Isaya 5:14 - Bhiblia Yo Sawuleka

¹⁴ Ngu toneto, dithitha di engetete kunavela ka dona, di asamile txisofu txa dona kupinda mpimo, wudhumo wawe ni vathu vawe, ni kubomba kwawe, ni votshe vale va tsakako va na ngirimela ka dona.

Isaya 5:14 Referans Kwoze

Luka 21:34

“Kambe ti woneleni, kasiku timbilu tanu ti si thuki ti nemelwa ngu kwa mbi ti pimela, ni wudevi, ni kuvilela ngu sa wutomi wuwa, ti to ditshikudo di si mi ñoli ngu txidhukisa,

Habhakuki 2:5

Kambe ngu ditshuri, ngu kutiningetetela ka vhinya, wa leka mlayo; m'thu wo tikulisa, asi ti vekisiko, a anamisako minavelo yakwe kufana ni dithitha, wa kwa mbi khura kufana ni lifo, wa tshanganisa kwakwe otshe matiko, ni kusengeleta kwakwe votshe vathu.

Mavingu 30:16

Dithitha, ni mrumbu wa txifule, mafu ma si khuriko ngu mati, ni mndilo wu si dhukiko wu txi kha wona: Ti dingani.

Matewu 7:13

“Wulelani ngu txike txo songa, nguko txike txa kuanama ni nzila ya kuanama si yisa kulovani; se mbavangi va wulelako ngu sona.

Mavingu 27:20

Mndiloni ni kutimelani kha si dhuki si khura, hambi ni maso a m'thu kha ma dhuki me kolwa.

Masalmo 55:15

Lifo li na kanganyise valala vangu! Va na relele va txi hanya ditikoni ka vafi, nguko wubihi wu akile timbiluni kwawe.

Isaya 30:33

Nguko txikho txi lulamisilwe kukhukhela nyamnova, ina, kululamisetwe mfumeli; ene a lulamisile ngu kutshimisa ni kuanamisa; mtamo wakwe mndilo, kambe wu ku ni tikhuni to tala; kufuteta ka Mkoma ko fana ni ka mnambo wa txivavula, ku na txi dhivela.

Isaya 14:9

Xeyoli, kukhukhela hahatshi ko tshima, ku xanisekile ngu kulava awe, kasi ku ku hingeta kutani kwako; ku ku wusete vafi, ni votshe vathangeli va ha mafuni, kambe a va khukhisile ngu ha situluni ka wukoma, votshe vafumeli va matiko.

Luka 17:27

Va ti ti dya, ve sela, ve teka ni kutekwa, ku txi za kuhoka ditshiku di Nowa a nga wulela ngalavani, se ndambi yi txi hoka, yi va daya votshelele.

Isaya 21:4

Mbilu yangu yi vhilukile, na dhudhumela ngu kuthava; kuswa ka ditambo ni nga ti kulava, ku ni mahile ni dhudhumela.

Mavingu 1:12

a hi va miteni va txi hanya, ku nga ho va mayiva, votshe nga vale va relelako diphalani;

Masalmo 49:14

Va siketwe kufa kufana ni tinvuta, se lifo li na maha m'dyisi wawe; va na mitwa ngu lifo kufana ni sihari; mtamo wawe wu na mitwa wu txi txakutelwa ngu dithuna.

Dhaniyeli 5:30

Ka wona wusiku wule, Bhelxazari, mfumeli wa Vakaldheya a to dawa.

Nahume 1:10

Nguko, hambi i di ku vo tshunganela ku nga mipa, va txi kolwa ngu vhinya ku nga madevi, va na hetwa votshe kufana ni mwasi wa kuoma.

Isaya 14:11

Kutikulisa kwako ku wisilwe ka diphala do hokoma, kumweko ni diguwa da timbila tako, se timbungu ti na maha ditaho ni txifenegelo txako.

Isaya 24:8

Diguwa da misakano ya singomana di gumile, di gumile diguwa da vale va ndakandakako ngu kutsaka, kambe li gumile litsako la haripa.

Ezekhiyele 7:12

Yata mbimo, da hoka ditshiku; wule a xavako a nga tsake, ni wule a xavisako a nga henye; nguko txiviti txa tura txitimwi ka mtalo wawe.