Isaya 49:22 - Bhiblia Yo Sawuleka

²² Mkoma a womba tiya: Wonani taku, ni na guleta dianza ka matiko, ni na gwimbela m'jeke wangu vathu; sekoko va na tisa vanana vako mawokoni, ni vanana vako vamahorana va na va pakata hamakata.

Isaya 49:22 Referans Kwoze

Luka 13:29

Va nata vathu va wutxani ni va mswa-ditambo ni va wuphemba ni va wulambwe, va nata khalahatsha ha mezani ka sakudya, Mfumoni ka Txizimu.

Masalmo 86:9

Mkoma, awe u mahile mifumo yotshe, se yona mifumo ya ta masoni kwako yi ta dhumisa ditina dako.

Malakiya 1:11

Se kukhukhela wutxani, kala mswa-ditambo, ditina dangu di na va da hombe hagari ka matiko, aniko ka otshe makhalo, ku na ningelwa dibaselo ni mphaxo wo sawuleka ditinani kwangu; nguko ditina dangu di na va da hombe hagari ka matiko, kuwomba Mkoma wa Mabutho a Tiyimbi.

Isaya 66:20

Se va na wuyisa votshe vananu, va hagari ka otshe matiko, kasi kumaha mningelo ka Mkoma, na va di txitimwi ka mahantxhi, ni mu ka sikotxikani, ni mu ka misingo, ni txitimwi ka mamula, ni txitimwi ka mibhedhu, mmangoni kwangu ko sawuleka, kona Jerusalema, kuwomba Mkoma, kufana ni kuva vanana va ka Israyeli va txi tisa miningelo yawe ngu ka siya so basa, Nyumbani ka Mkoma.

Isaya 49:12

Wonani, taku va nata ngu kule, wonani taku avale va wuphemba ni va mswa-ditambo, ni vale vamwani va ditikoni ka Sinimi.

Isaya 14:2

Se vathu va na va amukela ve va yisa makhaloni kwawe, sekoko nyumba ya va ka Israyeli, yi na va fumela, amu ditikoni ka Mkoma, veva tikhumbi ta txiwamna ni ta txisikati. Va na maha tikhumbi ta vale va nga ti va mahile tikhumbi, ni kufumela vale i nga ti vaxanisa vawe.

Masalmo 72:17

Ditina da mfumeli di na simame yotshe mbimo; nduma yakwe yi na simame hahatshi ka ditambo kala kupinduka! Ngu mhaka yakwe yotshe mifumo yi na katekiswe otshe matiko ma na mu womba ku a katekile.

Masalmo 72:8

Ene a na fume kukhukhela ka limbe linene kala ka limwani, kukhukhela ka mnambo wa Ewufrate kala magemeta-mitshi ka mafu.

Masalmo 22:27

Vathu va yotshe mifumo va na alakanya Mkoma; ngu ka otshe madhawa a ditiko va na wuya kwakwe. Totshe tihunzu ti na mkhozela.

Masalmo 102:22

mbimo yi vathu va yotshe mifumo va no tshangana, kasiku ve khozela Mkoma.

Isaya 18:3

Anu motshenu vaaki va matiko, ni nanu vahanyi va ha mafuni, mbimo yi m'jeke wu no gwimbwa mimangoni, mi na wu wona; se ngako ku txi vetwa mpundu, mi na wu engisa.

Isaya 43:6

Ni na khani ka Wuphemba: Naheta! Ni Wulambwe ku khani: U nga lambe! Wuyisani vanana vangu ngu kule, ni vanana vangu vamahorana, ngu magwito ka mafu,

Isaya 62:10

Humani, humani ngu sike; longiselani nzila ya vathu; lulametani, lulametani digondo, mi thavisela marigwi ka dona; gwimbani m'jeke ka vathu.

Isaya 66:19

Se ni na veka txikombiso hagari kwawe, ni vale va no huluka ni na va rumela ka matiko, i ku Tarxixi, ni Puli, ni Ludhe, i ku vafuli, ni Tubhali, ni Javhani, kala ka sitondolo sa kule ngutu, si nga mbi pfa nduma yangu, kambe kha sa wona wudhumo wangu; se si na pfalisa wudhumo wangu hagari ka matiko.

Zakariya 8:22

Ngu kumaha keto, ku nata vathu vavangi, ni matiko a mitamo ngutu, ve ta lava Mkoma wa Mabutho a Tiyimbi kona Jerusalema, ni kukombela makatekwa ka Mkoma.