Isaya 5:11 - Bhiblia Yo Sawuleka

¹¹ Dikhombo ka vale va wukako ni mixo ve londisela sa kusela, va selako kala ni wusiku, yiza vhinya yi txi va hisa.

Isaya 5:11 Referans Kwoze

Varoma 13:13

Nga tiya i ku mitshikari, he tsimbileni ngu fanelo, hi hambana ni limito mwendo wudevi, ni wugango mwendo wugelegele, ni livengo mwendo dibava.

Isaya 5:22

Dikhombo ka vale i ku tindena kuselani ka vhinya, ni vathu va va ku ni mtamo kupatelani ka wusuke wo bava ngutu.

Mavingu 20:1

Vhinya mtseketseli, ni wusuke wu vangisa diguwa; ni wihi wule a ti ningetetelako ka wona, kha na mbi maha wo txhariha.

Vagalatiya 5:21

kubavela, wudevi, limito, ni simwani so fana ni sona siya. Na mi alakanyisa, ngako ni khalako ni txi mi alakanyisa, tito: Ava va mahako to ngeto, kha va na mbi mana thomba ya Mfumo wa Txizimu.

1 Vakorinto 6:10

ni makhamba, ni vanyatimbiti, ni sidhakwa, ni varuketeli, ni vavamna va va mahako txionho txa tingana ni mwamna kulowe, kuwalo ni wammweyo kwawe a no sikota kudya thomba ya mfumo wa Txizimu.

Luka 21:34

“Kambe ti woneleni, kasiku timbilu tanu ti si thuki ti nemelwa ngu kwa mbi ti pimela, ni wudevi, ni kuvilela ngu sa wutomi wuwa, ti to ditshikudo di si mi ñoli ngu txidhukisa,

Isaya 28:1

Dikhombo ka m'bhoti wa kutikulisa ka madevi a ka Efrayime, ava wudhumo wa kutitshurisa kwawe wu fanako ni txiluva txi txiwako, txi ku ha msungo ka mkova wo nona, wa ku ti guletako ngu wona, wa va va nga xulwa ngu vhinya!

Habhakuki 2:15

Dikhombo ka wule a ningako vhinya mngana wakwe! Awe u mtshuketiselako msava wako u mlevisa, kasi kuwona wumbwiri wakwe.

Mavingu 23:32

Ngu magwito ka kona yi na luma kufana ni mnyoka, yi gwaya kufana ni mamba.

1 Samuwele 25:36

Mbimo yile Abhigayeli a nga wuya ka Nabhali, a to mana taku m'tini kwakwe ku ni m'buso wa hombe, wo fana ni m'buso wa mfumeli; se mbilu ya Nabhali yi ti ti tsakile ngutu, a di levile ngutu, aha koza asi m'gela txilo kala ni mixo.

2 Samuwele 19:35

Nyamsi ni ni mtxhanu wa magumi ni magumi mararu a malembe, ina ni nga sikota kuhambanisa to biha ni ta tinene kani? Ina txithumi txako txi nga sikota kupfa kutshamba ka sile txi dyako ni kusela kani? Ina ani ni nga engisa mapswi a vaembeleli va vavamna ni vavasikati kani? Se txithumi txako txi nga rwekela txani kambe kunemela mfumeli, nyamne wangu, kani?

Isaya 22:13

Aniko wonani m'buso litsako; ka dawa tihomu ta mikati, ni tinvuta; kudyiwa nyama ni kuselwa vhinya, aniko kuwombwa tiya: He dyeni, hi sela, nguko mangwana hi na fa.

Isaya 24:9

Kha va na mbi sela vhinya, va txi embelela, wusuke wo vila wu na bava, ka vale va no sela.

Isaya 28:3

M'bhoti wa kutikulisa ka madevi a Efrayime, wu na kandetelwa ngu mikondo.

Isaya 56:12

Ngonani, kuwomba vona, he tiseni vhinya, kambe hi na sela wusuke wo bava; se ditshiku da mangwana di na fana ni dona diya, ni kuva da hombe, da nduma ngutu.

Habhakuki 2:5

Kambe ngu ditshuri, ngu kutiningetetela ka vhinya, wa leka mlayo; m'thu wo tikulisa, asi ti vekisiko, a anamisako minavelo yakwe kufana ni dithitha, wa kwa mbi khura kufana ni lifo, wa tshanganisa kwakwe otshe matiko, ni kusengeleta kwakwe votshe vathu.