Isaya 44:8 - Bhiblia Yo Sawuleka

⁸ Mi nga thaveni, kambe mi nga dhudhumeleni, ina kha na mi maha mi tiengisa, niku kha na mi zivisa kani? Nguko anu mi tifakazi tangu. Ina txiho tximwani Txizimu hahanze kwangu kani? Ahim-him! Kha ku nga ni dimwani Dirigwi, ni di zivako.

Isaya 44:8 Referans Kwoze

Isaya 43:10

Anu mi tifakazi tangu, kuwomba Mkoma; txithumi txangu txile ni nga txi sawula; kasi ku mi na tiziva, mi kholwa kwangu, ni ti to mi pfisisa taku ani ngani nipune, ni ti to hahanze kwangu kha ku khali ku va ho tximwani txizimu, ni msana kwangu kha ku na mbi vaho tximwani Txizimu.

1 Samuwele 2:2

Kha ku na wo sawuleka kufana ni Mkoma; nguko kuwalo mmwani hahanze kwako; kha ku na dirigwi ni da dimwedo do fana ni Txizimu txathu.

Dhewuteronome 4:35

U ningilwe kuwona totsheto, kasi ku u txi tiziva ti to Mkoma ngene ekha i ku Txizimu; kha txi ngaho tximwani hahanze ka txona.

Dhewuteronome 4:39

Ngu toneto, ti zive nyamsi u txi ti pimisa mbiluni kwako tito, Mkoma ngene ekha i ku Txizimu, txitimwi nzumani, ni hahatshi ha mafuni; kha ku nga ho tximwani.

Johani 10:30

Ani ni Tate hi mmweyo.”

Johani 1:1

Kukhatani ku ti ni Dipswi; Dipswi di ti ni Txizimu, Dipswi i ti Txizimu.

Joyeli 2:27

Se anu mi na tiziva ti to ani niho hagari ka Israyeli, ni ti to ani ngani Mkoma, Txizimu txanu, kha ku na mmwani kambe; ni vathu vangu kha va na mbi theleka tingana yotshe mbimo.

Isaya 44:6

Mkoma, Mfumeli wa Israyeli, i ku Mtiruli wakwe, Mkoma wa Mabutho a Tiyimbi, a khene: Ani ngani wo khata, kambe ngani wo gwita, hahanze kwangu, kha ku nga ni Txizimu.

Masalmo 18:31

I mani i ku Txizimu, hahanze kwakwe Mkoma kani? I mani i ku dirigwi, hahanze ka Txizimu txathu kani?

2 Samuwele 22:32

Nguko i mani i ku Txizimu, hahanze kwako Mkoma kani? Ni ku i mani i ku dirigwi, hahanze ka Txizimu txathu kani?

Dhewuteronome 32:39

Se konkuwa, wonisisani tito: Ani, ani ngani, kha txi nga ho tximwani txizimu kwangu; ani na daya, kambe na hanyisa. Ani na dayisa, kambe na holisa; kha nga ho a kuhulukako, manzani kwangu.

Isaya 46:9

Alakanyani timhaka ti ti nga pinda ta kale ngutu: Taku ani ngani Txizimu, se kha ku na tximwani Txizimu, kha ku nga ni tximwani txo fana ni nani;

Dhaniyeli 6:22

Txizimu txangu txi rumete Ngelozi ya txona yi ta vhala sisofu sa tingonyamo, kasiku ti si ni mahi txilo, nguko ni manekile ni si na mnandu masoni ka Txizimu; hambi masoni kwako, awe mfumeli, kha ni khali kumaha wubihi ni wawumwewo.

Dhaniyeli 4:25

U na thaviswa hagari ka vathu, se u hanya ni sihari sa txitinga, se si na kumaha wudya mwasi kufana ni tihomu, wu nakaniswa ngu mwando wa nzumani; kambe ku na pinda mtxhanu wa timbimo ni timbidi txitimwi kwako, kala kuza wuziva ti to Nyatxitimwi wa fuma txitimwi ka mifumo ya vathu, ni kuninga kufuma ka wule amu randako.

