Isaya 45:1 - Bhiblia Yo Sawuleka

¹ Mkoma a wombi tiya ka mtotiwa wakwe Siro, awule ni mñolako ngu dianza dakwe da txinene, kasi ku ni xula matiko masoni kwakwe; ni na thukunyula siwunu sa vafumeli, kasi kutula matimba masoni kwawe, kambe matimba kha ma na mbi sekwa.

Isaya 45:1 Referans Kwoze

Isaya 44:28

ni wombako ngu Siro, ni txi khani: M'dyisi wangu, a na maha totshe ti ti ni tsakisako; a txi khene kambe ka Jerusalema: U na aketwa; se ni ka dithepele a txi khene: Ti akete.

Isaya 42:6

Ani Mkoma ni ku dhani ngu kululama, kambe ni na kuñola ngu dianza, ni na kuxayisa; ni na kuningela uva txitumelelano txa vathu, ni kuva liwoningo ka vamatiko;

Masalmo 73:23

Hambi keto ni ni nawe yotshe mbimo; awe wa ni setela ngu diwoko.

Isaya 41:13

Nguko ani, Mkoma, Txizimu txako, ni kuñola ngu dianza dako da txinene, ni txi khani kwako: U nga thave, ani na kuvhuna.

Jeremiya 51:11

Guvani tingove tanu, longiselani ngu ditshuri sitxhangu sanu; Mkoma a wusile moya wa vamidhiyani; nguko a lwela kuhasamula Bhabhilona; ina, nguko akuwa ngu kona kupharela ka Mkoma, ngu pharela ka mbimo ya kona.

Jeremiya 50:35

Di nata ditxhari txitimwi ka Vakaldheya, kuwomba Mkoma, ni txitimwi ka Bhabhilona, ni txitimwi ka vathangeli vawe, ni txitimwi ka titxhari tawe.

Isaya 45:5

Ani ngani Mkoma, se kha ku na mmwani; hahanze kwangu, kha ku na txizimu; ani ni na kutsanisa, hambiko u si ni ziviko.

Ezra 1:1

Ka dilembe do khata da Siro, mfumeli wa Persiya (kuva di txi na tatiseka dipswi da Mkoma ngu txisofu txa Jeremiya), Mkoma a to wusa moya wa Siro, mfumeli wa Persiya, a nga kwangula ka dotshe ditiko dakwe, kumweko ni kubhala, a txi khene:

Nahume 2:6

Matimba a minambo ma na tuleka, se nyumba ya wukoma yi na khundumukela.

Dhaniyeli 7:5

Ni to simama ni wonetela, ni wona txihari txa wumbidi txo fana ni txingwingwi, txi di emile ngu didhawa dimwedo, txi di lumile timbavhu tiraru; se txi to gelwa tiya: Khukha u kakatxulela nyama yayingi.

Isaya 13:3

Ni leletete va sawuleki vangu, ina, se ni dhani tindena tangu, ati ti tsakelako wuhombe wangu, kasi ku ti txi maha mthumo wa kuhenya kwangu.

Jobe 12:21

Txa theketa kutxhipa txitimwi ka vathangeli, txo dheseta siwunu sa va mtamo.

Dhaniyeli 5:6

Sekoko khohe ya mfumeli yi to kwalala ngu kuthava, ni mapimo akwe ma to vhinganyeka; tinyonga takwe ti txi hololo, ni mazolo akwe me gumulana.

Jeremiya 27:6

Sekoko ni ningete otshe matiko awa, manzani ka txithumi txangu Nebhukodhonosori, mfumeli wa Bhabhilona; na mninga ni sihari sa txitinga kuva si txi mthumela.

Isaya 41:2

I mani a nga wusa mlulami ngu Wutxani, e m'dhana eta hafuhi kwakwe kani? I mani a nga ningela matiko masoni kwakwe, ni ku mmaha e khozisa vafumeli kani? A va ningete ka ditxhari dakwe, va txi nga lithulu, va txi nga lingove lo pengiswa ngu moya, ka wulaho wa lona.

