Isaya 47:4 - Bhiblia Yo Sawuleka

⁴ Ditina da Mtiruli wathu, Mkoma wa Mabutho a Tiyimbi, Msawuleki wa ka Israyeli.

Isaya 47:4 Referans Kwoze

Isaya 44:6

Mkoma, Mfumeli wa Israyeli, i ku Mtiruli wakwe, Mkoma wa Mabutho a Tiyimbi, a khene: Ani ngani wo khata, kambe ngani wo gwita, hahanze kwangu, kha ku nga ni Txizimu.

Isaya 49:26

Se vaxanisi vako ni na va dyisa nyama yawe vapune, va na leviswa ngu mnoha wawe vapune, ku nga vhinya, se nyama yotshe yi na tiziva tito, ani ngani Mkoma, Muhanyisi wako, mtiruli wako, Nyamitamo wa Jakobe.

Isaya 43:14

Mkoma, Mtiruli wako, i ku Msawuleki wa Israyeli, a womba tiya: Ngu mhaka ya ku mi randa, ni rumete valala Bhabhilona, se votshe ni na va maha ve relela kota vo tutuma, ni womba Vakaldheya, ka sitimela si va nga txi ti dhumisa ngu sona.

Isaya 41:14

U nga thave, awe txipungwana txa Jakobe, sivathwana sa ka Israyeli; ani na kuvhuna, kuwomba Mkoma, kambe Mtiruli wako Msawuleki wa Israyeli.

Jeremiya 31:11

Nguko Mkoma a txhatxhisile Jakobe, a txi mtirula ka dianza di ku ni mtamo kupinda ene.

Isaya 54:5

Nguko M'vangi wako i mwamna wako; ditina dakwe Mkoma wa Mabutho a Tiyimbi; se Msawuleki wa Israyeli, ngene mtiruli wako; ene a na dhanwa ku Txizimu txa otshe mafu.

Isaya 43:3

Nguko ani ngani Mkoma Txizimu txako, Msawuleki wa Israyeli, Mtxhatxhisi wako; ni ningete Egipta kuva mtxhatxhisi wako, ni Etiyopiya, ni Sebha, ka wukhalo wako.

Masalmo 19:14

Mapswi a txisofu txangu, ni mipimiso ya mbilu yangu ma na amukeleke masoni kwako Mkoma, awe dirigwi dangu ni mtxhatxhisi wangu.

Amosi 4:13

Nguko ngu txona txi bumbaretelako mimango, ni kuvanga moya, txi zivisa m'thu taku ngu ahi maalakanyo a txona, txi mahako ti to mixo yi ve txidema, txi kanda txitimwi ka mafu; Mkoma, Txizimu txa Mabutho a Tiyimbi, ngu dona ditina dakwe.

Isaya 43:15

Ani ngani Mkoma, Msawuleki wanu, Muvangi wa Israyeli, Mfumeli wanu.

Isaya 51:15

Nguko ani ngani Mkoma Txizimu txako, txi txi bhandako linene, ni kudhindisa mavimbi a lona. Mkoma wa Mabutho a Tiyimbi, ngu dona ditina dangu.