawuleka

²⁴ Ngu toneto, va na loviswa, kufana ni titshava ti txi hiswa ngu mndilo, va na fana ni kuhiswa ka mwasi wa kuoma, se mkoloti wawe wu na sina, ni siluva sa kona si na puruma ku nga lithulu; Nguko va lekile Mlayo wa Mkoma wa Mabutho a Tiyimbi, ve eyisa dipswi da Msawuleki wa Israyeli.

Isaya 5:24 Referans Kwoze

Isaya 30:12

Ngu mhaka yeto, Msawuleki wa Israyeli a khene: Ta woneka taku ma lamba dipswi diya, se mi themba kutsindaveta ni kuweketa, ngu mhaka yeto, ma ti khweketa

Jobe 18:16

Hahatshi, mitwi yakwe yi na oma, se txitimwi ma na wilelwa madhavi a kona.

Luka 3:17

Manzani kwakwe ana ni txiselo txa kusangaya, a na hehera fulaho ya txithatheni kwakwe, e yi sengeleta mu txisangalani kwakwe. Se a na hisa maphumbu ngu mndilo wo mbi timeka.”

Joyeli 2:5

Ku nga diguwa da sikotxikani titshokani ka mimango, va na ndaka-ndaka; nga diguwa da kutura ka mndilo, wu wu txhokomisako txihya va fana ni vathu va mtamo ngutu, va nga lulamiselwa kuya kulwani.

Isaya 47:14

Wona taku va na fana ni mthungu, mndilo wu na hisa; kha va na mbi sikota kuhulukisa wutomi wawe ka mtamo wa m'dhikila; kha na mbi va dikala da mndilo kasi ku ti futumeta, mwendo mndilo woza e khalahatsha hafuhi ka wona.

Isaya 30:9

Nguko vathu vava mba kaneti, mbanana vo womba-womba makuhu, vanana vo mbi lava kuengisa Mlayo wa Mkoma.

Eksodha 15:7

Ngu wuhombe wa wukoma wako u wisile valala vako. Kuhenya kwako kuturile ku txi vahisa nga mwasi.

1 Vatesalonika 4:8

Ngu toneto, awu a nyenyako gondo yiya, kha nyenyi m'thu, aniko a nyenya Txizimu, txona txi ka ditshuri, txi mi ningako Moya wa txona wo Sawuleka.

Mithumo 13:41

‘Wonani, anu vakanyisi, xamalani mi va mi lova! Nguko ka masiku anu, ni na maha mthumo, awu mi ndinova mi si wu tumeli, idiku mo ziviswa ngu m'thu.’ ”

Johani 12:48

Awu a ni lambako ni ku ambi amukela mapswi angu, a nayo muabanisi wakwe: Dipswi di ni ngadi womba, ngu dona di no mu abanisa ngu ditshiku da magwito.

Luka 10:16

Awu a mi engisako a engisa ani; awu a mi nyenyako, a nyenya ani; se awu a nyenyako ani, a nyenya wu a nga ni ruma.”

Luka 7:30

Kambe Vafarisi ni vagondisi va mlayo va nyenyile makungo awa Txizimu txi nga ti nawo kwawe, nguko va nga lamba kubhabhatiswa ngu ngene.

Matewu 3:12

Manzani kwakwe a ni txiselo, a na hiyela txithathe txakwe, se a na sengeleta fulaho yakwe txisangalani, aniko makamba a na ma hisa ngu mndilo wo mbi timeka.”

Malakiya 4:1

Nguko wonani taku ditshiku dile, dita di txi tura nga m'dhikila; votshe va va ti kulisako ni votshe va va mahako wubihi, va na nga mwasi, se ditshiku di di nota di na va tshokomisa, kuwomba Mkoma wa Mabutho a Tiyimbi, taku kha di na mbi va siyela mkoloti, mwendo didhavi.

Nahume 1:10

Nguko, hambi i di ku vo tshunganela ku nga mipa, va txi kolwa ngu vhinya ku nga madevi, va na hetwa votshe kufana ni mwasi wa kuoma.

Amosi 2:9

Kasi ngani ni nga va lovisela Vaamori, vathu vo lapha ku nga mindonga ya mikedhari, ni mitamo yo nga ya mikusu; kambe ni hoxotile mihando yawe ya txitimwi, ni mitwi yakwe ngu hahatshi.

Hoseya 9:16

Efrayime a dawisilwe, m'twi wakwe u omile; va na mbi veleka mihando: Ina, hambi va txo veleka, ani na daya mihando yo dhundeka mndani kwawe.

Hoseya 5:12

Ngu konaho, ka Efrayime ni na fana ni sumba, se ka nyumba ya ka Judha ni na fana ni kusina.

Jeremiya 8:9

Titxhari ti wite tingana, ta dhudhumela ni kuñolwa. Ti kanetile mhaka ya Mkoma. Mbuzivi muni ti ku nawo kani?

