Isaya 47:7 - Bhiblia Yo Sawuleka

⁷ Se u ti ti khawe: “Ni na va mfumeli wa txisikati yotshe mbimo”; kala kuwa khwa veka timhaka tiya mbiluni kwako, hambi kualakanya magwito a tona.

Isaya 47:7 Referans Kwoze

Dhewuteronome 32:29

Idiku va txharihile, nga va txi ti pfisisa, nga va txi ziva kupimisa ta mangwana ni ta magwito awe!

Isaya 47:5

Awe mwanana wa muhorana wa Vakaldheya, wulela txidemani, u khalahatsha u txi dwe, nguko khu na mbiswa u dhanwa taku, u mfumeli wa txisikati wa mifumo.

Jeremiya 5:31

Vaprofeti va profeta makuhu, hambi vaphaxeli va fumela va txi laywa ngu vona; ngu toneto vathu vangu va ti lavako. Aniko mi na maha txani magwito ka kona kani?

Dhaniyeli 4:29

Kugumani ka digumi da mtxima ni yimbidi, Nebhukodhonosori a to tsimbila-tsimbila txitimwi ka nyumba ya wukoma ya Bhabhilona,

Ezekhiyele 29:3

Womba u txi khawe: Mkoma a khene: Wona taku na kuwukela awe Faro, mfumeli wa Egipta, mwamilambo wa hombe, u khandamako hagari ka minambo yako, kambe u khawe: Mnambo wangu mbwangu, ngani ni nga ti mahela wona.

Ezekhiyele 28:2

Awe mwanana wa m'thu, gela mthangeli wa Tiro ku khawe: Mkoma Txizimu a khene: Nguko mbilu yako yi ti guletile u txi khawe: Ani ni Txizimu, ni khalahatshile ha txituluni ka Txizimu, hagari ka tinene (na u di m'thu, khu nga Txizimu), kambe u themba mbilu yako ku nga yova mbilu ya Txizimu;

Isaya 42:25

Ngu mhaka yeto, a tshakunutile kuhenya kwakwe txitimwi kwawe, ni mtamo wa yimbi. Se a va vekete m'dhikila madhawani, kambe kha va tipfisisa txilo keto; a va hisile aniko kha va veka mbilu yawe keto.

Mtuletelo 18:7

“Madingano ni ku ti dhumisa kwakwe ni kutikulisa kwakwe, m'tshumeteleni ngu sixaniso ni makhombo nguko mbiluni kwakwe a ti ti khene:” “Ni khalahatshile nga khosikazi, kha ni nga noni, txima kha ni na mbi va ni txidilo.”

Isaya 57:1

Wa lova mlulami, se kha ku nga ni wu a alakanyo eto mbiluni kwakwe; Vathu vo thembeka va thaviswa, na ku si nga ni wo ziva ti to mlulami, a tekwa a sanzi kuonha.

Isaya 57:11

Se u thava mani mwendo kudhudhumela, aha koza u hemba u si ni alakanyi, mwendo ku ni veka mbiluni kwako kani? Ina hi nga mhaka ya kule ni nga malala kukhukhela kale, se u si ni thavi kani?

Sidilo 1:9

Nzambwa yakwe yi mu ka syambalo sakwe; kha za a di alakanyile ngu magwito akwe; ngu toneto, kuwa kwakwe kuvite ka hombe ngutu. A pwata ni mmalateli: “Wawo, Mkoma, kuxaniseka kwangu! Nguko mlala wa ti guleta!”

Ezekhiyele 7:2

Se awe mwanana wa m'thu, ka ditiko da ka Israyeli, Mkoma a khene: Mata magwito, magwito mata ka mune wa madhawa a ditiko.

Dhaniyeli 4:4

“Ani, Nebhukodhonosori ni ti zumbisekile amu nyumbani kwangu, ni tsaka nyumbani kwangu ka wukoma.”

Eksodha 7:23

Faro a to tshumela a txi ya nyumbani kwakwe; hambi ka toneto, kha khatala mu mbiluni kwakwe.