Isaya 49:23 - Bhiblia Yo Sawuleka

²³ Se vafumeli va na va vaxayise va vona, ni vasikati va kona va na va vamamisi vawe; va na namisa tikhohe hahatshi masoni kwako, ve dazela lithulu la mikondo yako, se u na tiziva ti to ani ngani Mkoma, ni ti to avale va ni thembako kha va na mbi wiswa tingana.

Isaya 49:23 Referans Kwoze

Isaya 60:16

Kambe u na mama masi a matiko, se u na ti dyisa tikhanani ka vafumeli; u na tiziva ti to ani ngani Mkoma, Muhanyisi wako, Mtiruli wako, ni nyamitamo wa va ka Jakobe.

Isaya 60:14

Kambe va nata ve ta nama kwako, vanana va vale va nga kuxanisa, ve ta khizama mikondoni kwako, votshe vale va nga kutxhipisa, se va na kudhana ku Didhoropa da Mkoma, i ku Siyoni wa Msawuleki wa Israyeli.

Isaya 60:3

Se matiko ma na tsimbila liwoningoni kwako, ni vafumeli va na tsimbila ka liwoningo li li nga kuveleka.

Mika 7:17

Va na danzela lithulu ku nga minyoka; va na huma ngu makhokholani, kufana ni sihari so tsimbila ngu dibindi na va txi dhudhumela; va nata ka Mkoma, Txizimu txathu, ngu kudhudhumela, na va txi kuthava.

Isaya 45:14

Mkoma a wombisa tiya: Mthumo wa Egipta, ni dibhindu da Vaetiyopiya, ni Vasabhi, vathu va txiemo txo lapha, si na pinda sita kwako, si na kulumba; va na kulondeta, va nata va di sungilwe ngu titxhini, kambe va nata khizama masoni kwako; va na maha mikombelo yawe kwako, va txi kha vona: Kha ditshuri Txizimu txi kwako, kha ku na tximwani txizimu kambe.

Varoma 10:11

Nguko Mibhalo yi womba tiya: “Wuhi ni wuhi a kholwako kwakwe, kha na mbi wiswa tingana.”

Masalmo 25:3

Ngu ditshuri, avale va themako awe, kha va na mbi wiswa tingana. Va na wiswa tingana avale va ku wukelako na ku si nga ni txigelo.

Mtuletelo 3:9

Ni na kuningela vokari va disinagoga da Sathani, va ti wombako ku majudha, na i si nga ona, nguko va womba makuhu; ni na maha ti to ve ta ku khizamela minengeni kwako, kasiku ve tiziva ti to na kuranda.

Isaya 64:4

Nguko kukhukhela ka kale kha ka pfiwa, hambi ngu tinzeve kha ka engiswa, hambi ngu maso kha ka wonwa Txizimu tximwani, txi txi mahako mithumo ka vale va txi thembako.

Isaya 49:7

Mkoma a womba tiya, Mtiruli wa Israyeli, Msawuleki wakwe, ka dihika do eyiswa, do yenywa ngu matiko, ka txithumi txa vale va fumako: Vafumeli va na mu wona va txi khukha, ve ema; vathangeli va na nama masoni kwako, ngu lirando la Mkoma, i ku wo thembeka, ni Msawuleki wa ka Israyeli, a nga kusawula.

Isaya 25:9

Se ka ditshiku donedo, va na kha vona: Wonani Txizimu txathu, hi nga ti txi verela, txi na hi hulukisa; awuwa ngene Mkoma, wule hi nga txi m'verela; hi na m'guleta ni kutsaka, kuhanyisani kwakwe.

Masalmo 34:22

Mkoma wa tirula wutomi wa vale va mthumelako; avale va mthembako kha va na mbi tsayiswa.

1 Pedro 2:6

Ngu mhaka yeto, amu ka Mibhalo, ti ho ti taku: “Wonani, na veka ka m'ti wa Siyoni dirigwi da lisima di di nga sawulwa, do dhundeka; awule a kholwako ka dona, kha na mbi wiswa tingana.”

Varoma 9:33

nga ti ti nga bhalwa taku: “Ndiko na veka Siyoni dirigwi di di ku na va humba, txiwindi txi txi ku na va wisa; aniko awu a no kholwa ka dona dirigwi diya, kha na mbi wiswa tingana.”

Isaya 62:2

Se matiko ma na wona kululama kwako, ni votshe vafumeli va na wona wudhumo wako; se va na ku dhana ngu ditina dadiphya, adi txisofu txa Mkoma txi no di raya.

Mitengo 11:12

Ina ngani ni ku tate ni mame wa ngamu yiya yotshe kani? Ina ngani ni nga va veleka, aha ka kuza u ni gela ku khawe: “Va beleke ha msana kwako, nga txikhonje txi belekako mwanana ha msana, u txi va yisa ka ditiko u nga thembisa ngu txixambanyo ka vatate vathu kani?”

