Isaya 48:1 - Bhiblia Yo Sawuleka

¹ Engisani tiya, anu va nyumba ya ka Jakobe, anu mi ti dhanako ngu ditina da Israyeli, mi nga huma ngu ka lihunzu la ka Judha, mi xambanyako ngu ditina da Mkoma, kambe mi dhumisako Txizimu txa ka Israyeli, aniko i si nga ngu ditshuri, hambi ngu kululama.

Isaya 48:1 Referans Kwoze

Jeremiya 4:2

Se u na xambanya, u txi khawe: Mkoma a hanyako, ngu ditshuri, ka kulamula ni ka wululamo; matiko ma na ti katekisa ngu ngene, ni kutikulisa ngu ngene.”

Masalmo 68:26

Dhumisani Txizimu misengeletanoni! Vathu votshe va ka Israyeli va na dhumise Mkoma!

Jeremiya 5:2

Hambiko va ku kha vona: Mkoma a hanyako; vona va xambanya ngu makuhu

Isaya 65:16

Se awule a katekiswako ha mafuni a na katekiswa ngu Txizimu txa ditshuri; ni wule a xambanyako ha mafuni, a na xambanya ngu Txizimu txa ditshuri; Nguko sixaniso sa kale si divatwe, kambe si fenengetilwe masoni kwangu.

Dhewuteronome 6:13

U na thava Mkoma, Txizimu txako, u txi mkhozela, ni kuxambanya ngu ditina dakwe.

Genesisi 32:28

Sekoko ene a to khene: “Khu na mbiswa u txi dhanwa to u Jakobe, aniko u na dhanwa ku u Israyeli, nguko u lwite ni Txizimu ni vathu, kambe u xute.”

Mtuletelo 3:9

Ni na kuningela vokari va disinagoga da Sathani, va ti wombako ku majudha, na i si nga ona, nguko va womba makuhu; ni na maha ti to ve ta ku khizamela minengeni kwako, kasiku ve tiziva ti to na kuranda.

Mtuletelo 2:9

Na kuziva kuxaniseka kwako ni wusiwana wako kambe awe u nyatithombe, ni ziva ni siruko si va ku rukako ngu sona vamwani va ti dhanako ku mba Judha, na i si nga vona, aniko vona i disinagoga da Sathani.

1 Timoti 4:2

Ngu mhaka ya kukanganyiswa ngu vamakuhu, avava livhalo lawe li nga vekwa txibawa ngu simbi yo hiswa:

Varoma 9:8

Ati ti wombako ku hi nga vanana va mtumbuluko ava i ku vanana va Txizimu. Vanana va txithembiso txa Txizimu ngu vona i ku va txona va ditshuri.

Varoma 9:6

Hi nga ti to dipswi da Txizimu di to txhipa. Ahim-him. Nguko hi nga votshe va va humako ngu ka Israyeli i ku Vaisrayeli va ditshuri;

Varoma 2:17

Kambe, ngako awe u dhanwako ku u Mujudha, awe u thembako mlayo, u txi ti kulisa ngu Txizimu,

Johani 4:24

Txizimu i Moya, se vakhozeli va txona va fanela ku txi khozela ngu Moya ni ditshuri.”

Johani 1:47

Jesu a to wona Nathaniyele a txi mu tela, se e womba ngu ngene, a txi khene: “Ndiyo Muisrayeli wa ditshuri, awu kwakwe, ku kuwalo kukanganyisa.”

Matewu 23:13

“Mi na ni dikhombo, anu vabhali ni nanu Vafarisi, vaxengeteli! Nguko ma tsivela vathu kuwulela Mfumoni ka nzumani, kha mi wuleli anu, kambe kha mi tuleli vale va lavako kuwulela.

Malakiya 3:5

Se ni nata hafuhi kwanu, ku ta mi lamula, kambe ni na va fakazi ya livilo yo lwa ni valoyi, ni kuwukela vale va mahako wugango, ni vale va xambanyako ta makuhu, ni vale va kanganyisako mthumi, ve honyola madingano a tinoni, ni vo felwa ngu vaveleki, ni vawuyi, kambe kha va ni thavi, kuwomba Mkoma wa Mabutho a Tiyimbi.

Zefaniya 1:5

ni va va khizamelako dibutho da nzuma va di txitimwi ka tinyumba; ni vale va namako ve xambanya ka Mkoma, ni kuxambanya ngu Malikami;

Isaya 62:8

Mkoma a xambanyile ngu dianza dakwe da txinene, ni diwoko dakwe da mtamo, a txi khene: Kha ni na mbiswa kambe ni ningela fulaho yako ka valala vako, hambi va mamwani matiko kha va na mbi sela vhinya yako, yile u nga ti thumela.

Isaya 58:2

Hambi keto, masiku otshe va ni lava, va tsakela kuziva tinzila tangu; va txi nga vathu vo maha to lulama, va va si lekiko mlayo wa Txizimu txawe, va ni wotisa nzila ya kululama, va tsakela kuhoka hafuhi ka Txizimu.

Isaya 45:23

Ni xambanya ngu ngani nipune; di humile ngu txisofuni kwangu dipswi do lulama, kambe kha di na mbi tshumelela msana: Ati to masoni kwangu, ma na khizama otshe mazolo, se totshe tidimi ti na xambanya ngu ngani.

Isaya 44:5

Awuwa a na khene: Ani ni wa Mkoma; awule a na ti dhana ngu ditina da Jakobe; se awule mmwani a na bhala ngu dianza, taku: Ani ni wa Mkoma; se txibongo txakwe, a na teka ditina da Israyeli.

