Isaya 5:16 - Bhiblia Yo Sawuleka

¹⁶ Aniko Mkoma wa Mabutho a Tiyimbi a na guletwa ngu kululama, se Txizimu txo Sawuleka, txi na sawulekiswa ngu wululamo.

Isaya 5:16 Referans Kwoze

Masalmo 46:10

“Emani! Ti ziveni ti to ani ngani Txizimu! Ni na guletwa hagari ka mifumo, ni wa hombe txitimwi ka otshe mafu!”

Isaya 12:4

Se ka ditshiku donedo, mi na khanu: Bongani Mkoma, mi pfalisa ditina dakwe, gelani vathu simaho sakwe, embelelani ti to ditina dakwe di txitimwi ngutu.

1 Makronika 29:11

Wudhumo ni mtamo, ni nduma, ni kuxula ni wuhombe, nzako Mkoma; nguko sotshe si si ku nzumani ni ha mafuni nzako, mfumo mbwako Mkoma, kambe awe u ti guletile txitimwi ka votshe, kuva mthangeli.

1 Pedro 2:15

Nguko, Txizimu txi lava kumalata wuphukuphuku ngu mithumo yanu ya yinene.

Ezekhiyele 36:23

Kambe ani ni na sawulekisa ditina dangu da hombe, di nga nyenyeziswa hagari ka matiko, adi mi ngadi nyenyezisa hagari ka ona; se matiko ma na tiziva taku, ani ngani Mkoma, kuwomba Mkoma Txizimu, mbimo yile ni no sawulekiswa u txi ti wona.

Isaya 29:23

Aniko mbimo yile vanana vanu va no wona mthumo wa manza angu, hagari kwawe, va na sawulekisa ditina dangu, ni kusawulekisa Msawuleki wa Jakobe, se va na thava Txizimu txa ka Israyeli.

Mtuletelo 3:7

Ka ngelozi ya Dibanza da Filadhelfiya, bhala u txi khawe: “A womba tiya msawuleki, awu wa Ditshuri, awu a ku ni khiya ya Dhavhidha, awu a tulako, ku si maneki ni wammweyo wo seka, awu a sekako, ku si maneki ni wammweyo wo tula.

Isaya 33:5

Mkoma a gulekile nguko a zumba txitimwi; a tatile Siyoni ngu wunene ni wululamo.

Isaya 8:13

Sawulekisani Mkoma wa Mabutho a Tiyimbi, nguko ngene msawuleki wanu; ngene a thisako kwanu, ngene a dhukisako kwanu.

Ezekhiyele 38:23

Ngu kumaha keto, ni na ti kulisa, ni txi ti sawulekisa, ni na ti zivanekisa masoni ka matiko amangi; se va na tiziva taku ani ngani Mkoma.

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.

Isaya 2:17

Kutikulisa ka m'thu ku na vekwa hahatshi, ni kutikukumukisa ka wamwamna, ku na wiswa hahatshi; Mkoma ngene dwe a no guletwa ka ditshiku donedo.

Mtuletelo 4:8

Sivangwa siya sa mune, tximwani ni tximwani txi ti ni mtxhanu wa mabhapi ni dimwedo, na si di tate ngu maso, otshe makhalo, mndani ni hahanze. Se wusiku ni mitshikari, sivangwa sile sa embelela si si malali, si txi kha sona: “Msawuleki, msawuleki, msawuleki! Mkoma Txizimu txa mtamo wotshe. Awule a nga ti ho, Awule a kuho ni wule a tako.”

Isaya 61:8

Nguko ani Mkoma, ni randa kululama, ni nyenya wubihi; ani ni na va ninga ngu ditshuri hakhelo yawe, kambe ni na maha navo txitumelelana txo mbi guma.

Isaya 28:17

Se ni na lulamisa wulamuli ngu ngoti, ni wululami ngu txyemo, se maralala ma na hiyela wuthavelo wa makuhu, mati ma na fenengeta ko sisala kona,

Isaya 6:3

Se ma txi kwangula dimwedo ka dimwani, ma txi kha ona: Msawuleki, Msawuleki, Msawuleki ngene Mkoma wa Mabutho a Tiyimbi; Otshe mafu ma tate ngu wudhumo wakwe.

