Isaya 48:9 - Bhiblia Yo Sawuleka

⁹ Ngu mhaka ya kuranda ditina dangu, ni na swelisa kuhenya kwangu, ngu mhaka ya kuranda wudhumo wangu, ni na ti ñola ni si ku henyeli, kasi ku ni si ku lovisi.

Isaya 48:9 Referans Kwoze

Isaya 37:35

Nguko ani ni na emela didhoropa diya, kasi ku di hulukisa, ngu kuranda kwangu ni kuranda ka txithumi txangu Dhavhidha.

Masalmo 143:11

Ni hanyise awe Mkoma, ngu mhaka ya ditina dako! Humisa moya wangu xomuloni, ngu mhaka ya kululama kwako!

Masalmo 106:8

Aniko Txizimu txi va hanyisile, kasi kudhumisa ditina da txona ni kumaha ti to wu txi ziwa mtamo wa txona.

Masalmo 79:9

Hi lwele, Txizimu, Muhanyisi wathu; hi ponise u txi hi divalela, ngu mhaka ya wudhumo wa ditina dako do Sawuleka!

Masalmo 78:38

Aniko Txizimu, ngu wumbilu wa txona, txi ti va divalete sionho sawe, txi si va lovisi; sikhati so tala txi thindekile ku va henyela, txi si va kawuki ngu txiviti.

Ezekhiyele 20:44

Kambe mi na tiziva taku ani ngani Mkoma, ngu ti ni no ti maha ngu kuranda ditina dangu, na i si nga ngu tinzila tanu to biha, hambi ngu mithumo yanu ya walo, anu va nyumba ya ka Israyeli, kuwomba Mkoma Txizimu.

Ezekhiyele 20:22

Aniko ni khwanyetile dianza, ngu mhaka yo randa ditina dangu, kasi ku di si nyenyeziswi masoni ka matiko, ka vale ni nga va humisa ka vona.

Ezekhiyele 20:14

Ati ni nga maha i mhaka ya ditina dangu ti taku di si nyetiselwi masoni ka matiko ale ni nga va humisa ka ona.

Jeremiya 14:7

Hambi ngako sionho sathu si txi hi xowokisa, awe Mkoma hi vhune ngu mhaka ya ditina dako. Nguko hi tiwukile kakungi, hi txi kuonhela.

Isaya 48:11

Ngu kuranda kwangu, ngu kuranda kwangu, ni na ti maha, nguko di ndi na nyenyeziswa ngu kutxani ditina dangu kani? Ni wudhumo wangu kha ni na mbi wu ningela ka mmwani.

Isaya 43:25

Ani, ani nipune, ngani ni pfhitako sihambunyeto sako, ngu kuranda kwangu, se sionho sako kha ni si alakanyi.

Isaya 30:18

Ngu mhaka yeto, Mkoma a na verela ku mi mahela wumbilu; kambe ngu kumaha keto, a na guletwa kasi ku e mi pfela wusiwana, nguko Mkoma Njizimu to dinganisa. Va katekile votshe vale va thembako kwakwe.

Masalmo 25:11

Mkoma, sionho sangu nza hombe ngutu, ni divalele kasi kudhumisa ditina dako.

1 Samuwele 12:22

Nguko Mkoma kha na mbi leka vathu vakwe, ngu mhaka ya ditina dakwe da hombe, nguko Mkoma ti mtsakisile ti to mi maha vathu vakwe.

Ezekhiyele 20:9

Ati ni nga maha koko, i mhaka ya kuranda ditina dangu, kasi di si ruketelwi masoni ka vamatiko, vale va ku hagari ka vona, avo ni nga ti wonekisa ka vona, kasi ku va humisa Egipta.

Mavingu 19:11

Mapimo amanene ma sisa kuhenya ka m'thu; se kudhundeka kwakwe ngu kuretha sihoheto.

Joxuwa 7:9

Va txo tiengisa eto Vakanana, ni votshe vaaki va ditiko, va na hi ranganyeta, va txi fuvisa ditina dathu ha mafuni; sekoko u na maha txani ngu ditina dako da hombe kani?”

Isaya 65:8

Mkoma a womba tiya: Kufana ni kungako ku txi manwa dosi amu ka txizangwa txa mauvha, va kha vona: U nga txi xakele, nguko ku ni makatekwa ka txona, ni na mahisa toneto ngu kuranda sithumi sangu, kasi ku ni si va hoxoti votshe.

Ezekhiyele 36:21

Aniko ani ni va tsetsile ngu mhaka ya ditina dangu do sawuleka, adile va nyumba ya ka Israyeli va nga ya di nyenyezisa, ka matiko ale va nga ya ka ona.