21 Alakanya timhaka eto, awe Jakobe, ni nawe Israyeli, ngako u ku txithumi txangu; ani ni ku vangile, awe Israyeli u txithumi txangu; kha ni na mbi kudivala.
Se konkuwa, kuwomba Mkoma, wule a nga kuvanga, awe Jakobe, kambe a nga kuwumba awe Israyeli, a khene: U nga thave, nguko ani ni ku tirute; ni kudhani ngu ditina dako; awe u wangu.
Ti woneleni mi si divali txitumelelano txi Mkoma, Txizimu txanu, a nga txi maha ni nanu, mi si thuki mi ti mahela txifananiso txo wumbwa, txa tximaha txihi ni txihi, a txi Mkoma, Txizimu txanu, a nga mi tsimba.
Kambe ti wonele, awe upune, u txi xayisa ngutu moya wako, kasi u si divali tosthe ti maso ako ma nga ti wona, ti si thuki ti huma mbiluni kwako, ni ka dihi ditshiku da kotshe kuhanya kwako. Ti gondise ka vanana vako ni ka vatukulu vako.
Mbimo yile madhavi a kona ma no oma, ma na funywa; vavasikati va nata ma dhivela, nguko vathu vava, hi nga vathu vo pfisisa; ngu toneto, wule a nga m'va nga kha na mbi mpfela wusiwana, ni wule a nga muwumba, kha na mbi va mahela wumbilu.
Ngu kutxani koko, u wombako, awe Jakobe, ni nawe Israyeli u ku khawe: Nzila yangu yi tsivilwe ka Mkoma, ni kulamulwa kwangu ku kule ni Txizimu txangu kani?