Isaya 44:12 - Bhiblia Yo Sawuleka

¹² Mtshuli wa maha ditxhapu, kambe a thuma ngu makala a mndilo, se edi tshula ngu hamela, ni ku di vavela ngu mtamo wa diwoko dakwe; ene a ni nzala, kambe mtamo wakwe wa kelela, se kha seli mati, kambe wa karala.

Isaya 44:12 Referans Kwoze

Isaya 40:19

Mthumi wa vata txithombe, se mtshuli e nameketela nzalama ka txona, ni ku txi mahela liketani la silivhela.

Habhakuki 2:13

Wonani taku, kha ti ti ngu ka Mkoma wa Mabutho a Tiyimbi taku, matiko me thumela kuhiswa ngu mndilo, ni ti to vathu ve karala ngu ta kwa mbi nyawula.

Eksodha 32:8

Ngu kukuluveta va hambukile ka nzila yi ni nga va leletela. Va ti mahete dirole da nzalama yo khandwa, ve di khozela, ni ku di mahela mphaxo, va txi kha vona: “Asiya nzizimu sako awe Israyeli, asi si nga kuhumisa ditikoni ka Egipta!”

Eksodha 32:4

ene a to amukela singeda sa nzalama ngu manzani kwawe, e ti veka mu ka txikadyana, e ti nyivilikisa, se a txi maha ngu tona txithombe txa dirole. Sekoko va to kha vona: “Asiya ngu sona sizimu sako, awe Israyeli, asile si nga kuhumisa ditikoni ka Egipta!”

Dhewuteronome 4:28

Koneyo mi na ya khozela sizimu so mahwa ngu manza a vathu, sa mapulango ni sa marigwi, si si woniko mwendo kuengisa, kudya mwendo kupfa kubhumula.

Isaya 40:20

Txisiwana txi sisikotiko kuninga so tala, txi sawula dipulango di di si siniko; se mthumi wo txhariha e di teka, kasi ku ta m'vatela txithombe txi txi si zinginikiko.

Habhakuki 2:18

Ngu txihi txivhuno txa txithombe txo vatwa txi nga vatwa ngu m'vati wa txona kani? Se txithombe txo wumbwa txi gondisako makuhu, a txi themba ngu txani muwumbi wa txona, na kuve njifananiso txa txizimu txa txiduma kani?

Zakariya 1:20

Se Mkoma a to ni komba mune wa vatshuli va tisimbi.