Isaya 5:12 - Bhiblia Yo Sawuleka

¹² Sitende ni tiharipa ni singomana, ni titshodi, ni vhinya, siho mu ka mibuso yawe ya hombe, kha va khatali ngu mthumo wa Mkoma, hambi kuwona mithumo ya manza akwe.

Isaya 5:12 Referans Kwoze

Masalmo 28:5

Vona kha va khatali ngu tile Mkoma a nga ti maha, kambe kha va wonisisi mithumo yakwe ya hombe; ngu mhaka ya eto, a na va tsayisa, a txi va lovisa kala kupinduka.

Jobe 34:27

nguko va tsute kule natxo, kambe kha va londeta ni nzila yimweyo ya Txizimu,

Judha 1:12

vathu vava ngu vona i ku sikhuvekiso mibusoni kwanu ka lirando; vadya va si na tingana, ve ti dyisa vapune, va fana ni marefu o mbi na mati, ma pengapengiswako ngu moya; mindonga ya wuxika yi si velekiko mihando, mindonga yi nga fa kumbidi yi txi dulwa ni mikoloti ya yona;

Dhaniyeli 5:23

Kambe u ti kulisile masoni ka Mkoma wa nzumani, nguko siya sa Nyumbani ka Mkoma si wuyisilwe masoni kwako, se awe, ni vahombe vako, ni vasikati vako, ni sigango sako, mi sete vhinya ngu sona; Hahanze keto, u to khozela sizimu sa silivhela, ni nzalama, sa koporo, sa tisimbi, sa tiphande, ni sa marigwi, si si woniko, si si engisako, si si zivako; aniko Txizimu txi wutomi wako, ni tinzila tako totshe, si ku manzani ka txona, khwa txi dhumisa.

Luka 16:19

“Ku ti ti ho m'thu i nga ti nyatithombe, awu a nga txi ambala tinguwo ta masilika o bhilivila ni linya ya lisima ngutu, a txi dya sa kutshamba otshe masiku.

Isaya 22:13

Aniko wonani m'buso litsako; ka dawa tihomu ta mikati, ni tinvuta; kudyiwa nyama ni kuselwa vhinya, aniko kuwombwa tiya: He dyeni, hi sela, nguko mangwana hi na fa.

Isaya 5:19

Va txi kha vona: A na kuluvete e heta mthumo wakwe, kasi ku hi wu wona; wu nate wudhota wa Msawuleki wa Israyeli, kasi ku hi na wuziva!

Genesisi 31:27

Ngu kutxani u txi maha ngu kupfhuka, u txi ni kanganyisa, u si ni zivisi, kasiku hi salisana ngu litsako, hi txi embelela tindando, ni kupeka tingoma, ni kuveta sitende, kani?

1 Vakorinto 14:7

Ta maheka toneto ka si si vetwako, na i si nga so hanya, kufana ni msengele, mwendo txitende; ku nga ti si si humisi mtsome wu wu zivanekako, yi na ziviswa kutxani ndando yi yi vetwako ngu wona msengele mwendo txona txitende, kani?

1 Samuwele 12:24

Thavani Mkoma dwe, mi mthumela ngu kuthembeka ka timbilu tanu totshe, nguko wonani timhaka ta hombe ti a nga mi mahela tona.

2 Samuwele 19:35

Nyamsi ni ni mtxhanu wa magumi ni magumi mararu a malembe, ina ni nga sikota kuhambanisa to biha ni ta tinene kani? Ina txithumi txako txi nga sikota kupfa kutshamba ka sile txi dyako ni kusela kani? Ina ani ni nga engisa mapswi a vaembeleli va vavamna ni vavasikati kani? Se txithumi txako txi nga rwekela txani kambe kunemela mfumeli, nyamne wangu, kani?

Isaya 24:8

Diguwa da misakano ya singomana di gumile, di gumile diguwa da vale va ndakandakako ngu kutsaka, kambe li gumile litsako la haripa.

Isaya 29:1

Dikhombo ka Ariyeli, ka didhoropa da Ariyeli, adile Dhavhidha a nga veka ka dona wugovelo! Engetelani dilembe ni dilembe, kambe yi na ningetane mibuso.

Isaya 56:12

Ngonani, kuwomba vona, he tiseni vhinya, kambe hi na sela wusuke wo bava; se ditshiku da mangwana di na fana ni dona diya, ni kuva da hombe, da nduma ngutu.

Ezekhiyele 26:13

Se ni na emisa diguwa da tindando tako, ni dipswi da tiharipa tako kha di na mbi pfala kambe.