Isaya 49:21 - Bhiblia Yo Sawuleka

²¹ Se u na khawe mbiluni kwako: I mani a nga ni velekela wuwa kani? Nguko ni ti si nga ni vanana, ni di nokha; ni ti ti khumbi, ni khukha; sekoko, i mani a ngani wunjela vava kani? Wona taku ani ni ti sate nokha; se avava va ti ti hani kani?

Isaya 49:21 Referans Kwoze

Vagalatiya 3:29

Se ngako mi di va ka Kristu, ngu konaho mi liveleko la Abrahamu, mi sidya-thomba ngu mhaka ya txithembiso.

Varoma 11:24

Nguko akuwa awe u nga phatulwa ka muolivha wako wa txitinga wa mtumbuluko, u ta txhomekwa ka muolivha wa m'tini, i si nga wa mtumbuluko wako; ngutu-ngutu ava i ku madhavi a similwa ngu mtumbuluko wa ona, ma nata txhomekwa kambe mndongani ka ona.

Isaya 64:10

Madhoropa ako o sawuleka ma mahile txiwula; Siyoni a mahile txiwula, Jerusalema a xasetwe.

Isaya 62:4

Khu na mbi ngadi u dhanwa ku u “Wo Lekwa,” ni ditiko dako kha di na mbi dhanwa kambe taku “Dirumbi”; aniko va na kudhana taku “Hefizibha,” ni ditiko dako di na dhanwa taku “Bhewula,” nguko Mkoma wa tsaka ngu ngawe, se Mkoma a na tekana ni ditiko dako.

Isaya 60:15

Na i si nga kutxhipiswa ni kunyenywa kule u nga mahelwa kona, kuhoka ha ko ni wammweyo asi pindi ngu kwako, ni na veka kwako kudhundeka ka kwa mbi gwita, kuzumbiseka ka liveleko ni liveleko.

Isaya 52:2

Gubhuta lithulu, wuka u khalahatsha, awe Jerusalema; titxhatxhise ka tingoti ti ti ku thamoni kwako, awe mwanana wa muhorana wa Siyoni, u ku khumbi.

Isaya 5:13

Ngu kumaha keto, vathu vangu va na yiswa wukhumbini ngu mhaka ya kwa mbi ziva, vathangeli vawe va na fa ngu nzala, ni dibutho da vathu di na oma ngu ditora.

Isaya 3:26

Se sike sa didhoropa si na va kupandisekani ni kudilani; ene a na handwa e khalahatshi hahatshi.

Isaya 1:8

Se mwanana wa muhorana wa Siyoni a fana ni m'dhuti wa thembweni ka mivhinya; kufana ni m'dhuti wa thembweni ka maranga; kufana ni didhoropa do randelwa ngu valala.

Luka 21:24

Va na wa ngu kudawa ngu ditxhari, va na payulwa ve yiswa ka otshe matiko; se Jerusalema a na kandetelwa ngu vamatiko, kala kuza mbimo ya vamatiko yi va yi di tatisekile.

Isaya 27:10

Nguko didhoropa da mtamo di sate dokha, dizumbo do lambwa ni kulekwa kufana ni txiwula; eyo va na dyisela kona marole, kambe ma na otela kona, me dya madhavi a kona.

Isaya 29:23

Aniko mbimo yile vanana vanu va no wona mthumo wa manza angu, hagari kwawe, va na sawulekisa ditina dangu, ni kusawulekisa Msawuleki wa Jakobe, se va na thava Txizimu txa ka Israyeli.

Isaya 60:8

Mbamani vale vatako ngu kupuruma nga marefu, ni ku nga situvani ka mafasitela a sona kani?