Isaya 44:19 - Bhiblia Yo Sawuleka

¹⁹ Se kha ku nga ni wammweyo kwawe a khatalako ngutu, a ku ni wuzivi mwendo mapimo, kasi ku khene: Hafu ni hisile, ni bhikile dipawu txitimwi ka makala a mndilo, kambe ni yokile nyama txitimwi ka ona, nidya; se ni nga maha manyala ngu yile yi nga sala kani? Ina ni nga khizamela phande ya mndonga kani?

Isaya 44:19 Referans Kwoze

Dhewuteronome 27:15

“Dikhombo di nave ka m'thu wule a mahako txithombe txo vatwa, mwendo txo bhakwa, nguko manyala ka Mkoma, tximaha txa mthumo wa manza a vathu, a txi txi khozela kusisalani!” Se vathu votshe va na womba va txi kha vona: “Amen!”

1 Vafumeli 11:7

Se Solomoni a to aka wukhalo wo dhumisa ka wona Kemosi, i nga ti txizimu txo biha txa Vamowabhi, ka mmango wu nga ti maneka wutxani ka Jerusalema, ni wukhalo wo dhumisa Moloke, txizimu txa walo txa Vaamoni.

1 Vafumeli 11:5

nguko Solomoni a to tsimbila ngu nzila ya Axitaroti, txizimu txa txisikati txa Vasidhoni, ni kulondeta Milkomi, txinyenyeko txa Vaamoni.

Hoseya 7:2

Kambe kha va wombi timbiluni kwawe ti to ani na alakanya wotshe wubihi wawe; konkuwa koko, va randelwa ngu mithumo yawe; ya woneka masoni kwangu.

Ezekhiyele 40:4

Se wamwamna wule a to khene kwangu: Awe mwanana wa m'thu, wona ngu maso ako, u engisa ngu tinzeve tako, kambe veka mbiluni kwako totshe ti ni no ku wonisa; nguko kasi ku ta kukomba tona, awe u to tiswa hawa; zivisa koko ka nyumba ya ka Israyeli, totshe ti u no ti wona.

Isaya 45:20

Sengeletanani, mi txita, tshuketani kumweko, anu mi nga huluka ka matiko; kha va zivi ta txilo ava va rwalako sithombe so vatwa, so mahwa ngu mapulango, kambe va khozelako ka txizimu txaku kha txi sikoti kuhanyisa.

Isaya 5:13

Ngu kumaha keto, vathu vangu va na yiswa wukhumbini ngu mhaka ya kwa mbi ziva, vathangeli vawe va na fa ngu nzala, ni dibutho da vathu di na oma ngu ditora.

2 Vafumeli 23:13

Mfumeli a to nyamisa ni sona siluvelo si nga ti ti maneka txidingeni ka Jerusalema, ngu didhawa da txinene ka mmango wa Masite, si nga ti ti akilwe ngu Solomoni, mfumeli wa ka Israyeli, ka Axitaroti, kunyenyeka ka Vasidhoni ni Kemosi, kunyenyeka ka Vamowabhi ni Milikomi, kunyenyeka ka vanana va Amoni.

Dhewuteronome 32:46

a wombile kwawe a txi khene: “Engisani ta tinene otshe mapswi awa nyamsi, ni ma fakazelako masoni kwanu, kasi ku anu mi na ma leleta ka vanana vanu, ti to va txi ma xayisa, va txi ma vekisa, otshe mapswi a mlayo wuwa.

Eksodha 7:23

Faro a to tshumela a txi ya nyumbani kwakwe; hambi ka toneto, kha khatala mu mbiluni kwakwe.

Hagayi 1:5

Se konkuwa, Mkoma wa Mabutho a Tiyimbi a khene: Vekani timbilu tanu amu ka tinzila tanu.

Isaya 46:8

Alakanyani eto, se mi tsana; mi ti vekisa timbiluni kwanu, anu vahambunyeti.

2 Vafumeli 23:14

Ngu kufana a to faya sithombe, e gangela sifananiso, e tata wukhalo wa kona ngu marambu a vathu.

Isaya 44:18

Kha va zivi txilo, hambi kupfisisa txilo; nguko va vhalekile maso, kasi ku va si woni, ni mbilu kasi ku va si pimi txilo.

Isaya 66:3

A wule a dayako homu, a fana ni wule a dayako m'thu; awu a phaxako ngu txinvutana, a fana ni wule a dayako yimbwa; awu a ningelako sa thembweni a fana ni wule a ningelako mnoha wa khumba; awule a hisako dibaselo a fana ni wule a khozelako txithombe; ni vona vava va ti langela tinzila tawe vapune, se muhefemulo wawe wa tsaka ngu wubihi wawe.

Hoseya 4:12

Vathu vangu va wotisa ka tiphande tawe, se ndonga yawe yi va xamula, nguko moya wa wugelegele wa va kanganyisa, se vona va timela, va si ti veki hahatshi ka Txizimu txawe.