Isaya 48:13 - Bhiblia Yo Sawuleka

¹³ Kambe dianza dangu di mahile mafu, ni dianza dangu da txinene di to pima nzuma; ni na si dhana si na woneka ngu mbimo yimweyo.

Isaya 48:13 Referans Kwoze

Isaya 40:26

Gulani maso mi wona txitimwi, mi wona taku i mani a nga vanga sona siya. I mani a nga ti vangela so talisa tiya, i mani asi dhanako sotshe ngu matina a sona; ngu mhaka ya wuhombe wa mtamo wakwe, ni kutsana ka mtamo wakwe, kha ku na mbi pwateka ni txa tximwetxo.

Isaya 45:18

Nguko Mkoma a womba tiya, awule a nga maha tinzuma, Txizimu txi txi nga wumba mafu txi ma vanga; txona txi ma tsanisile, kha txa ma maha diphanga, aniko txi ma vangile kasi ku vathu ve zumba ka ona: Ani ngani Mkoma, kha ku na mmwani.

Masalmo 102:25

U mahile mafu kukhukhela makhatoni; ngawe upune u nga va nga tinzuma.

Eksodha 20:11

Nguko ngu mtxhanu wa masiku ni dimwedo, Mkoma a vangile nzuma ni mafu, ni linene, ni sotshe asi si kuho, se a to humulela ngu ditshiku da wutxhanu ni mambidi; ngu mhaka yeto, Mkoma a katekisile ditshiku da Sabbata a txi di sawulekisa.

Isaya 42:5

A womba tiya Mkoma Txizimu, awu a nga vanga nzuma, e yi nawuluta, kambe a vangile mafu, ni sotshe si ma si humisako, a ningako kuhefemula ka vathu va va ku ka ona, ni moya, ka vale va tsimbilatsimbilako ka ona.

Isaya 40:12

I mani a nga pima linene ngu dianza dakwe, awu a nga teka lipimo la nzuma ngu manza akwe, se e sengeleta lithulu la mafu, ka mpimo wokari, ni kupima mimango ni simangwana txikaloni kani?

Isaya 40:22

Ngene wule a nga khalahatsha txitimwi ka txiwumbulutwa txa mafu, awule kwakwe, ava va zumbako ha mafuni va fanako ni tihumbi; ngene a nawulutako nzuma yi txi nga m'jiyo, e yi gwimba ku nga ditenda, kasi kuve zumba ka dona;

Masalmo 147:4

Ene wa bala mtengo wa tinyeleti e raya ditina ka yimwani ni yimwani.

Jobe 37:18

Mwendo u gwimbile kumweko natxo nzuma, yo tsana kufana ni txibuko txo nyekiswa kani?

Varoma 4:17

madingano ni ti ti nga bhalwa, va txi kha vona: “Ani ni kumahile tate wa tixaka ta tingi.” Ene i tate wathu masoni ka Txizimu txi a nga kholwa ka txona, Txizimu txi txi hanyisako vakufa, txi vangako ni si si ku si nga ho.

Isaya 40:21

Ina kha mi tizivi kani? Ina kha mi ti pfi kani? Mwendo kha ma ziviswa mhaka yiya makhatoni kani? Hambi kupima makhato a mafu kani?

Isaya 45:12

Ani ni vangile mafu, kambe ni vangile m'thu ka ona; ani ni m'vangile, manza angu ma nawulutile tinzuma, se ni otshe mabutho a kona ni ma ningile mlayo wangu.

Isaya 51:13

Kambe wa divala Mkoma wu a nga kuvanga, awu a nga nawuluta nzuma ni kumaha makhato a mafu, u zumbela kuthava masiku otshe, ngu mhaka ya tshofu ya mxanisi, a txi ti longisela kuya haxula kani? Ku hani kuhenya ka wule a nga ti kuxanisa kani?

Isaya 44:24

Mkoma, Mtiruli wako, wule a nga ku wumba kukhukhela mndani, a khene: Ani ngani Mkoma, ni mahako sotshe, ni atetako tinzuma, ni kunawuluta mafu ani nipune;

Jeremiya 51:15

Ene a mahile ditiko ni mafu ngu mtamo wakwe, e folisela ditiko ngu wuzivi wakwe, se e nawuluta nzuma ngu mapimo akwe.