Biblia Todo Logo
Bib sou entènèt

- Piblisite -




Isaya 49:13 - Bhiblia Yo Sawuleka

13 Giya awe nzuma, se tsaka nawe mafu, kambe anu mimango kulungelani ngu kutsaka ka hombe, nguko Mkoma a thavelete vathu vakwe, a na pfela wusiwana vaxaniseki vakwe.

Gade chapit la Kopi




Isaya 49:13
32 Referans Kwoze  

Embelelani ngu kutsaka anu tinzuma, nguko Mkoma a mahile eto; guletani anu makhalo a hahatshi ngutu ka mafu; anu mimango embelelani ngu kutsaka; se nanu sitinga ni mindonga yotshe yi yiku kwanu; nguko Mkoma a tirute Jakobe, kambe a dhumisilwe kona Israyeli.


Nguko Mkoma a na thavelela Siyoni, kambe a na thavelela otshe makhalo ale i ku marumbi, se txiwula txa kona a na txi maha txi fanana ni thembwe ya Edheni, ni txiwunda txa kona txi na fana ni thembwe ya Mkoma; kuzumbiseka ni litsako si na maneka ka m'ti wuwa, ni mithumo ya kubonga, kumweko ni dipswi da m'zeno.


Kwangulani mi embelela, mi pfalisa kumweko, anu marumbi a Jerusalema! Nguko Mkoma a thavelete vathu vakwe, a tirute Jerusalema.


Nguko mi na huma mi di tsakile, mi tsimbitiswa ngu kuthutha; mimango ni simangwana si na kwangula ngu kutsaka masoni kwanu, se yotshe mindonga ya txitinga yi na peka manza.


Se ka ditshiku donedo, u na khawe: Na ku bonga, Mkoma, nguko hambi ku u nga ni henyela, kuhenya kwako ku gumile, se u ni tsakisile.


Aniko Txizimu txi txi thavelelako va va ti vekako hahatshi ka txona, txi hi thavelete ngu kubwaka ka Titosi,


Ani na mi gela ku khani, kufana ni toneto, ku na ni litsako la hombe masoni ka tingelozi ta Txizimu, ngu txionhi tximwetxo txi hundulukako.”


Sekoko mahorana ma na ti zilimukisa ngu kusinya, majaha ni sikosana ma na tsaka kumweko; nguko ni na phemberusa kudila kwawe kuva litsako ni na va tangalisa ni txi va tsakisa mu kuxanisekani kwawe.


Yi na tsake nzuma; ni mafu ma na peke mikulungwane; se ti na wombwe hagari ka vathu taku: Mkoma wa fuma.


Dhumisani Mkoma anu tinzuma ni mafu, linene ni sotshe sivangwa si si ku ka lona!


U na engetela wuhombe wangu, u txi ni tangalisa kambe.


yotshe mimango ni situnga; yotshe mindonga ya mihando ni mikedhari;


Nguko Mkoma a na pfela wusiwana Jakobe, kambe a na sawula Israyeli, a txi mu veka ditikoni kwakwe. Valuveli va na va kumweko navo, va txi namarela ka nyumba ya va ka Jakobe.


Humani amu Bhabhilona, tutumela kule ni Vakaldheya. Kambe zivisani ngu dipswi da kutsaka ka hombe, ti maheni ti pfiwa eto, mi ti hokisa magwito ka mafu; i nda ni khanu: Mkoma a tirute txithumi txakwe Jakobe.


Aniko Siyoni a khene: “Mkoma se a ni lekile; Mkoma wangu a ni divate.”


Ani, ani ngani awule ni mi thavelelako; wo va mani awe koko, wa ku naza u thava m'thu wu afako, mwendo mwanana wa m'thu, wu a no hinduka e maha mwasi kani?


Ngu mbimo yayidotho ni ku lekile, kambe ni tshumete ni ku wuyisa ngu wumbilu wa hombe;


ngu kuhenya ka hombe, ni ku sisete khohe yangu ngu mbimo yokari; aniko ngu wunene wa kwa mbi gwita ni na kupfela wusiwana, kuwomba Mkoma, Mtiruli wako.


Se nzuma ni mafu ni sotshe si si kuho, si na tsakela Bhabhilona; nguko ngu Wuphemba va nata vahasamuli, kuwomba Mkoma.


Mkoma Txizimu a khene: Mbimo yile ma tsakako otshe mafu, awe ni na kumaha dirumbi.


Tibala ti tate ngu mitxhambi ya sifuyo; mikova yi tate ngu fulaho; ngu mhaka yeto, va tsaka ngutu ve kulungela!


Diwoko dako di ni mtamo, dianza dako di tsani, dianza dako da txinene di ni wurena!


Swiv nou:

Piblisite


Piblisite