Isaya 47:14 - Bhiblia Yo Sawuleka

¹⁴ Wona taku va na fana ni mthungu, mndilo wu na hisa; kha va na mbi sikota kuhulukisa wutomi wawe ka mtamo wa m'dhikila; kha na mbi va dikala da mndilo kasi ku ti futumeta, mwendo mndilo woza e khalahatsha hafuhi ka wona.

Isaya 47:14 Referans Kwoze

Malakiya 4:1

Nguko wonani taku ditshiku dile, dita di txi tura nga m'dhikila; votshe va va ti kulisako ni votshe va va mahako wubihi, va na nga mwasi, se ditshiku di di nota di na va tshokomisa, kuwomba Mkoma wa Mabutho a Tiyimbi, taku kha di na mbi va siyela mkoloti, mwendo didhavi.

Nahume 1:10

Nguko, hambi i di ku vo tshunganela ku nga mipa, va txi kolwa ngu vhinya ku nga madevi, va na hetwa votshe kufana ni mwasi wa kuoma.

Matewu 10:28

“Mi nga thaveni ava va dayako mmidi, va si sikotiko kudaya moya. Aniko thavani Txizimu txi ku ni mtamo wa kulovisa mmidi ni moya Gehena.

Ezekhiyele 15:7

Se ni na va ronokela; vona va na huma ngu mndiloni, aniko mndilo wu na va tshokomisa; va na tiziva taku ani ngani Mkoma, aha ni no va ni di va ronokete.

Isaya 41:2

I mani a nga wusa mlulami ngu Wutxani, e m'dhana eta hafuhi kwakwe kani? I mani a nga ningela matiko masoni kwakwe, ni ku mmaha e khozisa vafumeli kani? A va ningete ka ditxhari dakwe, va txi nga lithulu, va txi nga lingove lo pengiswa ngu moya, ka wulaho wa lona.

Isaya 10:17

Nguko Liwoningo la Israyeli li na maha mndilo, se Msawuleki wa kona a na nga dikala da mndilo, di na tura di hisa mipa ni txitinga ngu ditshiku dimwedo.

Mtuletelo 18:21

Konako ngelozi ya mtamo yi to gula dirigwi do nga txiwindi txa hombe txa txigayo, yi di rinza lineneni, yi txi kha yona: “Ngu mtamo wo fana ni wona wuwa, Bhabhilona, Didhoropa da Hombe, a na rinzwa lineneni, se kha na mbi swa e manwa.

Matewu 16:26

Kha ditshuri, ti siza txani m'thu kumana dotshe ditiko, na ngu msana a txi mwalalelwa ngu wutomi wakwe kani? Mwendo nji txani m'thu a no sikota kutekisa ngu txona wutomi wakwe?

Obhadhiya 1:18

Se nyumba ya Jakobe yi na va mndilo, nyumba ya Josefa yi na maha dituro, ni nyumba ya Esawu yi na maha mwasi, se va na va hisa, va txihya ve guma; ni wammweyo kha na mbi sala ka nyumba ya ka Esawu, nguko Mkoma a ti wombile.

Joyeli 2:5

Ku nga diguwa da sikotxikani titshokani ka mimango, va na ndaka-ndaka; nga diguwa da kutura ka mndilo, wu wu txhokomisako txihya va fana ni vathu va mtamo ngutu, va nga lulamiselwa kuya kulwani.

Jeremiya 51:58

Mkoma wa Mabutho a Tiyimbi a khene: Maguma o anama a Bhabhilona, kha ditshuri ma na wiswa, ni matimba akwe o tshura ma na hiswa ngu mndilo, ma txi karala.

Jeremiya 51:32

Mabeloni ka minambo ku tekilwe, ni titshava ti hisilwe ngu mndilo; vavamna va yimbi va randetwe ngu kuthava.

Jeremiya 51:30

Avale va ku ni mitamo amu Bhabhilona va lekile kulwa, va mule ko wonelela, yi gumile mitamo yawe, va txi nga mbavasikati: Ti hisilwe tinyumba mitini kwawe, kufunyilwe sikhweketo.

Isaya 40:24

Se kha va phawi, hambi kuxwaywa, hambi kuzima mikoloti mafuni, ya txitsha txi txi nga sala; wa futeta txitimwi kwawe, se va txi oma; se moya wu na va purumisa kufana ni mthungu.

Isaya 30:14

Se a na txi faya, nga ti txi fayiswako tona txiya txa muwumbi, a txi txi faya, kha na mbi txi tsetsa; kha ku na mbi maneka ni txirengele tximwetxo, txo hala ngu txona mndilo ha txikho, mwendo kureka ngu txona mati txisimani.

Isaya 5:24

Ngu toneto, va na loviswa, kufana ni titshava ti txi hiswa ngu mndilo, va na fana ni kuhiswa ka mwasi wa kuoma, se mkoloti wawe wu na sina, ni siluva sa kona si na puruma ku nga lithulu; Nguko va lekile Mlayo wa Mkoma wa Mabutho a Tiyimbi, ve eyisa dipswi da Msawuleki wa Israyeli.

Isaya 33:14

Vaonhi va Siyoni, va na thava, kudhudhumela kukhakhetile vakanganyisi. I mani hagari kwathu a no zumba ni mndilo wu wu tshokomisako kani? I mani hagari kwathu a no zumba ni midhikila ya kwa mbi gwita kani?

Isaya 44:16

A hisa hafu ya phande, se ngu yimwani hafu edya nyama, o yi yoka, edya e khura; kambe wa ti futumeta, a txi khene: “Se na pfa kufutumela, nguko ni ni mndilo!”

Eksodha 5:12

Sekoko vathu va to hangalaka ka dotshe ditiko da Egipta, kasiku ve sengeletela matshina ya ma nga ti ti sala ku di funyetwe.