Isaya 43:4 - Bhiblia Yo Sawuleka

⁴ Ngako u nga randeka masoni kwangu, kambe u dhundekile, se ani ni ku randile, niza ni ningela vathu ngu mhaka yako, ni ningela matiko kasi ku kuhanyisa.

Isaya 43:4 Referans Kwoze

1 Pedro 2:9

Ngu toneto, anu mi liveleko lo sawuleka, vaphaxeli va wukoma, mfumo wo sawuleka, vathu va va lumbako Txizimu, kasiku mi na tsimbila mi txi rurutela mithumo ya kuxamalisa ya Txizimu, atxi txi nga mi humisa txidemani, txi mi wuyisa liwoningoni ka txona ko xamalisa;

Jeremiya 31:3

Mkoma a wonekile kwangu ngu kule, a txi khene: Ni ku randile ngu lirando li li si gwitelwiko; na ku xayisela wuxinji wangu.

Genesisi 12:2

Ni na maha lihunzu la hombe ngu ngawe; ni na kukatekisa, ni kuninga ditina da hombe, uva ditshina da makatekwa.

Mtuletelo 3:9

Ni na kuningela vokari va disinagoga da Sathani, va ti wombako ku majudha, na i si nga ona, nguko va womba makuhu; ni na maha ti to ve ta ku khizamela minengeni kwako, kasiku ve tiziva ti to na kuranda.

Johani 17:23

Ani kwako ni nawe kwangu, kasiku va txi va i di va kutatiseka amu ka wumwewo, ni ti to ditiko di txi tiziva taku awe u ni rumile, ni ti kambe taku awe u va randile, nga ti u nga ni randisa tona ani.

Johani 16:27

Nguko ene Tate apune wa mi randa, nguko nanu mi ni randile ni kukholwa ti to ni tile ngu ka Txizimu.

Hoseya 11:1

Mbimo yile Israyeli i nga ti ti mfana, ani ni mrandile; se ni dhani mwanana wangu e huma ngu Egipta.

1 Pedro 1:7

kufela ku lisima la likholo lanu, i ku tximaha txa lisima kupinda nzalama, yi yi nyivilikiswako ngu mndilo, li mana wudhumo ni kupfaliswa, mbimo yi a nota Jesu Kristu, a txi ta ti wonekisa;

Malakiya 3:17

Se vona va na va vangu, kuwomba Mkoma wa Mabutho a Tiyimbi, ka dona ditshiku dile ni no maha mthumo wangu, va na va thomba yangu; ni na va divalela, ku nga m'veleki wu a divalelako mwanana wakwe, wu a thumelako.

Masalmo 135:4

Mkoma a ti sawulete Jakobe ni va ka Israyeli kasiku ve maha thomba yakwe.

Dhewuteronome 26:18

Se Mkoma a tsanisile nyamsi tito, awe u ditiko da kulumba ene apune, nga ti a nga kuthembisa tona, ni ti to u fanete kuxayisa sotshe sirumo sakwe.

Dhewuteronome 14:2

Nguko anu mi vathu vo sawuleka ka Mkoma, Txizimu txanu, kambe Mkoma a mi sawute hagari ka vamwani vathu, votshe vale va kuho txitimwi ka mafu, kasi ku mi va vathu vakwe mipune.

Johani 17:26

Ni va ningile kuziva ditina dako, kambe ni ngadi ni txi na va ninga ku di ziva, kasiku lirando li u nga ni randa ngu lona, li va li di kwawe, ni nani ni va ni di kwawe.”

Malakiya 1:2

Ani ni mi randile, kuwomba Mkoma: Aniko anu mi khanu: U komba ngu txani ti to u hi randile kani? Ina Esawu hi nga mwanawe wa Jakobe kani? Kuwomba Mkoma; hambi keto ni randile Jakobe,

Titosi 2:14

Ene a ti ningete ngu mhaka yathu, kufela ku hi tirula ka wotshe wubihi, kasiku ene e ti basisela ngamu yi yi no va i di yakwe, ayi yi khutalako amu ka mithumo ya yinene.

Johani 5:44

Mi nga kholwisa kutxani, anu mi dhumisanako ngu txanu, mi si laviko wudhumo wu wu tako ngu ka Txizimu txi i ku tximwetxo dwe.

Isaya 63:9

Ka kotshe kuxaniseka kwawe, ngene a nga xaniswa, se Ngelozi yile yi ku masoni kwakwe yi to va huanyisa; ngu lirando lakwe ni wumbilu wakwe, a to va tirula, se e va teka ni ku va tsimbitisa ka otshe masiku a kaleko.

Masalmo 112:9

Silo sakwe a abana ni sisiwana, aniko thomba yakwe yi na simama kala kupinduka a na va wa mtamo ni kuxonipheka.

Isaya 49:5

Se konkuwa, kuwomba Mkoma, wule a nga ni wumba khukhela mndani, kasi kuva txithumi txakwe, ti to ni wuyisa Jakobe kwakwe, aniko Israyeli kha ti pata; hambi keto masoni ka Mkoma ni na dhumiswa, ni Txizimu txitxhavangu txi na va mtamo wangu.

Dhewuteronome 4:37

Nga ti a nga txi va randa vatate vako, e sawula liveleko lawe, msana kwawe, ene apune, a ku humisile Egipta ngu wutumbu wakwe ni mtamo wakwe wa hombe.