Masalmo 21:13

Komba mtamo wako, Mkoma, hi na embelela, hi txi dhumisa mtamo wako.

Isaya 30:18

Ngu mhaka yeto, Mkoma a na verela ku mi mahela wumbilu; kambe ngu kumaha keto, a na guletwa kasi ku e mi pfela wusiwana, nguko Mkoma Njizimu to dinganisa. Va katekile votshe vale va thembako kwakwe.

Isaya 2:11

Maso a vathu vo ti kulisa ma na pfhupeliswa, ni kutikulisa ka vavamna ku na vekwa hahatshi, Mkoma ngene dwe a no dhumiswa ka ditshiku donado.

Masalmo 9:16

Mkoma a ti wonekisile, kambe a lamute; nene m'bihi a bzwetilwe ngu mithumo yakwe yo biha.

Levhi 10:3

Se Mosi a to womba ka Aroni a txi khene: Ngu tona tiya Mkoma a nga womba, a txi khene: Ka vale va tshuketako hafuhi kwangu ni na va komba ti to ani ni sawulekile ni ka vathu votshe ni na komba mtamo wangu! Aroni a to malala a so dwe.

1 Pedro 1:16

Nguko, ti bhatwe tito: “Mahani vasawuleki, nguko nani ni msawuleki.”

Varoma 2:5

Kambe ngu kubanga ka mbilu yako, ayi yi si laviko kuhunduluka, wa ti sengeletela txiviti txi u nota txi mana ka ditshiku da txiviti, ahawa ku nota humelela kulamula ku ko lulama ka Txizimu;

Ezekhiyele 28:22

Se i nda khawe: Mkoma Txizimu a khene: Wona taku na kuwukela awe Sidhoni, kambe ni na dhumiswa hagari kwako, mi na tiziva taku ani ngani Mkoma, mbimo yi ni no mlamula, ni txi ti sawulekisa kwakwe.

1 Pedro 3:15

Dhumisani Mkoma Kristu timbiluni kwanu; mi zumba kambe mi di longile nzila ya kutiangulela, ngu kuthutha ni txithavo, ka wuhi ni wuhi a no lava kuziva mhaka ya themba yanu.

Isaya 33:10

Konkuwa ni na khukha ni ema, kuwomba Mkoma; “konkuwa ni na khukha ani nipune”; konkuwa ni na guletwa.

Ezekhiyele 20:41

Ni na tsakiswa ngu kubhumula ka miphaxo yanu, mbimo yi ni no mi thavisa hagari ka vathu, ni txi mi wuyisa ngu ka matiko ale mi nga hangalaka ka ona, se ni na sawulekiswa ngu nganu, masoni ka matiko.

Ezekhiyele 38:16

Se u na wukela vathu vangu va ka Israyeli, kufana ni direfu, di txi fenengeta ditiko; ngu magwito ka masiku, ku na maheka taku ni txi kutisa u ta wukela ditiko dangu, kasi ku matiko ma txi na ni ziva, mbimo yi ni no va ni di sawulekisile maso ako, awe Goge.

Dhaniyeli 4:37

Se konkuwa koko, ani Nebhukodhonosori, na bonga, na guleta ni kudhumisa Mfumeli wa nzumani; nguko mithumo yakwe yotshe di ditshuri, ni tinzila takwe do lulama, kambe wa sikota kuveka hahatshi a vale va tikulisako.

Mitengo 20:13

Aawa mati nga Meribha, ahawa vanana va ka Israyeli, va nga ya ni Mkoma. Ngu konaho kambe a nga va komba kusawuleka kwakwe.

Isaya 2:9

Koneho, vathu va na namiswa, tinganakana ti na vekwa hahatshi; ngu toneto kha va na mbi divalelwa.

Ezekhiyele 28:25

Ngu kumaha keto, Mkoma Txizimu a khene: Mbimo yile ni no sengeleta va nyumba ya ka Israyeli hagari ka matiko, ale va nga hangalaka ka ona, se ni txi ti sawulekisa hagari kwawe, masoni ka matiko, sekoko va na zumba ka ditiko dawe, dile ni nga ninga txithumi txangu Jakobe.