Isaya 48:10 - Bhiblia Yo Sawuleka

¹⁰ Wona taku ni ku basisile, i si nga ku nga silivhela; ni ku dukile ka mndilo wa sixaniso.

Isaya 48:10 Referans Kwoze

1 Pedro 4:12

Vo randeka ngutu, mi nga dhukisweni ngu mndilo wa kudukwa, wu wu nga dhivelwa hagari kwanu, nga ku to humelela txo mbi txi ziva.

Mavingu 17:3

Nyundo njo xola silivhela, se mndilo mbwo xola nzalama; kambe Mkoma a xola timbilu.

Jobe 23:10

Kambe Txizimu txa ziva nzila yangu; txi na ni dukete, ni na huma kufana ni nzalama.

Masalmo 66:10

Txizimu, u hi dukile; u hi basisile ku nga ti ti mahwako ka silivhela!

1 Pedro 1:7

kufela ku lisima la likholo lanu, i ku tximaha txa lisima kupinda nzalama, yi yi nyivilikiswako ngu mndilo, li mana wudhumo ni kupfaliswa, mbimo yi a nota Jesu Kristu, a txi ta ti wonekisa;

Jeremiya 9:7

Ngu konaho, kuwomba Mkoma wa Mabutho a Tiyimbi, ni na va nyekisa, ni va xola; nguko ni nga mahisa kutxani ngu m'horana wa vathu vangu kani?

Mtuletelo 3:19

Ani na kawuka ni kutsayisa votshe vava ni va randako. Wuseta kukhutala kwako u hunduluka.

Dhewuteronome 4:20

Aniko, Mkoma a mi tekile e mi humisa ditikoni ka Egipta, ka txikho txa tisimbi, kasi ku miva vathu va mi kuthomba yakwe, ku nga ti nyamsi mi ti wonako.

Ezekhiyele 20:38

Ni na thavisa hagari kwanu avale va kutitsimba, ni vale va nga ni wukela; ni na va thavisa ka matiko ale va luvelako ka ona, aniko kha va na mbi tshumelela ka ditiko da ka Israyeli; se mi na tiziva taku ani ngani Mkoma.

1 Vafumeli 8:51

Nguko ngu vona vathu vako ni thomba yako u nga yi humisa ngu ditikoni ka Egipta, hagari ka txikho txa simbi,

Isaya 27:9

Ngu mhaka yeto, txi na thaveka txionho txa Jakobe, se awuwa wu na va m'hando wotshe wa kuva ku di thavisilwe txionho txakwe; mbimo yi a no maha ti to, otshe marigwi a ha txiluveloni, kufana ni marigwi a dibumba, ma nga khundumuselwa, tiphande ni sithombe sa ditambo, kha si na mbi ema

Jeremiya 11:4

a txi ni nga layela vatate vanu ditshikwedo ni nga va humisa ditikoni ka Egipta, aha ka m'dhikila wa nyundo ya txikete, ni txi khani: Engisani dipswi dangu, mi txi maha totshe ti ni mi rumako; sekoko mi na va ditiko dangu, nanani ni na va Txizimu txanu,

Jobe 28:1

Kha ditshuri ku ni misiha, emo yi humako ngu kona silivhela, ni nzalama, i ku wukhalo wu va yi nyekisako kona.