Isaya 46:3 - Bhiblia Yo Sawuleka

³ Ni engiseni anu va nyumba ya Jakobe, ni motshenu mi nga sala va nyumba ya ka Israyeli; anu ni nga mi khutarela ngu mawoko kukhukhela mndani, ni mi beleka kukhukhela mndani ka mame.

Isaya 46:3 Referans Kwoze

Dhewuteronome 1:31

Hambi ni txiwulani, mi ti woni ti to Mkoma, Txizimu txako, a mi belekile, nga ti m'thu a belekisako tona mwanana wakwe, ka yotshe nzila yi mi nga tsimbila ngu yona, kala mi hoka ka wuwa wukhalo.”

Isaya 51:7

Ni engiseni anu mi zivako wululamo, anu vathunu mlayo wangu wu ku timbiluni kwanu; mi nga thaveni kutseketselwa ngu vathu, hambi kukarateka ngu siruko sawe.

Masalmo 71:6

Awe u m'vhuneteli wangu, kukhukhela mndani ka mame wangu; kukhukhela kuvelekwani kwangu ngawe u ni xayisako! Ni na kudhumisa yotshe mbimo!

Isaya 51:1

Ni engiseni anu mi londetako wululamo, anu mi lavako Mkoma; wonani ka dirigwi di mi nga huma ka dona, ni ka phako ya txisima txi mi nga humiswa ka txona.

Isaya 48:1

Engisani tiya, anu va nyumba ya ka Jakobe, anu mi ti dhanako ngu ditina da Israyeli, mi nga huma ngu ka lihunzu la ka Judha, mi xambanyako ngu ditina da Mkoma, kambe mi dhumisako Txizimu txa ka Israyeli, aniko i si nga ngu ditshuri, hambi ngu kululama.

Isaya 10:22

Nguko hambi ku vathu vako, awe Israyeli, va fanako ni mtxhefa wa lineneni, miboti yokha ngu yona yi no hulukiswa; kulovisa kutsanisilwe, ka thekelela ngu kululama.

Isaya 1:9

I ti ku Mkoma wa Mabutho a Tiyimbi a sa hi siyela miboti, hi ndi na nga Sodhoma, di fana ni Gomora.

Eksodha 19:4

“Mi ti woni ati ni nga ti maha ka Vaegipta ni ti ni nga mi gulisa tona ngu txitimwi ka mabhapi a ngungwa, ni txi mi tisa kala kona hawa kwangu.

Isaya 46:12

Ni engiseni anu vo banga timbilu, anu mi ku kule ni wululamo.

Isaya 44:21

Alakanya timhaka eto, awe Jakobe, ni nawe Israyeli, ngako u ku txithumi txangu; ani ni ku vangile, awe Israyeli u txithumi txangu; kha ni na mbi kudivala.

Isaya 37:4

Ina Mkoma, Txizimu txako, a ngava a di ma pfite mapswi a Rabhisake, wule a nga rumwa ngu nyamne wakwe, i ku mfumeli wa Asiriya, ku ta sola Txizimu txa kuhanya, ni ku ta txhipisa ngu mapswi awa Mkoma, Txizimu txako, a nga ma engisa; khongelela sotshe sile si nga sala.”

Isaya 11:11

Nguko ti na maheka tito, ka ditshiku donedo, a na nawuluta kambe dianza dakwe e teka miboti ya vathu vakwe vale va nga sala Asiriya, ni Egipta, ni Patro, ni Etiyopiya, ni Elame, ni Sinari, ni Hamati, ni sitondoloni ka linene.

Isaya 63:9

Ka kotshe kuxaniseka kwawe, ngene a nga xaniswa, se Ngelozi yile yi ku masoni kwakwe yi to va huanyisa; ngu lirando lakwe ni wumbilu wakwe, a to va tirula, se e va teka ni ku va tsimbitisa ka otshe masiku a kaleko.

Masalmo 28:9

Mkoma, hulukisa ngamu yako, u txi katekisa vathu va va kulumbako; va xayise nga m'dyisi, u txi va vekisa kala kupinduka.

Isaya 4:3

Se wule a no sala Siyoni ni wule a no zumba Jerusalema, va na dhanwa ku “vasawuleki”: Votshe vale va nova va di bhatwe hagari ka vahanyi va Jerusalema.

Isaya 10:20

Ka ditshiku donedo, ku na maheka taku, miboti ya ka Israyeli, ni vale va nga huluka va nyumba ya ka Jakobe, kha va na mbi ngadi ve themba wule a nga va peka; va na themba Mkoma, Msawuleki wa Israyeli, ngu ditshuri.

Isaya 10:21

Miboti yi na hunduluka, ina, miboti ya ka Jakobe yi na tshumelela ka Txizimu txa mtamo.