Isaya 49:4 - Bhiblia Yo Sawuleka

⁴ Aniko ani ni ti khani: Ni thumile walo, ni sakani ngu mtamo wangu, ngu so mbi vhuna txilo; hambi keto, fanelo yangu yi masoni ka Mkoma, ni hakhelo yangu yi masoni ka Txizimu txangu.

Isaya 49:4 Referans Kwoze

Isaya 35:4

Gelani va va pandisekako timbiluni, mi txi khanu: Tsanani, mi nga thaveni! Wonani taku Txizimu txanu txi nata, ku ta mi photela, ni txhatxazelo ya Txizimu; txona txi nata, txi ta mi hanyisa.

Vagalatiya 4:11

Na thava ti to na nda va ni di timisete mikaralo ngu nganu mahala.

2 Vakorinto 12:15

Ani ngu kuranda kwangu, ni na ningela sotshe sangu, hambi ani nipune ni na ti ningela, kasi kuvhuna mimoya yanu. Ina li na hunguka lirando li ni randwako ngu lona ngu mhaka ya ku mi randa anu kani?

2 Vakorinto 2:15

Nguko, athu hi kubhumula ka kunene ka Kristu masoni ka Txizimu, kubhumula ku ku hangalakako hagari ka vale va hanyiswako ni ka vale va lovako.

Matewu 23:37

“Jerusalema! Jerusalema! U dayako vaprofeti, u txi balisela ngu marigwi ava va rumelwako kwako! Nzi khati singani ni nga navela kusengeleta vanana vako nga kule ka khukhu yi fundamelako sisondwana sa yona ngu mabhapi, se awe u txi lamba!

Matewu 17:17

Jesu a to xamula a txi khene: “Liveleko la vathu va ku ambi kholwa ni vo soholoka, ni na va ni nanu kala txikhati muni kani? Ni na timisela ngu nganu kala ditshiku muni kani? Mu tiseni hawa kwangu.”

Ezekhiyele 3:19

Aniko u txi txharihisa m'bihi, se ene asi hunduluki ka wubihi wakwe, ni ka nzila yakwe yo biha, a na fa ka wubihi wakwe, aniko awe u txhatxhisile moya wako.

Isaya 65:23

Kha va na mbi thuma, hambi kuveleka vanana kasi ku va xanisa, nguko liveleko la va vo katekiswa ngu Mkoma, kumweko ni lixaka vawe.

Isaya 62:11

Wonani taku Mkoma a zivisile kala magwito ka mafu, a txi khene: Gelani mwanana wa muhorana wa Siyoni, mi txi khanu: Wona taku kuhanyiswa kwako kata; wona taku kuta ni hakhelo yako, ni mithumo yakwe yi thangete masoni kwakwe.

Isaya 40:10

Wonani taku Mkoma Txizimu a nata, kufana ni ndena, se diwoko dakwe di na fuma; wonani taku, ata ni txhatxhazelo yakwe, ni hakhelo, masoni kwakwe.

Vahebheru 12:2

Na hi txi wonetela Jesu, m'vangi ni muhetisekisi wa likholo lathu, awu a nga leka litsako li a nga velekwa ka lona, a txi langa sixaniso sa kurwala txihambano, asi khatali ngu kurukwa. Se konkuwa, a maneka a di khalahatshile txineneni ka txikhalo txa wukoma txa Txizimu.

Varoma 10:21

Kambe ngako a txi womba ngu Israyeli, a khene: “Dotshe ditshiku ni nawulutile manza angu ka vathu va va si engisiko, va kanyisako.”

Johani 1:11

Ene i ku Dipswi a tile ka va ka kwawe, kambe va ka kwawe kha va mu amukela.

Luka 24:26

Ina ti si laveki ti to Mesiya e xanisekisa tiya, se e wulela kudhumiswani kwakwe kani?”

Isaya 65:2

Ni nawulutile manza ditshiku dotshe, ka vathu va i ku vakaneti, va tsimbilako ngu tinzila to biha, ve ti mahela ti ti ku mapimoni kwawe;

Levhi 26:20

Mi na xakela walo mitamo yanu, nguko mafu anu kha ma na mbi nona me pfunisa silo sanu, ni mindonga ya mu ditikoni kwanu, kha yi na mbi veleka mihando ya yona.

Vafilipiya 2:16

mi humelelisa Dipswi da wutomi, eto ti nava i di kupfaliswa kwangu ka Ditshiku da Kristu, nguko ni na va ni sa tutuma ni kuthuma mahala.

Mavingu 29:26

Vathu vavangi va lava khohe ya mthangeli, aniko kululama ka mmweyo ni mmweyo kuta ngu ka Mkoma.

Isaya 25:1

Awe Mkoma, ngawe Txizimu txangu; ni na kuguleta, ni dhumisa ditina dako, nguko u mahile sixamaliso, makungo ako a kale nga ditshuri, ni kutsana.

Isaya 40:27

Ngu kutxani koko, u wombako, awe Jakobe, ni nawe Israyeli u ku khawe: Nzila yangu yi tsivilwe ka Mkoma, ni kulamulwa kwangu ku kule ni Txizimu txangu kani?

Isaya 57:21

Vabihi kha va nga ni kudikha, kuwomba Txizimu txangu.

Isaya 59:18

Madingano ni ti mithumo yawe yi ku ngu tona, va na va tshumetelisa toneto; kuhenya nga valala vawe, ni hakhelo ka vale valwako nayo; ene a na dihela sitondolo ngu fanelo.

Isaya 61:10

Ni na tsaka ngutu ka Mkoma, muhefemulo wangu wa tsakela Txizimu txangu, nguko txi ni ambekile syambalo sa kuhanyiswa, txi ni fenengeta didhamba da kululama, nga muwuti a ti mbombisako ngu so tshura, ni ku nga txiwutwa txi ti bombisako ngu siketiketi sa txona.

1 Vafumeli 19:10

Se ene a to khene: Ni xambanyile kuthumela ngutu Mkoma, Txizimu txa Mabutho a Tiyimbi, nguko vanana va ka Israyeli va lekile txitumelelano txako, va khundumusete siluvelo sako, ve dayela vaprofeti vako ngu ditxhari; se ngani nokha ni nga sala, se va xota kuthavisa wutomi wangu.