Jeremiya 6:19

Engisa awe mafu! Ni na tisa dikhombo txitimwi ka ditiko diya, i ku muhando wa maalakanyo awe; nguko kha va engisa mapswi angu, va eyisile mlayo wangu.

Isaya 8:6

Nguko vathu vava, va txhipisile mati a Silowame, aawa ma khulungako kha kwati, ve tsakela Rezimi ni mwana Remaliya.

Masalmo 50:17

na kuve khu tsaki, ngako ni txi kukawuka wo mbi khatala ngu mapswi angu kani?

Nehemiya 9:26

Hambi keto, kha va kuengisa, va to kuwukela, ve tshuralela mlayo wako, ve daya vaprofeti vako, va va nga ti ti womba-womba kwawe, ti to ve tshumelela kwako; se va to maha wubihi wa hombe.

1 Samuwele 15:26

Kambe Samuwele a to khene ka Sawule: Kha ni na mbi tshumela ni nawe; nga kule u nga lamba dipswi da Mkoma, nene Mkoma a ku lambile, kasiku u si mahi mfumeli txitimwi ka Israyeli.

1 Samuwele 15:23

Nguko kutitsimba kufana ni txionho txa wuloyi, ni kutikulisa kufana ni wubihi ni kukhozela sifananiso. Nga kule awe u nga lamba dipswi da Mkoma, nene a ku lambile, kasi ku u si mahi mfumeli.

2 Vafumeli 19:22

U phikizanile ni mani niku u ruketete mani kani? U kwangulete mani ni kuguleta maso txiluveloni kani? U mahete ani Msawuleki wa Israyeli kani?

Isaya 1:4

Dikhombo ka ditiko da vaonhi, vathu votala ngu wubihi, lihunzu la mikhuwo yo biha, vanana vo hundeka! Va lekile Mkoma, ve ruketela Msawuleki wa Israyeli; va tshumelete msana.

Isaya 1:31

Se m'thu wa mtamo a na fana ni wufemu wa txikwenga, ni mthumo wa kona wu na fana ni tshatsha ya mndilo, aniko va na tura ngu wumbidi wawe, kupwateka ni wo va timela.

Isaya 7:9

Hambi keto, m'zinda ka Efrayime, ngu Samariya, ni msungo wa Samariya, i mwana Remaliya; ngako mi si kholwi, lambi kha mi na mbi tsana.

Isaya 9:18

Nguko kubiha kuhisa ku nga mndilo, kuhoxota sitinga ni mipa, ina, kudhivela sitinga so txhuma, se wutshi wu kwelela ku nga marefu.

Isaya 9:19

Ngu mhaka ya kuhenya ka Mkoma wa Mabutho a Tiyimbi, ditiko di na phuma, vathu va na nga tikhuni ha mndiloni; kha ku nga ni kudivalela mkwawe.

Isaya 24:6

Ngu mhaka yeto, txiruko txa heta mafu, se avale va hanyako ka ona, va na koneka; ngu mhaka yeto, vaaki va ha mafuni, va na hiswa, mbadotho ava va no sala.

Isaya 26:11

Mkoma, dianza dako di guletilwe, hambi keto, kha va di woni; va na di wona, hambiko va no kanganyiseka, ngu mhaka ya ku u pfelako vathu vako; kambe mndilo wu na tshokomisa valala vako.

Hoseya 11:9

Na mbi londetela ta kupanda ka kuhenya kwangu; kha ni na mbi wuya ku ta hoxota Efrayime, nguko ani ni Txizimu, kha ni nga m'thu, Msawuleki hagari kwako; ani kha ni na mbi wulela didhoropani.

Eksodha 5:12

Sekoko vathu va to hangalaka ka dotshe ditiko da Egipta, kasiku ve sengeletela matshina ya ma nga ti ti sala ku di funyetwe.

Dhewuteronome 28:24

Mkoma a na leka kunisa mati, ditikoni kwako, a txi nisa dikhuma ni lithulu, asi si no kuwela, si txi ta ngu nzumani, kala kuza u txi lova.

Jobe 8:17

mikoloti yakwe ya hoka txisimani; yi maha txiduko ka marigwi;

Ezekhiyele 15:6

Ngu kumaha keto Mkoma a khene: Kufana ni m'vhinya hagari ka mindonga ya txitinga, ni wu ningelako ka mndilo ti to wu txi tshokomiswa, ngu toneto ni na ningela vazumbi va Jerusalema.

Amosi 2:4

Mkoma a womba tiya: Ngu kuhambunyeta kuraru ka Judha ni ka wumune, kha ni na mbi thavisa txitsayiso, nguko va lambile Mlayo wa Mkoma, kambe kha va xayisa sileleto sangu, va ti lekile kukhata, ve xengwa ngu makuhu awe, aawa va nga tsimbila ngu ka wona vatate vawe.