Isaya 44:6 - Bhiblia Yo Sawuleka

⁶ Mkoma, Mfumeli wa Israyeli, i ku Mtiruli wakwe, Mkoma wa Mabutho a Tiyimbi, a khene: Ani ngani wo khata, kambe ngani wo gwita, hahanze kwangu, kha ku nga ni Txizimu.

Isaya 44:6 Referans Kwoze

Isaya 41:4

I mani a nga thuma e maha timhaka tiya, e dhana matiko kukhukhela kukhatani kani? Ani Mkoma, wo khata ni kugwita, ani nipune.

Mtuletelo 1:8

Ani ngani Alfa ni Omega, kha Mkoma Txizimu, awu a kuho, awu a nga ti ho, awu a tako, awu i ku nyamne wa mtamo.

Mtuletelo 22:13

Ani ngani Alfa ni Omega, Wo khata ni Wo gwita, Makhato ni Magwito.

Isaya 44:8

Mi nga thaveni, kambe mi nga dhudhumeleni, ina kha na mi maha mi tiengisa, niku kha na mi zivisa kani? Nguko anu mi tifakazi tangu. Ina txiho tximwani Txizimu hahanze kwangu kani? Ahim-him! Kha ku nga ni dimwani Dirigwi, ni di zivako.

Isaya 48:17

Mkoma, i ku Mutiruli wako, Msawuleki wa Israyeli, a khene: Ani ngani Mkoma, Txizimu txako, awu a ku gondisako ti ti vhunako, ni ku kukomba nzila yi u felako kutsimbila ngu yona.

Isaya 48:12

Ni engise, awe Jakobe, ni nawe Israyeli, awe ni nga ku dhana; ani ngani eneyo wammweyo, ani wo khata, ani kambe wo gwitisa.

Dhewuteronome 32:39

Se konkuwa, wonisisani tito: Ani, ani ngani, kha txi nga ho tximwani txizimu kwangu; ani na daya, kambe na hanyisa. Ani na dayisa, kambe na holisa; kha nga ho a kuhulukako, manzani kwangu.

Isaya 42:8

Ani ngani Mkoma; adiya ditina dangu; wudhumo wangu koko, kha ni na mbi ninga mmwani, hambi kudhumiswa kwangu, kha ni na mbi kuningela ka sithombe so vatwa.

Isaya 44:24

Mkoma, Mtiruli wako, wule a nga ku wumba kukhukhela mndani, a khene: Ani ngani Mkoma, ni mahako sotshe, ni atetako tinzuma, ni kunawuluta mafu ani nipune;

Dhewuteronome 6:4

Engisa awe Israyeli, Mkoma, Txizimu txathu, Mkoma mmweyo dwe.

Dhewuteronome 4:39

Ngu toneto, ti zive nyamsi u txi ti pimisa mbiluni kwako tito, Mkoma ngene ekha i ku Txizimu, txitimwi nzumani, ni hahatshi ha mafuni; kha ku nga ho tximwani.

Isaya 43:1

Se konkuwa, kuwomba Mkoma, wule a nga kuvanga, awe Jakobe, kambe a nga kuwumba awe Israyeli, a khene: U nga thave, nguko ani ni ku tirute; ni kudhani ngu ditina dako; awe u wangu.

Isaya 37:16

O Mkoma wa Mabutho a Tiyimbi, Txizimu txa ka Israyeli, awe u zumbako hagari ka Makerubhima; ngawe u ku Txizimu, awe wekha, ka yotshe mifumo ya ha mafuni; awe u vangile nzuma ni mafu.

Dhewuteronome 4:35

U ningilwe kuwona totsheto, kasi ku u txi tiziva ti to Mkoma ngene ekha i ku Txizimu; kha txi ngaho tximwani hahanze ka txona.

Isaya 33:22

Nguko Mkoma mlamuli wathu, Mkoma mmahi wa milayo yathu; Mkoma ngene Mfumeli wathu, ene a na hi hanyisa.

Isaya 41:14

U nga thave, awe txipungwana txa Jakobe, sivathwana sa ka Israyeli; ani na kuvhuna, kuwomba Mkoma, kambe Mtiruli wako Msawuleki wa Israyeli.