Isaya 26:13

Awe Mkoma, Txizimu txathu, vamwani vanyamne va tolovela ku hi fumela, aniko athu hi alakanya ditina dako dwe.

Mavingu 5:16

Ma ndi na thekelela hahanze mati a sisima sako, ni tinzilani sinambwana sako sa mati kani?

Masalmo 66:3

Wombani mi txi khanu ka Txizimu: “Mithumo yako ya diwukisa, Txizimu! Mtamo wako mbwa hombe ngutu aha koza valala vako ve nama ve dhudhumela masoni kwako.

Masalmo 63:11

Aniko mfumeli a na tsaka ngu ka Txizimu; va na embelela sidhumiso ava va xambanyako ngu txona, aniko vawombi va makuhu va na malatwa.

2 Vafumeli 17:34

Kala ka ditshiku da nyamsi, va maha sona sihena sile sa kukhata; kha va thavi Mkoma, kambe kha va londisi sileleto sakwe ni silayelo sakwe, hambi milayo, ni sirumo sile Mkoma a nga ruma vanana va Jakobe, awule a nga mninga ditina da Israyeli.

Dhewuteronome 33:28

Israyeli a akile kuxayisekani, txisima txa Jakobe txi zumbisekile, ka mafu a kupfuna fulaho ni vhinya, hahatshi ka nzuma, ayi yi wisako mwando.

Dhewuteronome 10:20

Thava Mkoma, Txizimu txako, u txi mkhozela ene ekha, kambe namarela kwakwe u txi xambanya ngu ditina dakwe.

Dhewuteronome 5:28

Mkoma a engisile mapswi anu, aawa mi nga womba-womba ni nani, e ni gela a txi khene: “Ni engisile mapswi ale vathu vava va nga kugela, totshe ti va nga ti womba ndinene ngutu.

Mitengo 24:7

Mati ma na khulunga ngu mabhaketi akwe, mbewu yakwe yi na nakaniswa ngu mati amangi. Mfumeli wakwe a na va wa hombe kupinda Agage. Mfumo wakwe wu na va ni mtamo.

Levhi 19:12

Mi nga xambanyeni makuhu ngu ditina dangu, nguko mi nga nyenyezisa ditina da Txizimu txanu. Ani ngani Mkoma!

Eksodha 23:13

Londetani ngu kukhatala totshe timhaka ti ni mi gelako, kambe mi nga thukeni mi khumbuka ditina da simwani sizimu, kha kulaveki di txi pfala sisofuni kwanu.”

Genesisi 35:10

Se Txizimu txi to kha txona kwakwe: “Ditina dako u Jakobe; khu na mbiswa u txi dhanwa kambe ngu ditina da Jakobe: Aniko ditina dako u na dhanwa ku u Israyeli.” Txizimu txi to mraya ditina daku i Israyeli.

Isaya 46:12

Ni engiseni anu vo banga timbilu, anu mi ku kule ni wululamo.

Isaya 64:6

Kambe athu hotshethu hi fana ni m'thu wa kwa mbi basa, kotshe kululama kwathu kufana ni txigwanda txa nzambwa; se athu hotshethu ha mora kufana ni mazokoro, ni minandu yathu ya hi handa kufana ni moya.

Jeremiya 44:26

Ngu toneto, engisani dipswi da Mkoma, motshenu va ka Judha mi zumbako Egipta: Na xambanya ngu ditina dangu da hombe, kuwomba Mkoma, ati to kha di na mbi ngadi di txi khumbukwa kambe ditina dangu ngu txisofu txa m'thu wa ka Judha ditikoni kotshe ka Egipta, a txi khene: Mkoma Txizimu a hanyako!

Zakariya 5:3

Sekoko ngelozi yi to ni gela ku kha yona: Atxiya njiruko txi txi no huma txitimwi ka otshe mafu; nguko ni wihi a no pa, a na tutumiswa ditikoni, madingano ni txiruko txa didhawa dimwedo; se ni wihi wule a no xambanya makuhu a na thaviswa ha ditikoni, madingano ni txiruko txa dimwani didhawa.

2 Vafumeli 5:20

Sekoko Gehazi, dijaha da Elixa, m'thu wa Txizimu, a to khene: Hi nga wonani, nyamne wangu a tsimbile musiriya wule Nahanani, ku mninga ngu dianza dakwe, sa sidotho ka sile a ngadi naso. Ni xambanya ngu Mkoma wo hanya a tito, ni na tutuma ngu msana kwakwe ni ya teka txokari.

Masalmo 68:27

Wonani! Masoni kuthangela Bhenjamini, wa lihunzu la lidotho; ngu msana, tinduna ta Judha kumweko ni vathu vawe, va londetelwako ngu tinduna ta Zebhuloni ni ta Naftali.

Isaya 51:1

Ni engiseni anu mi londetako wululamo, anu mi lavako Mkoma; wonani ka dirigwi di mi nga huma ka dona, ni ka phako ya txisima txi mi nga humiswa ka txona.

Isaya 51:2

Wonani ka Abrahama tate wanu, ni ka Sara awu a nga mi veleka; nguko ni m'dhani a di ekha, kambe ni mkatekisile, ni tshumela ni muandisa.

Mika 2:7

O, anu mi dhanwako ku nyumba ya Jakobe, ina wu khala ku hungulwa Moya wa Mkoma kani? Ngu yona yiya mithumo yakwe kani? Ina mapswi angu hi nga manene ka wule a tsimbilako ngu kululama kani?