Isaya 48:4 - Bhiblia Yo Sawuleka

⁴ Nguko ni ti tiziva ta ku u bangi msungo, thamo yako yi fana ni msiha wa simbi, ni mbanza yako yi fana ni suku.

Isaya 48:4 Referans Kwoze

Mithumo 7:51

“Anu va tithamo to banga, makhutu a timbilu ni a tinzeve, anu ma kanyisa yotshe mbimo Moya wo Sawuleka: Mi tekelela vatate vanu.

Eksodha 32:9

Mkoma a wombile kambe ka Mosi a txi khene: “Na wona ati to vathu vava i vathu va mapimo o banga.

Mavingu 29:1

M'thu wule a ku a txi kawukwa ko tala e ti bangisa msungo, a na phatulwa ngu txikuluveta, asi kalamuki.

Varoma 2:5

Kambe ngu kubanga ka mbilu yako, ayi yi si laviko kuhunduluka, wa ti sengeletela txiviti txi u nota txi mana ka ditshiku da txiviti, ahawa ku nota humelela kulamula ku ko lulama ka Txizimu;

Jeremiya 19:15

A womba tiya Mkoma wa Mabutho a Tiyimbi, Txizimu txa ka Israyeli: Wona taku ni na tisa txitimwi ka diya didhoropa, ni ka sotshe sidhoropana, wotshe wubihi wu ni nga wu womba ngu ku diwukela, nguko va bangisile tithamo tawe, kuva va si engisi timhaka tangu.

Jeremiya 5:3

O Mkoma, ina maso ako kha ma vereli tinene kani? Awe u va pekile, aniko kha vapfa kupanda. U va lovisile, aniko kha va tumela kulaywa. Va bangisile tikhohe tawe kupinda ni dirigwi Va lambile kuhunduluka.

Dhewuteronome 31:27

Nguko ani na di ziva dihanyo dako da wuhurupha ni kukanyisa kwako; hambi nyamsi, ni ku ngadi ni txi hanya kumweko ni nanu, mi ku siphukuphuku ka Mkoma; se mi na txani, ngako ni di fite kani?

Eksodha 33:5

Sekoko Mkoma a wombile ka Mosi a txi khene: “Womba ka vanana va ka Israyeli u txi khawe: Mi vathu va timbilu to banga. I ti ku ni ti kova hagari kwanu ngu mbimonyana, nga ni di mi lovisile. Ti di ngeto, thavisani sotshe simaha sanu sa bombo, kasi ni txi wona atile ni felako ku ti maha ngu ngamu.”

Masalmo 78:8

va si fani ni vatate vawe, i nga ti liveleko la sindaka-milayo, siphukuphuku i ku liveleko li nga mbi xayisa mbilu ya lona, ni moya wa lona wu nga mbi thembeka ka Txizimu.

Masalmo 75:5

“Mi nga wukeleni Txizimu, mi nga ti maheni siphukuphuku, ngako mi txi bwabwata.”

Eksodha 33:3

tsula ka dona ditikodo, adile di khulungako masi ni wulombe. Aniko ani na mbi tsula ni nanu, nguko anu mi vathu vo banga misungo, ni nga thuka ni txi mi lovisa hagari ka nzila.”

Isaya 46:12

Ni engiseni anu vo banga timbilu, anu mi ku kule ni wululamo.

2 Makronika 36:13

Hahanze keto, a to wukela mfumeli Nebhukodhonosori, wule a nga ti ti mxambanyisile ngu ditina da Mkoma; kambe a ti bangisile msungo ni mbilu yakwe, asi tshumeleli ka Mkoma, Txizimu txa Israyeli.

Vahebheru 3:13

Ngu toneto, layanani masiku otshe, na ku di ngadi ku txi wombwa ku “Nyamsi” amu ka mibhalo, ati ti wombako athu kasiku ku si vi ni wammweyo hagari kwanu wo ti bangisa, ngu kukanganyiswa ngu txionho.

Dhaniyeli 5:20

Aniko mbimo yi mbilu yakwe yi nga tikulisa, e bangisa msungo wakwe ngu wugwile, a to thaviswa ha txituluni kwakwe ka wukoma, e tekelwa ni wudhumo wakwe.

Jeremiya 7:26

Aniko kha va ma engisa, hambi ku riya tinzeve; va to bangisa tithamo tawe, ve maha kubiha kupinda ni vatate vawe.

Jeremiya 3:3

Ngu konaho, tinzuma ti tsimbisetwe, sekoko nzuma yo khata kha yana; aniko mbanza yako i ti ya digelegele, ti taku u si tumeli kupfa tingana.

2 Makronika 30:8

Mi nga bangiseni tithamo tanu kufana ni vatate vanu kambe ningelani dianza danu ka Mkoma se mi wulela amu ka wukhalo wo sawuleka awu ene a nga wu basisa ngu ha ku si gwitiko, mi thumela Mkoma Txizimu txanu, kasi ku kuhenya kwakwe kuhambuka kwanu.

2 Vafumeli 17:14

Hambiko kha va mu engisa; va to ti nemelisa kuthumani kwawe, nga mathumelo a vatate vawe, va nga mbi kholwa ka Mkoma, Txizimu txawe.

Dhewuteronome 10:16

Yisani wukwerani timbilu tanu, mi si bangisi tithamo tanu.

Nehemiya 9:28

Aniko, va di mani kuhumula, va to tshumela ve maha kubiha masoni kwako; se u to va leka manzani ka valala vawe, va txi va fumela; se mbimo yile va nga hindukula va txi kwangula kwako, awe u va engisile u di nzumani, u va hulukisa sikhati so tala ngu mhaka ya wumbilu wako.

Ezekhiyele 2:4

Se vanana mba tikhohe to thuvika, ni timbilu to banga; se ni kuruma ka vona, u na ya va gela ku khawe: Mkoma Txizimu a womba tiya.

Eksodha 9:7

Faro a to ruma kuya wona sifuyo sa va ka Israyeli, a txo gelwa ti to ni txa tximwetxo txihari txawe kha txa fa. Hambi keto, mbilu ya Faro yi to simama yi txi banga, kha nga va leka vathu va txi tsula.

Isaya 30:9

Nguko vathu vava mba kaneti, mbanana vo womba-womba makuhu, vanana vo mbi lava kuengisa Mlayo wa Mkoma.