1 Vafumeli 19:15

Se Mkoma a to khene ka Elija: Tsula, tshumela ngu nzila yako u ya txiwulani ka Dhamasku, u txi ya tota Hazayeli kuva mfumeli wa Siriya.

Dhaniyeli 8:3

Se ni to gula maso angu ni wona, se ni wona hamba yile yi nga ti ni titxheho timbidi, yi nga ti ti masoni ka mnambo; se titxheho tile ta timbidi ti ti laphile, kambe limwelo li ti laphile ngutu kupinda limwani; aniko lile lo lapha ngutu li to mila ngu msana ka lile lo koma.

Jeremiya 50:3

Nguko a wuketwe ngu ditiko dimwedo da Wuphemba, di no maha ti taku ditiko dakwe di maha txiwula, kha ku na mbi maneka wo zumba ka dona: Vathu va tutumile kumweko ni sifuyo sawe, va tsute.

Isaya 41:25

Na wusa mmweyo ngu Wuphemba, se ene a nata; kukhukhela kuhumani ka ditambo; a na khumbuka ditina dangu; kambe a nata txitimwi ka vathaviseki, ku nga txitimwi ka ndope; ni kufana ni muwumbi a kandetelako dibumba, ngu toneto, a na va kandetelisa toneto nene.

Ezra 1:2

Mkoma, Txizimu txa nzuma, a ni ningile yotshe mifumo ya ha mafuni; se a ni rwekile ku mu akela nyumba kona Jerusalema, i ku kona Judha.

Isaya 13:2

Gwimbani m'jeke txitimwi ka mmango wa kwa mbi na txilo; va dhaneni ngu dipswi do guleka, mi va dyoweta ngu dianza, kasi kuva txi wulela ngu sike sa vathangeli.

Isaya 48:15

Ani, ngani ni nga womba; kambe ni m'dhani, ni na mtisa, ni kumaha nzila yakwe yi humelela.

Jeremiya 43:10

U txi khawe kwawe: Mkoma wa Mabutho a Tiyimbi, Txizimu txa Israyeli, a khene: Ni na rumela ka Nebhukodhonosori, mfumeli wa Bhabhilona, txithumi txangu, ni na veka mfumo wakwe txitmwi ka marigwi awa, ni nga ma khweketela, ene a na gwimba ditenda da mfumo wakwe txitimwi ka ona.

Jeremiya 51:30

Avale va ku ni mitamo amu Bhabhilona va lekile kulwa, va mule ko wonelela, yi gumile mitamo yawe, va txi nga mbavasikati: Ti hisilwe tinyumba mitini kwawe, kufunyilwe sikhweketo.

Jeremiya 51:58

Mkoma wa Mabutho a Tiyimbi a khene: Maguma o anama a Bhabhilona, kha ditshuri ma na wiswa, ni matimba akwe o tshura ma na hiswa ngu mndilo, ma txi karala.

Ezekhiyele 29:20

Kasi kudihela mthumo wakwe wule a nga wu maha wa kuwukela Tiro, ni mningile ditiko da Egipta, nguko va thumile wukhaloni kwangu, kuwomba Mkoma Txizimu.

Dhaniyeli 8:4

Ni to wona ti to hamba yi dhinela kukomba mswa-ditambo, ni wuphemba, ni wulambwe; kambe ku si na txihari ni txa tximwetxo txo tshuketa hafuhi ka yona, hambi m'thu wo dingana kuhuluka ka hamba; yona yi ti maha madingano ni kuranda ka yona, kambe yi ti ti kulisa.

Nahume 3:13

Wona taku vathu vako, a va va ku hagari kwako, va na nga vavasikati; sike sa ditiko dako, si tulekile ka valala vako; mndilo wu na tshokomisa sikhoto sa tisimbi.