Isaya 48:21 - Bhiblia Yo Sawuleka

²¹ Se Jakobe asi nga ni ditora, mbimo yile a nga mtsimbitisa ngu txiwulani; a to mkhulongisela mati ngu mu ka dirigwi; e bhandisa marigwi, se mati me pfukula ngu konemo.

Isaya 48:21 Referans Kwoze

Eksodha 17:6

Ziva ti to ani ni na va masoni kwako, txitimwi ka mmango wa Horebi; u na ya peka txiwindi ngu ndonga, mati ma na huma ngu ka txona, aawa vathu va no sela.” Mosi a to maha toneto masoni ka madhota a ka Israyeli.

Masalmo 105:41

Txi to tula dirigwi, ku txi huma mati, ma txi khulunga txiwulani nga mnambo.

Isaya 30:25

Kambe ka yotshe mimango yo lapha, ni ka sotshe simangwana so guleka, sinambwana ni milonga ya mati, ka ditshiku da kudawa ka hombe, mbimo yile si nowa sitezi.

Masalmo 78:20

Kha ditshuri Txizimu txi pekile dirigwi se ngu ka dona me khulunga mati a kutala, kambe ina txi nga sikota ku hi ninga sakudya ni kululamisa nyama kasi vedya vathu va txona kani?”

Mitengo 20:11

Sekoko Mosi a to gula diandza dakwe e peka dirigwi sikhati simbidi ngu ndonga yakwe, mati ma to pfhuruka, kuhuma mati o tala. Msengeletano wu to sela kumweko ni sifuyo sa wona.

Isaya 49:10

Kha va na mbiswa va txi pfa nzala, mwendo ditora, hambi txiwunda mwendo ditambo, kha si na mbi va xanisa, nguko awule a ku ni wumbilu navo, a na va tsimbitisa, e va yisa ngu kuthutha sisimani ka mati.

Nehemiya 9:15

Se u va ningile sakudya sa nzumani kasi kuve mana kumalata nzala yawe, ni mati o huma dirigwini kasi ku tima ditora dawe. Kambe u va leleta kuve wulela ve teka ditiko dile u ngadi gulela dianza u txi khawe u na va ninga.

Jeremiya 31:9

Va na wuya va txi dila, ni txi va heleketa na va txi khongela; ni na va thangela minamboni ka mati, ngu nzila yo basa, eyo va na kwa mbi huma ka yona; ngu ku ni ku tate ka Israyeli, matiwula angu ngu Efrayime.

Masalmo 78:15

Txiwulani Txizimu txi bhandile marigwi txi va setile mati ngu mtalo wa ona.

Masalmo 74:15

U khulongisile sisima ni milonga u txi womisa minambo ya mati a mtamo.

Masalmo 78:16

Txizimu txi humisile ngu mu ka dirigwi mati o khulunga awa ma nga txi khulunga ngu mtamo.

Nehemiya 9:20

Se u va ningile moya wako wa wunene, kuve gondisa ngu wona; hambi manna ako khu ya thavisa txisofuni kwawe; ni mati o sela u va ningile.