Isaya 5:10 - Bhiblia Yo Sawuleka

¹⁰ Se digumi da tindima ta vhinya ti na humisa digarafawu; ni omeri yimweyo ya mbewu yi na humisa efa yimweyo dwe.

Isaya 5:10 Referans Kwoze

Levhi 26:26

Hahanze ka toneto, ni na mi tekela sakudya sanu; ati to digumi da vavasikati va txi mi bhikela sakudya sanu amu ka khadi yimweyo, va txi mi phamela sakudya sanu ngu ku mi pimela; ahale ko mi na dya, aniko kha mi na mbi khura.

Hagayi 2:16

Msana ka mbimo yileya, kutile m'thu e ta lava mmumbu wa magumi mambidi a mipimo ya fulaho, aniko ku ti kova ni digumi dwe; a txi ta dipipani ku ta reka mtxhanu wa magumi a mipimo ya vhinya, ku ti kova ni magumi mambidi dwe.

Hagayi 1:6

Mi phayile ngutu, kambe mi funyela ka kudotho; ma dya, aniko kha mi khuri; ma sela, aniko kha mi kolwi; ma ambala, aniko kha mi futumeli; ni wule a holako, a hola ka txikwamana txo doleka.

Joyeli 1:17

Mbewu yi sinete hahatshi, sisangala si haxutwe, mathala ma wisilwe, nguko fulaho yi omile.

Levhi 27:16

Ngako m'thu a txi maha mningelo ka Mkoma ngu ndima ya thembwe yakwe, ayile i kuthomba yakwe, ku na pimiswa mtengo wa male ngu mazumbelo a thembwe, nga ti yi humisisako tona timbewu ta yona; ngako yi txi humisa mpimo wa homeri ya sevhadha, mtengo wa yona wu na va wa male ya mtxhanu wa magumi maxekele a silivhela.

Dhewuteronome 28:38

U na dima u txi phaya mbewu yayingi thembweni kwako, aniko u na elula sa sidotho, nguko humbi yi na si heta.

Dhewuteronome 28:39

U na dima u txi phaya mivhinya, u txi yi sakulela, aniko khu na mbi sela vhinya ya kona, hambi kuhapha mauvha a kona, nguko mpungu wu na ma pukutela.

Isaya 7:23

Kambe ku na humelela ka ditshiku dileya, ti taku, makhalo otshe a mivhinya ya 1.000, yo dingana male ya 1.000 wa matxheleni a silivhela, ku na mila sipopo ni mipa.

Isaya 32:13

Txitimwi ka ditiko da vathu vangu, ku na mila sihaha ni sitxhotxhota, kumweko ni txitimwi ka totshe tinyumba to tsaka ka tona, ka didhoropa di di ndakandakako ngu kutsaka.

Jeremiya 48:33

Kutsaka ni kunengela si thavisilwe thembweni ko nona ni ditikoni ka Mowabhi; nguko ni mahile ti to yi guma vhinya mapipani: Kha va na mbi rukuta mauvha ngu kutsaka: Kutsaka ku na maha tihuwa.

Eksodha 37:22

Mavhuvhu awa, madhavi awa ni meza ya malambu ma ti ti maha tximaha tximwetxo, ni sotshe simaha i ti sa nzalama ya yinene, yo mahwa kumweko ngu kutshulwa.