Isaya 48:3 - Bhiblia Yo Sawuleka

³ Ni zivisile kukhukhela kale timhaka to khata; ina, txisofu txangu txi ti wombile, se ani ni ti mahile ti pfala; ngu kukuluveta ni ti mahile, kambe ti pindile.

Isaya 48:3 Referans Kwoze

Isaya 42:9

Wona taku, timhaka ta kale ti pindile, na mi zivisa timhaka ta tiphya, na mi zivisa ti sanzi kuwoneka.

Isaya 41:22

Tisani mi ta hi gela timhaka ti ti no humelela, hi ziviseni timhaka ti ti nga pinda, kasi ku hi na ti pfisisa, ni kuziva magwito a tona; mwendo hi geleni ati titako.

Joxuwa 21:45

Kha ku nga ho dipswi ni da dimwedo, di nga wa hahatshi ka otshe mapswi amanene, aawa Mkoma a nga ma womba ka va ka Israyeli; totshe ti mahekile.

Isaya 45:21

Zivisanani mi tshuketa, mi maha txikungo motshenu; i mani a nga zivisa tiya kukhukhela kale kani? I mani kukhukhela kaleko a nga zivisa kani? Ina hingani Mkoma kani? Se kha ku na tximwani Txizimu hahanze kwangu; Txizimu txo lulama, ni M'uhanyisi, kha txingaho, hahanze kwangu.

Isaya 43:9

Matiko otshe ma na sengeletane, ni vathu va na tshangane; i mani hagari kwawe a nga sikotako kuzivisa tiya, e hi maha hi engisa timhaka ta kale kani? Kombisani tifakazi tanu, kasi ku mi ti basisa, ni ti to ti pfiwa, ni ti to ku txi wombwa taku: Ditshuri!

Isaya 37:7

Wona taku, ni na thela moya kwakwe, se a na pfa diguwa, e tshumelela ditikoni kwakwe; ni na mmaha e dawa ngu ditxhari ditikoni kwakwe.

Isaya 37:29

Ngu mhaka ya ku ni henyela kwako, niku kutithemba kwako ku pfate tinzeveni kwangu, wona taku, ni na vekela tximemba txangu thonvuni kwako, ni matomu angu txisofuni kwako, ni kutshumeta ngu nzila yi u ngata ngu yona.

Isaya 29:5

Se kutala ka valala vako, ku na fana ni lithulu lo hehuka, ni kutala ka sidayi, nga m'vhutunga wu wu pindako; eto ti na maheka ngu mbimo ya txikavikavi.

Isaya 30:13

Ngu mhaka yeto, wubihi wuwa kwanu, wu na nga diseta di di ku ni lifa, do humisa mrumbu kukhukhela txitimwi ngutu, adiya kuwa ka dona, ku nota ngu txidhukisa.

Isaya 41:27

Ani ngani ni no khata ni txi khani ka Siyoni: Wona taku vaho hale! Ni ka Jerusalema ni na ninga m'zivisi wa mahungu amanene.