Isaya 48:19 - Bhiblia Yo Sawuleka

¹⁹ Hambi liveleko lako li ndi na fana ni mafu, ni vale va humako disembeni kwako, va ndi na tala nga mtxhefa wa lineneni; ditina dako di si dhuki di thaviswa, hambi kuloviswa masoni kwangu.

Isaya 48:19 Referans Kwoze

Isaya 10:22

Nguko hambi ku vathu vako, awe Israyeli, va fanako ni mtxhefa wa lineneni, miboti yokha ngu yona yi no hulukiswa; kulovisa kutsanisilwe, ka thekelela ngu kululama.

Genesisi 22:17

ni na kukatekisa, ni andisa liveleko lako, nga tinyeleti ta nzumani, ni ku nga mtxhefa mabambe ka linene; liveleko lako li na honyola madhoropa a valala va lona.

Varoma 9:27

Isaya nene wa huwelela ta Israyeli, a txi khene: “Hambiko mtengo wa vanana va ka Israyeli wu fanako ni mtxhefa wa lineneni, miboti yokha ngu yona yi no poniswa;

Hoseya 1:10

Ngu kumaha keto, mtengo wa vanana va ka Israyeli u na nga mtxhefa wa lineneni, awule wu si pimwiko mwendo kubalwa; se ku na maheka tito, ka wukhalo wu va nga gelwa ku kha vona: Anu kha mi nga vathu vangu, va na kha vona: Anu mi vanana va Txizimu txi txi hanyako.

Jeremiya 33:22

Ni na engetela mtengo wa liveleko la txithumi txangu Dhavhidha ni wa Valevhi i ku vaphaxeli, nga ku mtengo wa yimbi ya nzuma wu si balwiko, hambi ni mtxhefa wa linene.

Zefaniya 1:4

Se ni na nawuluta dianza dangu txitimwi ka Judha, ni txitimwi ka votshe vaaki va Jerusalema; ni na fuvisa ka wukhalo wuwa miboti ya Bhahali, ni matina a vale va thumelako sithombe, ni vaphaxeli;

Isaya 66:22

Nguko, kufana ni nzuma ya yiphya ni mafu a maphya, sile ni no si va nga, si nova masoni kwangu, kuwomba Mkoma, ngu kumaha keto, li na zumbisa tona eto liveleko lanu ni ditina danu.

Isaya 56:5

Kambe ni na va ninga nyumbani kwangu, ni mndani ka maguma angu, wukhalo ni ditina, sa txhuko kupinda sa vanana va mazambi ni vanana vamahorana; Ni na ninga ditina do mbi na magwito ka mmweyo ni mmweyo, adi di na kwa mbi pfhiteka.

Isaya 48:9

Ngu mhaka ya kuranda ditina dangu, ni na swelisa kuhenya kwangu, ngu mhaka ya kuranda wudhumo wangu, ni na ti ñola ni si ku henyeli, kasi ku ni si ku lovisi.

Isaya 14:22

Nguko ni na va wukela, kuwomba Mkoma wa Mabutho a Tiyimbi, ni na fuvisa ditina da Bhabhilona ni misalelwa ya kona, vanana ni vatukulu, kuwomba Mkoma.

Isaya 9:14

Ngu mhaka yeto, ka Israyeli, Mkoma a na wila msungo ni mkila, lidhavi ni sihuvani, ngu ditshiku dimwedo.

Masalmo 109:13

Liveleko lakwe li na gume ni txibongo txakwe txi na fuve ka liveleko li litako.

Masalmo 9:5

U kawukile mahedheni, u lovisile vabihi, u pfhita matina awe, kala kupinduka.

1 Vafumeli 9:7

sekoko ni na khundumusa Israyeli ka ditiko di ni nga mninga; se ka yiya nyumba ni nga yi sawulekisela ditina dangu, ni na yi tshotsha kule ni nani, se Israyeli a na maha wa kuwombwa ni kumimelelwa, hagari ka votshe vathu.

Rute 4:10

ni ti to kambe na amukela Rute, wa Mowabhi, i nga ti ti msikati wa Mahaloni, a txi maha msikati wangu, kasi kuwusa ditina da mfi, txitimwi ka thomba yakwe, kasiku ditina da mfi di si fuvi hagari ka vanawe, ni ha banza ka wukhalo wawe; ka tiya, nyamsi mi tifakazi.

Joxuwa 7:9

Va txo tiengisa eto Vakanana, ni votshe vaaki va ditiko, va na hi ranganyeta, va txi fuvisa ditina dathu ha mafuni; sekoko u na maha txani ngu ditina dako da hombe kani?”

Genesisi 13:16

Liveleko lako ni na li maha li txi fanana ni lithulu la mafu. Ku walo wu a sikotako kubala lithulu la mafu, kufana ni toneto, kuwalo wu a no sikota kubala situkulwana sako.

Jobe 5:25

Kambe u na tiziva taku liveleko lako li na anda, ni vanana vako va na nga mwasi wo nakana.

Isaya 44:3

Nguko ni na tshakunuta mati txitimwi ka txihala, ni minambo txitimwi ka mafu a kuoma; ni na thela moya wangu txitimwi ka liveleko lako, ni makatekwa angu txitimwi ka vanana vako.

Isaya 44:4

Va na mila hagari ka mwasi, kufana ni siphutu hafuhi ni sinambwana sa mati.

Isaya 54:3

Nguko u na nava u txiya ka dianza da txinene, se liveleko lako li na lumbwa ngu matiko, li txi wusa madhoropa ale ma nga sala i di marumbi.

Dhewuteronome 9:14

Ni leke ni va lovisa, ni fuvisa ditina dawe hahatshi ka nzuma; ni na maha ngu ngawe mfumo wa mtamo ngutu, ni kutala kupinda vona.”