Dhaniyeli 2:47

Mfumeli a to xamula ka Dhaniyeli, a txi khene: Ngu ditshuri, Txizimu txanu, Njizimu txa sizimu, kambe Mkoma wa vafumeli, ngene m'zivisi wa sihunja, nguko u sikoti kuwonekisa txihunja txiya.

Dhaniyeli 2:28

Aniko ku ni Txizimu tximwetxo nzumani, txi txi zivisako sihunja; ngu txona txi nga zivisa mfumeli Nebhukodhonosori ti ti no humelela ka masiku a matako. Mloro wako ni siwoniso si u nga si wona ha m'bhedhuni kwako ngu siya:

Jeremiya 10:7

Awe Mfumeli wa matiko, i mani asi ku thaviko kani? U fanete kuthavwa, nguko hagari ka totshe titxhari ta vamatiko, ni ka mifumo yawe yotshe, lambi, khangaho wu a fananako ni nawe.

Isaya 48:5

Ngu toneto, ni kuzivisile kukhukhela kale, kambe ni kuzivisile na ti sanzi kumaheka, kasi ku u si khawe: “Simaha siya si mahilwe ngu txithombe txangu, mwendo txifananiso txangu txo vatwa, mwendo txifananiso txangu txo wumbwa,” si rumisile kumaha.

Isaya 44:2

Mkoma wu a nga kuvanga, e kuwumba kukhukhela mndani, ni ti to a na kuvhuna, a khene: U nga thave awe Jakobe, txithumi txangu, ni nawe Jesurumi, awe ni nga kusawula.

Isaya 43:12

Ani ni zivisile, kambe ani ni hanyisile, ni ti mahile ti pfala, se txizimu tximwani kha txa nga vaho hagari kwanu, anu koko mi tifakazi tangu, kuwomba Mkoma; ani ni Txizimu.

Isaya 42:9

Wona taku, timhaka ta kale ti pindile, na mi zivisa timhaka ta tiphya, na mi zivisa ti sanzi kuwoneka.

Isaya 30:29

Ku nava ni ndando hagari kwanu, kufana ni wusiku wu ku mahwako m'buso wo sawuleka; ni kutsaka ka mbilu, ko fana ni ku humako mbimo ku yi ku vetwako tshodi, kasi ku ta mmangoni ka Mkoma, ka dirigwi da ka Israyeli.

Ezra 8:22

Nguko ni vile ni tingana kukombela masotxhwa ka mfumeli, ni vagadhi va mahantxhi ku hi vhikela ka valala nzilani, ngako hi nga ti ti wombile ka mfumeli ku khathu: Dianza da Txizimu txathu di txitimwi ka votshe vale va txi lavako ngu ta tinene, aniko mtamo wa txona ni txiviti txa txona, si txitimwi ka vale va txi lekako.

Ezra 1:2

Mkoma, Txizimu txa nzuma, a ni ningile yotshe mifumo ya ha mafuni; se a ni rwekile ku mu akela nyumba kona Jerusalema, i ku kona Judha.

Dhewuteronome 32:31

Nguko dirigwi dawe kha di fani ni Dirigwi dathu, ni valala vathu ndifakazi ta mhakeyo.

Dhewuteronome 32:4

Txizimu Dirigwi, ni mthumo wa txona mbwo hetiseka. Nguko totshe tinzila ta Txizimu ti lulamile. Njizimu txa ditshuri, atxi txi ku si nga ni wubihi. Txi na ni wunene, txi lulamile.

Genesisi 48:19

Aniko tate wakwe a to lamba, a txi khene: Ani na tiziva mwanangu, na tiziva; nene a na anda, kambe a na maha wa hombe; hambi keto, mnanda wakwe a na va i di wa hombe kupinda ene, ni liveleko lakwe li na maha mifumo yo tala.

