Isaya 44:10 - Bhiblia Yo Sawuleka

¹⁰ I mani a wumbako txizimu, e tshula txithombe txo vatwa, txa kwa mbi vhuna txilo kani?

Isaya 44:10 Referans Kwoze

Jeremiya 10:5

Sifananiso sa ku nga phande thembweni ka mikhokho, si ema kona aniko kha si wombawombi; sona si lava kupakatwa, nguko kha si sikoti kutsimbila. Mi nga si thaveni, nguko kha si zivi kumaha kubiha, hambi kuva ni mtamo wo maha tinene.

Habhakuki 2:18

Ngu txihi txivhuno txa txithombe txo vatwa txi nga vatwa ngu m'vati wa txona kani? Se txithombe txo wumbwa txi gondisako makuhu, a txi themba ngu txani muwumbi wa txona, na kuve njifananiso txa txizimu txa txiduma kani?

Mithumo 19:26

kambe ma ti wona ni ku tiengisa va txi womba ti taku Paulo wuwa wa kujetela vathu, votala, i si nga Efesu muwa dwe, aniko a lavile kueneta dotshe ditiko da Aziya, a txi va hambukisa ngu ku va gela ku khene sizimu si si mahwako ngu manza athu, hi nga sizimu sa txilo.

1 Vakorinto 8:4

Ngu toneto, ka mhaka ya sakudya sa timhamba ta kugandela sizimu sa walo, ha tiziva hotshethu ti to Txizimu txa walo hi nga txa txilo ha ditikoni; ha tiziva ti to ku ni Txizimu, txa tximwetxo dwe, hahanze ka txona kuwalo tximwani.

Dhaniyeli 3:14

Nebhukodhonosori a to va wotisa, a txi khene: Ni geleni awe Xadreke, ni Mixake, ni Abhedhi-Nego, i na mo maha khakwenye kulamba kuthumela sizimu sangu, ni kukhozela txithombe txa nzalama, txile ni nga txi emisa, kani?

Dhaniyeli 3:1

Mfumeli Nebhukodhonosori a to maha txithombe txa nzalama, txi txi ku ni kulapha ka mtxhanu wa magumi ni dimwedo a mikono, ni kuanama ka mtxhanu wa mikono ni wumweyo, eya txi emisa thembweni ka Dhura; ditikoni ka Bhabhilona.

Isaya 41:29

Wona taku votshe kha va vhuni txilo, mithumo yawe hi nga txilo, sithombe sawe so wumbwa i moya, hi txilo.

1 Vafumeli 12:28

Ngu konaho, mfumeli a to wumba marole mambidi a nzalama, e va gela ku khene: Mthumo wanu wawungi i nave wo kwelela Jerusalema; wa siwona sizimu sako awe Israyeli, si nga kuhumisa Egipta.

Masalmo 115:4

Sizimu sa vamatiko i silivhela ni nzalama, sithombe so khandwa ngu manza awe:

Isaya 40:19

Mthumi wa vata txithombe, se mtshuli e nameketela nzalama ka txona, ni ku txi mahela liketani la silivhela.

Jeremiya 16:19

O Mkoma, dikhokhola dangu, ni mtamo wangu, ni wuthavelo wangu ngu ditshiku da kuxaniseka! Matiko ma nata kwako ngu magwito ka mafu, ma txi ta kha ona: Vatate vathu thomba yawe i ti ti makuhu ni kutikulisa dwe, si nga si vhuni txilo.

Isaya 45:20

Sengeletanani, mi txita, tshuketani kumweko, anu mi nga huluka ka matiko; kha va zivi ta txilo ava va rwalako sithombe so vatwa, so mahwa ngu mapulango, kambe va khozelako ka txizimu txaku kha txi sikoti kuhanyisa.