Isaya 44:15 - Bhiblia Yo Sawuleka

¹⁵ Sekoko m'thu a dhivela tikhuni ta mndonga, a txi ora ni kubhika dipawu, kambe wa khanda txizimu, se e nama masoni ka txona, a vata txithombe ngu mndonga, e khizama masoni ka txona.

Isaya 44:15 Referans Kwoze

2 Makronika 25:14

Ku to maheka taku, msana ka kuva Amaziya a di dayete Vaedhomi, a to wiya adi rwate sizimu sa vanana va ka Seyiri, se e ta simaha sizimu sakwe, e si khizamela, e si hisela dibaselo.

Mtuletelo 9:20

Vamwani vathu va nga mbi dawa ngu sixaniso siya, kha va nga hunduluka ka mithumo ya manza awe, ti to ve leka kukhozela madhimoni, ni sithombe sa nzalama ni silivela ni simbi ya disotxe ni sa dirigwi ni sa mindonga, asi si sikotiko kuwona, hambi kuengisa mwendo kutsimbila.

Isaya 45:20

Sengeletanani, mi txita, tshuketani kumweko, anu mi nga huluka ka matiko; kha va zivi ta txilo ava va rwalako sithombe so vatwa, so mahwa ngu mapulango, kambe va khozelako ka txizimu txaku kha txi sikoti kuhanyisa.

Isaya 44:10

I mani a wumbako txizimu, e tshula txithombe txo vatwa, txa kwa mbi vhuna txilo kani?

Valamuli 2:19

Aniko ku txi maheka taku, ngako a txi fa mlamuli, va ti ti tshumela va txi ti nyenyezisa, kupinda vatate vawe, va txi londetela simwani sizimu, va txi si thumela ni ku si khizamela; va si leki ni txa tximwetxo ka simaho sawe, hambi txieyiso txawe.

Isaya 44:14

A titekete mikedhari, mwendo kuteka mikipresi, mwendo mkusu, kambe wa ti karata kuthuma ngu mindonga ya txitinga; wa phaya msululwani, se mati a nzuma me wu kulisa.

Isaya 44:16

A hisa hafu ya phande, se ngu yimwani hafu edya nyama, o yi yoka, edya e khura; kambe wa ti futumeta, a txi khene: “Se na pfa kufutumela, nguko ni ni mndilo!”

Isaya 44:17

Sekoko, ngu tikhuni tile ti salako, a khanda ngu tona txizimu, txithombe txo vatwa, e khizama masoni ka txona, e nama, e maha mkombelo wakwe ka txona, a txi khene: Ni hulukise, nguko awe u txizimu txangu.

Isaya 46:6

Va xakela nzalama amu ka tithavangu, ve pima silivhela ngu sikalo; va hakela mtshuli, se ene e maha txizimu, masoni ka txona va nama ve khizama.

Isaya 2:8

Kambe ditiko dawe di tate ngu sithombe so vatwa; va khizama masoni ka mthumo wa manza awe, masoni ka sile si nga mahwa ngu titiho tawe.