Isaya 46:10 - Bhiblia Yo Sawuleka

¹⁰ ni zivisa magwito kukhukhela makhatoni, ni kukhukhela kale ngutu atile ti sanziko kumaheka; ni ku khani: “Makungo angu ma na tsana, se ni na maha kotshe kuranda kwangu”;

Isaya 46:10 Referans Kwoze

Mavingu 19:21

Mbiluni ka m'thu ku ni timhaka tatingi, aniko txileleto txa Mkoma txi na zumba yotshe mbimo.

Masalmo 33:11

Aniko makungo a Mkoma ma zumba mbimo yotshe; mipimiso ya mbilu yakwe ya simama ka liveleko ni liveleko.

Isaya 43:13

Na ku si se vaho ditshiku, ani ngani; kambe kha ngaho wu a sikotako kuhuluka manzani kwangu; Ngako ni txi thuma, i mani a no ni tsimba kani?

Isaya 45:21

Zivisanani mi tshuketa, mi maha txikungo motshenu; i mani a nga zivisa tiya kukhukhela kale kani? I mani kukhukhela kaleko a nga zivisa kani? Ina hingani Mkoma kani? Se kha ku na tximwani Txizimu hahanze kwangu; Txizimu txo lulama, ni M'uhanyisi, kha txingaho, hahanze kwangu.

Mavingu 21:30

Kha ku nga ni wutxhari, hambi kupfisisa, ni sileleto, kasi kuwukela Mkoma.

Masalmo 135:6

Totshe ti Mkoma a ti lavako ene wa ti maha, ha mafuni ni nzumani, lineneni ni ka otshe makhalo a kueta.

Mithumo 5:39

aniko, ngako si txi ta ngu ka Txizimu, kha mi na kusikota ku si fuvisa. Ti woneleni mi si thuki mi manwa mi txi lwa ni Txizimu.” Se vona va to mu engisa.

Isaya 44:7

Se i mani a no dhana kufana ni nani, e zivisa eto, e ti txhatxhameta masoni kwangu, kukhukhela ku ni nga txhatxhameta vathu ngu ha ku si gwitiko kani? Awu a zivisako asi si tako, ni si si ku ngadi si txi nata.

Isaya 46:11

Ni dhanako makoti kukhukhela Wutxani, ni m'thu wule a no maha kuranda kwangu, a nata ngu ditikoni ka kule; nguko ni wombile, kambe ti na mahisa toneto; ani ni tsanisile, ni na ti maha.

Vahebheru 6:17

Se, ngu kulava kukombisa ta tinene ka vadyi va thomba, ti to txithembiso txa Txizimu kha txi na mbi tshumelela msana, txona Txizimu txi to tsanisa txithembiso ngu kuxambanya.

Dhaniyeli 4:35

Se votshe vaaki va ha mafuni hi nga va txilo masoni kwakwe, se madingano ni kuranda kwakwe, ene a thuma ni dibutho da nzumani ni vaaki va ha mafuni. Kha ngaho wu a nga tsivelako dianza dakwe, hambi ku wotisa taku: U maha txani kani?

Genesisi 49:10

Ndonga kha yi na mbi khukha ka Judha, hambi mlayeli mikondoni kwakwe, kala kuza ku txi ta Silo; awule vathu va no sengeletana kwakwe.

Mithumo 15:18

Awu a nga zivisa simaha siya kukhukhela ka timbimo ta kale.’ ”

Genesisi 3:15

Se ni na veka livengo hagari kwako ni wamsikati, hagari ka liveleko lako ni liveleko lakwe; aliya li no ku ganyata msungo, se awe u txi li luma txizenende.”

Mithumo 3:23

se wuhi ni wuhi a no mbi engisa mprofetiyo, a na thaviswa ha ditikoni.’

Isaya 14:24

Mkoma wa Mabutho a Tiyimbi a xambanyile, a txi khene: Ati ni nga ti pimisa ti na mahisa toneto; se ati ni nga womba ti na mahekisa toneto.

Isaya 25:1

Awe Mkoma, ngawe Txizimu txangu; ni na kuguleta, ni dhumisa ditina dako, nguko u mahile sixamaliso, makungo ako a kale nga ditshuri, ni kutsana.

Isaya 40:8

Mwasi wa oma, se siluva sa mora, aniko dipswi da Txizimu txathu da zumba kala kupinduka.

Isaya 41:4

I mani a nga thuma e maha timhaka tiya, e dhana matiko kukhukhela kukhatani kani? Ani Mkoma, wo khata ni kugwita, ani nipune.

Isaya 48:3

Ni zivisile kukhukhela kale timhaka to khata; ina, txisofu txangu txi ti wombile, se ani ni ti mahile ti pfala; ngu kukuluveta ni ti mahile, kambe ti pindile.

Isaya 48:14

Sengeletanani anu motshenu, mi engisa: I mani hagari kwawe a khalako kuzivisa timhaka tiya, kani? Mkoma a mrandile, a na maha kuranda kwakwe txitimwi ka Bhabhilona, ni diwoko dakwe di na wukela Vakaldheya.

Isaya 53:10

Hambi keto, Mkoma a tsakete ku mxanisa, e mpfisa kupanda, ngako muhefemulo wakwe wu txi maha mhamba yo thavisa sionho, a na wona vatukulu vakwe, a na andisa masiku, se litsako la linene la Mkoma, li na kula manzani kwakwe.

Isaya 55:11

di na mahisa toneto dipswi di di no huma ngu txisofuni kwangu; dona di na tshumelela kwangu i ti diphanga, di na maha kudhunda kwangu, ni kuhetisa tile ni ngadi rumela tona.

Jeremiya 44:28

Se avale va no huluka ditxhari va na khukha ngu ditikoni ka Egipta va txiya ditikoni ka Judha, na i ti vadotho ngu mtengo; se yotshe misalela ya ka Judha yile yi nga wulela ditikoni ka Egipta, kuya luvela kona, yi na tiziva taku ngu kuhi kuwomba ku nga tatiseka, ngwangu mwendo ngwawe.

Hoseya 5:9

Efrayime a na xaselwa ngu ditshiku da kutsayiswa; Hagari ka tihunzu ta ka Israyeli, ni kombisile a ti ti nga lulama.

Jobe 23:13

Se ngako Txizimu txi txi wukela wokari, sekoko i mania waku a nga txi jikisa kani? Ati ti lawako ngu moya wa txona, txi na maha toneto.

Isaya 10:12

Ngu kumaha keto, mbimo yile Mkoma a no heta wotshe mthumo wakwe mmangoni ka Siyoni, kona Jerusalema, sekoko ni na tsayisa mihando ya mfumeli wa Asiriya, ngu mhaka ya kutikulisa ka mbilu yakwe, ni kutiguleta masoni kwakwe.

Isaya 41:21

Txhamuselani mhaka yanu, kuwomba Mkoma; tisani wufakazi wanu wo tsana, kuwomba Mfumeli wa Jakobe.

Ezekhiyele 39:8

Wona taku, tata, kambe ti na maheka, kuwomba Mkoma Txizimu: Adiya ngu dona ditshiku ni khalako ku di womba.