Isaya 44:1 - Bhiblia Yo Sawuleka

¹ Konkuwa koko, engisa awe Jakobe, txithumi txangu, ni nawe Israyeli, awe ni nga kusawula.

Isaya 44:1 Referans Kwoze

Isaya 41:8

Aniko awe Israyeli, txithumi txangu. Awe Jakobe, awe ni nga kusawula, liveleko la Abrahamu, mngana wangu.

Jeremiya 30:10

U nga thave koko, awe txithumi txangu Jakobe, kuwomba Mkoma, kambe u nga xamale, awe Israyeli; nguko ni na kuhumisa ka matiko a kule, ni vanana vako, ngu ditikoni ka wukhumbi wawe; se Jakobe a na wuya, e ta humula, kambe a na zumbiseka, kha ku na mbi vaho wo m'dhukisela.

Jeremiya 4:7

Ngonyamo yi humile txigotoni ka yona, ni m'hasamuli wa matiko, a khukhile wukhaloni kwakwe kasi kuhangalasa ditiko dako, a hasamula a madhoropa ako ti taku ku si ngadi kuakwa ka ona.

Masalmo 105:6

Anu vanana va Abrahamu, txithumi txakwe, ni nanu vanana va Jakobe, msawulwa wakwe.

Luka 13:34

Jerusalema, Jerusalema, awe u dayako vaprofeti, u txi va balisela ngu marigwi ava va nga rumwa kwako, nzikhati singani, ni nga lava kusengeleta vanana vako, nga khukhu yi fundamelako sisondo sa yona hahatshi ka mabhapi a yona, kambe khwa ti lava.

Isaya 55:3

Riyani tinzeve, ngonani kwangu; engiseni, mihefemulo yanu yi na hanya; nguko ni na maha txitumelelano txo mbi guma ni nanu, ni mi ninga makatekwa o tsana a Dhavhidha.

Isaya 43:1

Se konkuwa, kuwomba Mkoma, wule a nga kuvanga, awe Jakobe, kambe a nga kuwumba awe Israyeli, a khene: U nga thave, nguko ani ni ku tirute; ni kudhani ngu ditina dako; awe u wangu.

Isaya 42:23

I mani a kuho hagari kwanu a tipfako tiya kani? A wonisisako e pfisisa ati ti nova ngu tona msana keto kani?

Genesisi 17:7

Ni na tsanisa Txitumelelano txangu ni nawe, ni lihunzu lako msana kwako, Txitumelelano txiya, txi na va txo mbi guma, se ani ni na va Txizimu txako ni txa lihunzu lako, msana kwako.

Masalmo 136:22

Ina, di maha thomba ya Israyeli, txithumi txona Txizimu, nguko lirando lakwe nda kala kupinduka!

Isaya 14:1

Nguko Mkoma a na pfela wusiwana Jakobe, kambe a na sawula Israyeli, a txi mu veka ditikoni kwakwe. Valuveli va na va kumweko navo, va txi namarela ka nyumba ya va ka Jakobe.

Isaya 41:9

Awe ni nga kuteka kukhukhela magwito ka mafu, ni txi kudhana ngu hagari ka makhalo ako amanene ngutu, ni txi khani: Awe u txithumi txangu, ni kusawute, kha na kuleka;

Isaya 44:21

Alakanya timhaka eto, awe Jakobe, ni nawe Israyeli, ngako u ku txithumi txangu; ani ni ku vangile, awe Israyeli u txithumi txangu; kha ni na mbi kudivala.

Isaya 45:4

Ngu kuranda txithumi txangu Jokobe, ni Israyeli, msawulwa wangu, ani kwako, ni na kudhana ngu ditina dako; ni ku ningile txibongo txako, hambi ku u nga si ni zivi.

Isaya 48:12

Ni engise, awe Jakobe, ni nawe Israyeli, awe ni nga ku dhana; ani ngani eneyo wammweyo, ani wo khata, ani kambe wo gwitisa.