Isaya 48:11 - Bhiblia Yo Sawuleka

¹¹ Ngu kuranda kwangu, ngu kuranda kwangu, ni na ti maha, nguko di ndi na nyenyeziswa ngu kutxani ditina dangu kani? Ni wudhumo wangu kha ni na mbi wu ningela ka mmwani.

Isaya 48:11 Referans Kwoze

Isaya 42:8

Ani ngani Mkoma; adiya ditina dangu; wudhumo wangu koko, kha ni na mbi ninga mmwani, hambi kudhumiswa kwangu, kha ni na mbi kuningela ka sithombe so vatwa.

Ezekhiyele 20:9

Ati ni nga maha koko, i mhaka ya kuranda ditina dangu, kasi di si ruketelwi masoni ka vamatiko, vale va ku hagari ka vona, avo ni nga ti wonekisa ka vona, kasi ku va humisa Egipta.

Ezekhiyele 20:14

Ati ni nga maha i mhaka ya ditina dangu ti taku di si nyetiselwi masoni ka matiko ale ni nga va humisa ka ona.

Isaya 37:35

Nguko ani ni na emela didhoropa diya, kasi ku di hulukisa, ngu kuranda kwangu ni kuranda ka txithumi txangu Dhavhidha.

Ezekhiyele 20:22

Aniko ni khwanyetile dianza, ngu mhaka yo randa ditina dangu, kasi ku di si nyenyeziswi masoni ka matiko, ka vale ni nga va humisa ka vona.

1 Samuwele 12:22

Nguko Mkoma kha na mbi leka vathu vakwe, ngu mhaka ya ditina dakwe da hombe, nguko Mkoma ti mtsakisile ti to mi maha vathu vakwe.

Isaya 43:25

Ani, ani nipune, ngani ni pfhitako sihambunyeto sako, ngu kuranda kwangu, se sionho sako kha ni si alakanyi.

Jeremiya 14:7

Hambi ngako sionho sathu si txi hi xowokisa, awe Mkoma hi vhune ngu mhaka ya ditina dako. Nguko hi tiwukile kakungi, hi txi kuonhela.

Ezekhiyele 20:44

Kambe mi na tiziva taku ani ngani Mkoma, ngu ti ni no ti maha ngu kuranda ditina dangu, na i si nga ngu tinzila tanu to biha, hambi ngu mithumo yanu ya walo, anu va nyumba ya ka Israyeli, kuwomba Mkoma Txizimu.

Ezekhiyele 20:39

Kasi ngu kwanu anu va nyumba ya ka Israyeli, Mkoma Txizimu a khene: Tsulani, mmweyo ni mmweyo eya thumela sithombe sakwe, nguko ani kha mi lavi ku ni engisa; aniko mi nga nyenyeziseni ditina dangu do sawuleka ngu miningelo yanu, ni sithombe sanu.

Varoma 2:24

Ngu konaho, ti bhatwe ti to “Ditina da Txizimu da ruketelwa hagari ka vamatiko ngu mhaka yanu.”

Johani 5:23

Kasiku votshe ve thava Mwanana, nga ti va thavisako tona Tate. Awu asi thaviko Mwanana, kha thavi ni Tate wu a nga mruma.”

Isaya 52:5

Se konkuwa, nji txani ni no txi maha, kuwomba Mkoma, nguko vathu vangu va ñotwe, va si nga ni mnandu kani? Avale va va fumelako va peka tihuwa, kuwomba Mkoma; se ditina dangu da ruketelwa, ngu ha ku si gwitiko, ditshiku ni ditshiku.

Isaya 48:5

Ngu toneto, ni kuzivisile kukhukhela kale, kambe ni kuzivisile na ti sanzi kumaheka, kasi ku u si khawe: “Simaha siya si mahilwe ngu txithombe txangu, mwendo txifananiso txangu txo vatwa, mwendo txifananiso txangu txo wumbwa,” si rumisile kumaha.

Masalmo 25:11

Mkoma, sionho sangu nza hombe ngutu, ni divalele kasi kudhumisa ditina dako.

Masalmo 106:8

Aniko Txizimu txi va hanyisile, kasi kudhumisa ditina da txona ni kumaha ti to wu txi ziwa mtamo wa txona.

Masalmo 115:1

U nga dhumise athu Mkoma, u nga dhumise athu, aniko dhumisa ditina dako da wudhumo, ngu mhaka ya lirando lako ni kuthembeka kwako!

Isaya 48:9

Ngu mhaka ya kuranda ditina dangu, ni na swelisa kuhenya kwangu, ngu mhaka ya kuranda wudhumo wangu, ni na ti ñola ni si ku henyeli, kasi ku ni si ku lovisi.

Dhaniyeli 9:17

Se konkuwa koko, awe Txizimu txathu, engisa mkombelo wa txithumi txako, ni kudila ka txona; khohe yako yi na woninge txitimwi ka wukhalo wako wo sawuleka wule wu nga hoxotwa, ngu kuranda ka Mkoma.

Masalmo 25:7

U nga alakanyele sionho sa wujaha wangu, hambi ni sihambunyeto sangu; aniko ni alakanye, Mkoma, ngu konaho ka wunene wako, ni wumbilu wako.

Ezekhiyele 36:22

Womba koko ka nyumba ya ka Israyeli, u txi khawe: Mkoma Txizimu a khene; kha ni mahi tiya ngu mhaka yako, awe nyumba ya ka Israyeli, aniko ngu mhaka ya ditina dangu do sawuleka, adi u ngadi nyenyezisa hagari ka matiko ale u nga ya ka ona.