Mtuletelo 2:8

Ka ngelozi ya Dibanza da Esmirna, bhala u txi khawe: “A womba tiya awule wo khata ni kugwitisa, awule a nga ti fite, se e tshumela e hanya.

Matewu 25:34

“Sekoko Mfumeli a na gela vale va ku txinene a txi khene: ‘Ngonani anu mi nga katekiswa ngu Tate wangu, amukelani thomba ya Mfumo, ayi mi nga lulamiselwa kukhukhela di txi mahwa ditiko.

Isaya 54:5

Nguko M'vangi wako i mwamna wako; ditina dakwe Mkoma wa Mabutho a Tiyimbi; se Msawuleki wa Israyeli, ngene mtiruli wako; ene a na dhanwa ku Txizimu txa otshe mafu.

Malakiya 1:14

Sekoko a na rukwe mkanganyisi wule waku, a di ni txihari ka mtxhambi wakwe, wa thembisa, kambe e ningela ka Mkoma tximaha txo soleka; nguko ani ngani Mfumeli wa hombe, kuwomba Mkoma wa Mabutho a Tiyimbi, ditina dangu di na maha do thisa hagari ka matiko.

Jeremiya 50:34

Aniko Mtiruli wawe mbwa mtamo, Mkoma wa Mabutho a Tiyimbi i ditina dakwe; ngu ditshuri a na emela mhaka yawe, ku va a txi na ninga kuhumula ha mafuni, ni kumalata vazumbi va Bhabhilona.

Isaya 59:20

Se ku nata Muhanyisi ka Siyoni, ni ka va ka Jakobe avale va nga leka tinzila to biha, kuwomba Mkoma.

Matewu 27:37

Se ve nameketa ngu txitimwi ka msungo wakwe, m'bhalo wa mhaka ya kufa kwakwe, va txi kha vona: “Awu i Jesu Mfumeli wa Vajudha.”

Isaya 37:20

Konkuwa koko awe Mkoma, Txizimu txathu, hi txhatxhise manzani kwawe, kasi ku yotshe mifumo ya ha mafuni, yi tiziva tito, ngawe dwe u ku Mkoma.

Isaya 41:21

Txhamuselani mhaka yanu, kuwomba Mkoma; tisani wufakazi wanu wo tsana, kuwomba Mfumeli wa Jakobe.

1 Timoti 3:16

Na tsanisa ti to msisalo wa wukhongeli wathu mbwa hombe: “A wonekisilwe nga m'thu, a wombilwe wo lulama moyani, a wonwi ngu tingelozi, a nuwetwe hagari ka matiko, a tumetwe ha mafuni, a kwetisilwe txitimwi kudhumiswani.”

Mtuletelo 1:11

“Ati u ti wonako, ti bhale amu ka dibhuku, u txi ti rumela ka mabanza a mtxhanu ni mambidi: Efesu, Esmirna, Pergamo, Tiyatira, Sardhisi; Filadhelfiya ni Laodhikheya.”

Masalmo 86:10

Nguko ngawe wekha u ku Txizimu! Ngawe u ku wa hombe, u mahako sidiwukiso!

Isaya 63:16

Aniko awe u Tate wathu, hambi kule Abrahamu asi hi ziviko, ni Israyeli asi hi alakanyiko. Awe Mkoma, u Tate; Mtiruli wathu, kukhukhela kaleko, ditina dako.

Isaya 40:18

Mi nga txi fananisa ni mani koko Txizimu, mwendo mi nga txi fananisa ni txani kani?

Isaya 43:9

Matiko otshe ma na sengeletane, ni vathu va na tshangane; i mani hagari kwawe a nga sikotako kuzivisa tiya, e hi maha hi engisa timhaka ta kale kani? Kombisani tifakazi tanu, kasi ku mi ti basisa, ni ti to ti pfiwa, ni ti to ku txi wombwa taku: Ditshuri!

Jeremiya 10:1

Engisani mhaka yi a yi wombako ngu Mkoma, anu nyumba ya ka Israyeli.