Varoma 5:5

Kuthemba kha ku hi wisi tingana, nguko lirando la Txizimu li thetwe timbiluni kwathu, ngu Moya wo Sawuleka, wu hi nga ningwa.

Isaya 52:15

Ngu kumaha keto, a na xamalisa matiko o tala, ni vafumeli va na pwata ni txo ngu mhaka yakwe, nguko va na wona ni ti va sinziko kuziviswa, se ni tile va nga mbi tipfa, va na ti pima.

Masalmo 138:4

Votshe vafumeli va mafu va na kudhumisa, awe Mkoma, ngako va txi engisa mapswi a txisofu txako.

Masalmo 68:31

Ngu Egipta ku nata tinganakana; Vaetiyopiya va na guleta manza ve khongela ka Txizimu.

Joyeli 2:27

Se anu mi na tiziva ti to ani niho hagari ka Israyeli, ni ti to ani ngani Mkoma, Txizimu txanu, kha ku na mmwani kambe; ni vathu vangu kha va na mbi theleka tingana yotshe mbimo.

Masalmo 69:6

Va nga ve ni tingana ngu mhaka yangu avale va kuthembako, awe Mkoma, Mkoma wa Mabutho a Tiyimbi; avale va ku lavako va nga thuke ve kanganyiswa ngu mhaka yangu, awe Txizimu txa ka Israyeli.

Genesisi 43:26

Mbimo yi Josefa a nga wulela nyumbani, va to mninga siningo si va nga ti naso, se va to khizama hahatshi, masoni kwakwe.

Genesisi 27:29

Vathu va na kuthumele, mifumo yi na khizame masoni kwako. Maha mfumeli wa vananu, va na khizame masoni kwako vanana va mame wako. A na ruketelwe awule a no kuruketela, a na katekiswe awule a no kukatekisa.”

Eksodha 6:7

Ni na mi maha vathu vangu, se ani ni na va Mkoma Txizimu txanu, ni mi humisako ka mikaralo ya ditikoni ka Egipta.

Isaya 14:1

Nguko Mkoma a na pfela wusiwana Jakobe, kambe a na sawula Israyeli, a txi mu veka ditikoni kwakwe. Valuveli va na va kumweko navo, va txi namarela ka nyumba ya va ka Jakobe.

Isaya 14:2

Se vathu va na va amukela ve va yisa makhaloni kwawe, sekoko nyumba ya va ka Israyeli, yi na va fumela, amu ditikoni ka Mkoma, veva tikhumbi ta txiwamna ni ta txisikati. Va na maha tikhumbi ta vale va nga ti va mahile tikhumbi, ni kufumela vale i nga ti vaxanisa vawe.

Isaya 26:8

Nzilani ka wulamuli wako Mkoma, ha kuverela; ditinani kwako ni mapimoni kwako, kuho kualakanya ka mihefemulo yathu.

Isaya 29:22

Ngu toneto, Mkoma wu a nga hulukisa Abrahamu, a khene ngu nyumba ya ka Jakobe: Jakobe kha na mbiswa e wiswa tingana, hambi ni konkuwa kha yi na mbi wuna khohe yawe.

Isaya 41:20

kasi ku votshe ve ti wona, se ve tiziva, ve tumela, ni kupfisisa kumweko tito, dianza da Mkoma di nga maha tiya, ni Msawuleki wa Israyeli a nga si vanga.

Isaya 43:10

Anu mi tifakazi tangu, kuwomba Mkoma; txithumi txangu txile ni nga txi sawula; kasi ku mi na tiziva, mi kholwa kwangu, ni ti to mi pfisisa taku ani ngani nipune, ni ti to hahanze kwangu kha ku khali ku va ho tximwani txizimu, ni msana kwangu kha ku na mbi vaho tximwani Txizimu.

Isaya 45:17

Aniko Israyeli wa hanyiswa ngu Mkoma, ngu kuhanyisa ka kwa mbi guma; ngu mhaka yeto kha mi na mbi wiswa tingana, hambi kukanganyiswa kala kupinduka.

Isaya 52:6

Ngu kumaha keto, vathu vangu va na ziva ditina dangu, ngu mhaka yiya ka ditshiku dile, nguko ani nipune ngani ni wombako: “Ngani wuwa!”

Ezekhiyele 37:6

Se ni na veketela misiha kwanu, ni na thungisa nyama txitimwi kwanu, ni fenengeta didhowo txitimwi kwanu, ni kuthela moya kwanu, mi na hanya, kambe mi na tiziva taku ani ngani Mkoma.

Isaya 50:7

Nguko Mkoma Txizimu wa ni vhuna, ngu mhaka yeto kha ni kanganyiseki; ngu mhaka yeto ni khohe yangu ni yi mahile yi txi nga dirigwi, se na tiziva ti to kha ni na mbi wa tinganani.

Matewu 25:16

Awule a nga amukela mtxhanu wa titalenta, a to bhindula ngu tona, e mana timwani ta mtxhanu.