Genesisi 46:3

Txizimu txi to kha txona: “Ani ngani Txizimu txa tate wako. U nga thave kutsula Egipta, nguko koneyo ani ni na ya tumbulukisa mfumo wa hombe ngu ngawe.

1 Johani 1:2

Wutomi wu ti kombisile, nguko hi wu woni, ha wu fakazela; se ha mi zivisa ta wutomi wuwa wo mbi guma, awuwa wu nga ti ni Tate, wu nga ti kombisa kwathu;

Vahebheru 12:1

Ngu toneto, akuwa hi nga randelwa ngu mtalo wa hombe wa tifakazi ta likholo, nanathu hi fanela kutshotsha kule sotshe si si hi nemelako kumweko ni txionho txi txi hi namarelako, hi txi tutuma ngu kutsanisela mnava wu hi nga sikelwa wona.

Mithumo 14:15

“Vavamna! Mi mahela txani toneto kani? Anathu hi vathu vo fana ni nanu ngu mtumbuluko; mahungu amanene awa hi mi tiselako ona, ngu ti to mi leka mithumo yi ya kukhozela sa walo, mi tshumelela ka Txizimu txi txi hanyako, txi nga maha nzuma ni mafu ni linene, ni sotshe simaha si si ku ka sona.

Mithumo 1:8

Aniko, mi na amukela mtamo wa Moya wo Sawuleka, wu no txhika txitimwi kwanu, se mi na va mi di tifakazi tangu ahawa Jerusalema ni ka dotshe ditiko da Judheya ni Samariya, kala magemeta-mitshi ka ditiko.”

Johani 6:10

Jesu a to xamula, a txi khene: “Va geleni vathuvo ve khalahatsha.” Ku ti ti ni mwasi wawungi ka wukhalo wule. Vathu koko va to khalahatshela, ngu mtengo wa hafuhi ka 5.000.

Masalmo 86:10

Nguko ngawe wekha u ku Txizimu! Ngawe u ku wa hombe, u mahako sidiwukiso!

Isaya 17:10

Ngu mhaka yeto, u divate Txizimu txa kuhanyiswa kwako, kambe khwa alakanya dirigwi da mkhokhola wako; ngu mhaka yeto u na phaya mindonga yo tshura, u yi bhiyela ngu mindonga ya vamatiko.

Isaya 26:4

Thembani Mkoma ngu ha ku si gwitiko, nguko Mkoma Txizimu, dirigwi da yotshe mbimo.

Isaya 41:23

Hi ziviseni timhaka ti ti nota, kasi ku hi na ziva ti to anu mi sizimu; mi maha ta tinene, mwendo mi maha to biha, kasi ku hotshethu hi na ti wona hi xamala.

Isaya 43:11

Ani, ani ngani Mkoma, se hahanze kwangu, kha ku nga ni M'hanyisi.

Isaya 45:19

Kha na womba-womba txihujani, hambi ka wukhalo wa txidema wa ha mafuni; kha na womba ka liveleko la Jakobe, ni txi khani: Ni laveni walo; ani ngani Mkoma, ni wombawombako kululama, ni zivisako timhaka ta tinene.

Isaya 48:3

Ni zivisile kukhukhela kale timhaka to khata; ina, txisofu txangu txi ti wombile, se ani ni ti mahile ti pfala; ngu kukuluveta ni ti mahile, kambe ti pindile.

Masalmo 18:32

Txizimu ngu txona txi ni mahako wa mtamo ngu txona txi mahako nzila yangu yi va yo hetiseka.

Isaya 43:9

Matiko otshe ma na sengeletane, ni vathu va na tshangane; i mani hagari kwawe a nga sikotako kuzivisa tiya, e hi maha hi engisa timhaka ta kale kani? Kombisani tifakazi tanu, kasi ku mi ti basisa, ni ti to ti pfiwa, ni ti to ku txi wombwa taku: Ditshuri!