Isaya 44:25 - Bhiblia Yo Sawuleka

²⁵ ni khundumusako sikombiso sa vasiki va makuhu, ni kuxangisa vahuti; na tshumetela msana titxhari, ni kuvhinganyisa gondo ya tona;

Isaya 44:25 Referans Kwoze

Masalmo 33:10

Mkoma wa vhinganyisa makungo a matiko; ene wa va thindekisa kumaha makungo awe.

Jeremiya 50:36

Di nata ditxhari txitimwi ka va makuhu, kha va na mbi pfa txilo: Ditxhari di nata txitimwi ka tindena tawe, ti na tsivala.

2 Samuwele 15:31

Sekoko va to zivisa Dhavhidha, va txi kha vona: Ayitofeli nene a hagari ka vale va emako ni Abhisalome. Se Dhavhidha a to khene: Awe Mkoma, hundulusa txikungo txa Ayitofeli.

Jeremiya 51:57

Ni na levisa tinduna takwe ni titxhari takwe, ni vathangeli va tiyimbi, ni vafumeli vakwe, ni tindena takwe; va na mana wukohe wo mbi guma, kha va na mbi wuka, kuwomba Mkoma, awu ditina dakwe i ku Mkoma wa Mabutho a Tiyimbi.

Isaya 29:14

Wona taku, ni na simama ni maha mthumo wo xamalisa hagari ka vathu vava; i ku mthumo wo xamalisa, kambe wo thisa, nguko wutxhari wa titxhari tawe, wu na fuva, ni mapimo a vathu vawe vo ziva, wu na sisala.

Dhaniyeli 4:7

Sekoko ku to wulela titxhari, ni tiñanga, ni Vakaldheya, ni vahuti, se ani to xawutela mloro masoni kwakwe; aniko kha va sikota ku nininga txhamuselo ya kona.

Dhaniyeli 1:20

Ka timhaka totshe ta wutxhari ni mapimo ka tile mfumeli a nga va wotisa, a to mana ti taku va pinda ngu ka digumi, totshe tiñanga ni titxhari tile ti nga titiho ka mfumo wakwe wotshe.

Jeremiya 49:7

Txisolo xungetano ni Edhomi. Mkoma wa Mabutho a Tiyimbi a womba tiya: Ku ngava ku si ngadi ni wutxhari Temani kani? Ina si lovile silayelo sa titxhari kani? Wu bhirete wutxhari wawe kani?

2 Makronika 18:34

Ku to lwiwa ngutu ditshikwedo, mfumeli a to ema amu ka txikotxikani txakwe masoni ka Vasiriya, e gwitisa kufa ni minova ya kona.

2 Makronika 18:11

Votshe vaprofeti va to profetisa toneto, va txi kha vona: Tsula Ramoti-Gileyadhi u na ya xula, nguko Mkoma a na va ningela manzani ka mfumeli.

2 Samuwele 17:23

Se Ayitofeli a di woni koko, taku txikungo txakwe kha txa londetwa, a to sungelela mbongola yakwe, e khukha e tsula m'tini kwakwe, ka didhoropa dakwe, eya lulamisela nyumbani kwakwe e ti sunga: se efa, e tshotshwa ka dithitha da tate vakwe.

2 Samuwele 16:23

Ka masiku ale, mapswi ale ma nga ti wombwa ngu Ayitofeli ma ti fana ni mapswi a Txizimu: Hambi Dhavhidha ni Abhisalome va ti ti themba ka otshe mapswi a Ayitofeli.

Eksodha 9:11

titxhari kha ta tsana kuema masoni ka Mosi, ngu mhaka ya sijavi, nguko ni tona ti ti tshapetwe ngu sona, kufana ni votshe Vaegipta.

1 Vafumeli 22:37

Na a di fite mfumeli, va to mtsulisa Samariya, veya mtshotsha kona.

Hoseya 9:7

Ma hokile masiku o tsayiswa, ma hokile masiku a kupharela; Israyeli a na tiziva; mprofeti kha na mapimo, m'thu wa moya, njiphukuphuku; ngu mhaka ya kutala ka wubihi wako, ni lona livengo li na kula.

Mika 3:7

Se vamawona kule va na wa tingana, ni vahuteteli va na phazamiswa, ina, vona votshe va na vhala sisofu sawe, nguko kha ku na mbi va ni xamulo ya Txizimu.

Mitengo 23:23

Nguko kha wu ngaho wurindi wo wukela Jakobe. Hambi wuñanga wo dingana kuwukela Israyeli. Yata mbimo yi ku no wombwa ngu Jakobe ni Israyeli ngu txikhati txa kona. Njitxani txi nga mbi mahwa ngu Txizimu!

Isaya 19:3

Se moya wa Vaegipta wu na guma mtamo mndani kwawe; ani ni na hangalasa txikungo txawe, kambe vona va na ya wotisa ka sithombe sawe, ni ka vanyamsoro, ni ka vahuti, ni ka vanyatixolo.

Zakariya 10:2

Nguko sithombe sa sizimu si womba-womba ta walo, se vahuteteli va tolovela kuwona makuhu ni kutxhamusela miloro ya walo, va thavelelana ngu ta kwa mbi nyawula; ngu toneto, va tsimbilisa ku nga tinvuta, va txi xaniseka, nguko kha ku nga ni m'dyisi.