Isaya 46:2 - Bhiblia Yo Sawuleka

² Si namile kumweko, si txiwa; kha sa sikota ku tihulukisa ka mrwalo, aniko moya wa sona wu wulete wukhumbini.

Isaya 46:2 Referans Kwoze

Jeremiya 48:7

Nguko, ngu mhaka ya ku u thembako mithumo yako ni tithomba tako, na nawe u na xulwa; Kemoxe a na yiswa wukhumbini, kumweko ni vaphaxeli ni vathangeli.

2 Samuwele 5:21

Se va to siya sithombe sawe so vatwa koneho; kambe Dhavhidha ni vathu vakwe va to si teka.

Valamuli 18:24

Sekoko ene a to kha ene: “Mi ni tekete sizimu sangu, asi ni nga ti khandela mi tsula naso, kumweko ni mphaxeli; nji txani txi nga ni salela kambe konkuwa kani? Mi ni wotisisa kutxani taku: Njitani u ku natxo kani?”

Isaya 45:20

Sengeletanani, mi txita, tshuketani kumweko, anu mi nga huluka ka matiko; kha va zivi ta txilo ava va rwalako sithombe so vatwa, so mahwa ngu mapulango, kambe va khozelako ka txizimu txaku kha txi sikoti kuhanyisa.

Isaya 44:17

Sekoko, ngu tikhuni tile ti salako, a khanda ngu tona txizimu, txithombe txo vatwa, e khizama masoni ka txona, e nama, e maha mkombelo wakwe ka txona, a txi khene: Ni hulukise, nguko awe u txizimu txangu.

Isaya 37:19

Kambe va rinzile ha mndiloni sizimu sa ona; nguko i si nga sizimu, aniko i ti mithumo ya manza a vathu, yo mahwa ngu mapulango ni marigwi; ngu mhaka yeto, va si khundumusete.

Isaya 37:12

Ina ma nga va ma di txhatxhisilwe ngu sizimu sa matiko ale va nga ma fuvisa vatate vangu, i ku awa: Gozani, Harani, Razefe, ni vanana va ka Edheni, va nga txi zumba Telasari kani?

1 Samuwele 5:3

Kambe magwanani ka kona, va ka Asidhodhe va to wuka ni mabimbi-kutxa, ve wona Dhagoni a di wite hahatshi ngu khohe, masoni ka dibhokiso da Mkoma; se va to teka Dhagoni ve mtshumeta ka wukhalo kwakwe.

Isaya 30:6

Mahungu a sihari sa Wulambwe. Ka ditiko da txixaniso ni xomulo (kutako ngu ka dona mnyoka, ni mwamilambo wo tura, a purumako), va na sanzeka tithomba tawe aha ka simbongolana, ni txitimwi ka malunda a makamelu, tithomba tawe, ka vathu va va na kwa mbi bhindula txilo kwawe.

Jeremiya 51:47

Ngu toneto, ma nata masiku ale ni nota tsayisa sifananiso sa Bhabhilona, ni dotshe ditiko dakwe di na thelwa tingana, ni votshe vathu va no dawa va na wela hagari kwakwe.

Dhaniyeli 11:8

Se sizimu sawe, ni sithombe sawe sasingi, ni siya sawe sa lisima, sa silivhela ni sa nzalama, a na si teka e si yisa Egipta; se ngu malembe okari, ene kha na mbi tsana kuwukela mfumeli wa Wuphemba.

Nahume 1:14

Mkoma a vekile mlayo wa ku kuwukela, waku ku si maneki ni wammweyo wo dhanwa ngu ditina dako; kukhukhela nyumbani ka txizimu txako, ni na fuvisa sithombe so vatwa ni sa kunyekiswa; koneho ni na maha kona dithitha dako, nguko u txhipile.